تكاليف صيانة الكورولا

**sadany18** · 18-07-2009 05:16 PM

حد يجماعه يعرف تكاليف صيانة الكورولا 2008 -2009 فالتوكيل ؟؟
و اسعار قطع الغيار ايه اخبارها

**Hisham1** · 18-07-2009 05:22 PM

ممكن تتصل ب 16550 وتسأل علي التكلفة بالضبط

**محمد محمد** · 18-07-2009 06:15 PM

هوة حضرتك عايز تعمل صيانة كام وانا اسألك فى التوكيل يتاع العبور

**sadany18** · 18-07-2009 06:25 PM

المشاركة الأصلية كتبت بواسطة ابو الوليد المصرى

هوة حضرتك عايز تعمل صيانة كام وانا اسألك فى التوكيل يتاع العبور

ابو وليد .... صباح الفل
انا إنشاء الله داخل على 1000 بس انا عايز اعرف 5000 و 10000 و 15000 ......
بجد ربنا يكرمك يابو وليد انا كنت بدأت اتشأم من العربيه بس بعد ردك بدأت احبها .
أنا عاوز اسأل سوأل مهم جدا -- هوا يجرا حاجه لو انا فضلت ماشه على الes كتيير او سافرت عليه او مشييت علىطول عليه ؟؟؟ ارجو الافاده

**محمد محمد** · 18-07-2009 07:06 PM

يا مساء الورد يا sadany18......
بالنسبة للصيانة انا بعملها كل 10000كيلو يعنى انا ماشى 5000-15000-25000-35000ودى انا لسة عاملها من حوالى 10ايام بالنسبة لصيانة الالف دى بتتعمل ببلاش اما ال5000كلفتنى400جنيه تقريباوصيانة ال15000كلفتنى550جنيه تقريباوصيانة 25000كلفتنى750جنيه وصيانة ال35000كلفتنى550جنيه وكل الأسعار دى انا جايبها من الفواتيراللى عندى وانا لسة محتفظ بيها ونصيحة منى ليك وكل اللى بيقرأ الموضوع ماتدفعش حاجة فى الخزنة قبل ماتبص فى الفاتورة كويس بش بس تبص فيها دا انت تذاكرها قبل ماتدفع وتراجعها مع المهندس انا اخر مرة بعد مادفعت لقيت فى الفاتورة عملينلى اعادة برمجة للمفتاح مع انى مكنتش طالبه ب75جنيه ده غير ال10%ضريبة يعنى 82.5رحت قلت للمهندس راح واخد منى الفاتورة وبعد عشر دقائق قاللى روح استلم 82.5جنيه من الخزينة.
وبالنسبة للوضعEsمش هايحصل حاجة لو مشيت بيه بس استهلاك البنزين هايزيد زيادة طفيفة.

**faroukahafeez** · 18-07-2009 09:13 PM

مساء الفل يا شعب كورولا

دا جدول صيانة العربية من التوكيل

وزى أبو وليد ما قال مفيش مشكلة طبعاً انك تمشى ES على طول

يا ترى اخبار العربية اية وانت قربت على صيانة الالف ولسة عايز تبيعها ؟

**sadany18** · 20-07-2009 11:36 PM

المشاركة الأصلية كتبت بواسطة faroukahafeez

مساء الفل يا شعب كورولا

دا جدول صيانة العربية من التوكيل

وزى أبو وليد ما قال مفيش مشكلة طبعاً انك تمشى ES على طول

يا ترى اخبار العربية اية وانت قربت على صيانة الالف ولسة عايز تبيعها ؟

تسلم يا فاروق .... بص يمعلم طبعا لما انت و ابو وليد قولتولي جرب الES لقيت فرق ابن لزينا العربيه جامده و بتجري جامد و فعلا الفتيس تعود ,موضوع البيع طبعا راح حبه .
انا مشكلتى قلت طبعا بس الحاجه المديقاني بأه هيه طلعت الاول رزله اوي خصوصا فالزحمه لان العربيه ميتخوتش 2 حتى بال+ بس ده وانت على E هو ده الى محتاج يتظبط انا هجرب على M .
اتوقع ان TOYOTA يعملوا Software update ثاني يكون افضل.

**faroukahafeez** · 21-07-2009 12:32 AM

المشاركة الأصلية كتبت بواسطة sadany18

تسلم يا فاروق .... بص يمعلم طبعا لما انت و ابو وليد قولتولي جرب الes لقيت فرق ابن لزينا العربيه جامده و بتجري جامد و فعلا الفتيس تعود ,موضوع البيع طبعا راح حبه .
انا مشكلتى قلت طبعا بس الحاجه المديقاني بأه هيه طلعت الاول رزله اوي خصوصا فالزحمه لان العربيه ميتخوتش 2 حتى بال+ بس ده وانت على e هو ده الى محتاج يتظبط انا هجرب على m .
اتوقع ان toyota يعملوا software update ثاني يكون افضل.

الطلعة الاولة رزلة علشان دا فتيس مانيوال ودا طبيعى شوية فى أى فتيس مانيوال

بس ازاى العربية مش بتجيب الثانى حتى بالـ + انت بتشيل رجلك من على البنزين او لا ؟

الفتيس تعود ومع الوقت هتلقى الدنيا أحسن واحسن
فيه ناس اعرفها بتسوق العربية علي es بس ومش بتستخدم e أو m خالص
أنا شخصياً بسوق بال e معظم الوقت وبسوق es أو m لاما أكون عايز أشد أو أجرى جامد

**abo samra** · 21-07-2009 02:40 AM

انا بسوق على es من ساعة ما جبت العربيه
وبستخدم m لما بشد مع حد
غير كدا ان معتبر ال e مش موجوده اطلاقا لانها ممله جدا وبتنقل للخامس على 50
نظريا المفروض يكون فيه فرق فى استهلاك البنزين
عمليا انا مش بحس باى فرق يذكر
تحياتى

**sadany18** · 21-07-2009 05:13 AM

المشاركة الأصلية كتبت بواسطة faroukahafeez

الطلعة الاولة رزلة علشان دا فتيس مانيوال ودا طبيعى شوية فى أى فتيس مانيوال

بس ازاى العربية مش بتجيب الثانى حتى بالـ + انت بتشيل رجلك من على البنزين او لا ؟

الفتيس تعود ومع الوقت هتلقى الدنيا أحسن واحسن
فيه ناس اعرفها بتسوق العربية علي es بس ومش بتستخدم e أو m خالص
أنا شخصياً بسوق بال e معظم الوقت وبسوق es أو m لاما أكون عايز أشد أو أجرى جامد

لا انا قصدي ان سعات بتبقى فزحمه مقرفه فبتمشي 5 متر و تقف و يسلام بقى لو على دائرى مدينة السلام وداخل على الكمين الظريف و 20 عربيه حشرين نفسهم عايزين يعدوا فبيبقى غصب عنك سعات عاوز تطلع براحه فبتلاقى العربيه بتنط لقدام وبعدين تدوس فرامل هههههههييييسسس وهكذا .
فبقلك انا خليت العربه على m و دوست + فجابت 2 بتهيقلى ده هيبقا حلو فل حلات دى .

الموضوع: تكاليف صيانة الكورولا

LinkBack

أدوات الموضوع

عرض

-

-

-

-

-

-

المواضيع المتشابهه

تكاليف صيانة ال 10000

تكاليف صيانة الهوندا سيتى

تكاليف صيانة ال10,000 للايفو

تكاليف صيانة ال5000 للوجان

تكاليف صيانة السيتي 2009

الكلمات الدلالية لهذا الموضوع

المفضلات

المفضلات

ضوابط المشاركة