sensor parking للنوبيرا

**Badrowi** · 18-07-2009 07:04 PM

هل ممكن نركب sensor parking للنوبيرا

وبنحط الشاشة فين جوة

وبالنسبة للعدسلت نفسها هل بيتخرم فى الاكصدام ولا بيتلزق من بره وهل بنحتاج نفك الضفيرة

والتكلفة كام يا معلم؟

وينصح ام لا

**M.ABDEEN** · 19-07-2009 04:03 AM

ممكن تركيبه طبعا يا باشا وبجد جميل ومريح جدا ويمكن وضع الشاشة في اقصى الشمال على التابلوه عند اخر القايم والعدسات الاربع بيوزعوا على طول الاكصدام الخلفي بمسافات متساوية ولازم يحفر في الاكصدام ولا يحتاج لفك ضفيرة كل الحكاية بعد وضع الشاشة السلك بينزل وبيمشي من تحت التابلوه وبيخش تحت غطاء القوايم اللي في الابواب لغاية الشنطة وراء وبيوصله مع لمبة المارشيدير والترانس او الموديول بتاعه بيتحط جنب احد الفوانيس الخلفية بعد ازالة الفرش الموكيت اللي في الجنب وبترجع كل حاجة زي ماكانت كانك معملتش حاجة وفي نوع تاني اللي هو( واير ليس ) من غير اسلاك ولا حاجة انا كنت مركب النوع الاولاني في النوبير ب 375 جنيه ومعاه ضمان سنة بس بصراحة مريح جدا

**mmahermf** · 19-07-2009 08:54 AM

أنا مركب شاشة تتش وفيها بلوتوث وسماعة (لاستخدامها مع الموبيل) ومتوصل عليها كاميرا في الاكصدام الخلفي بحيث أشوف لايف عند الرجوع للخلف والشاشة بتركب على مراية التابلوه وهي عليها زجاج علشان تبقي مراية برضو والكاميرا بتشتغل بس ساعة الرجوع للخلف

بتتباع في سبير كار باب اللوق وهو ارخص واحد سمعت انها ب540 بالتركيب بس أنا استقربت واحد جنب البيت خد 670 بالعافية بالتركيب والتركيب حوالي ساعة.

**Eslam.Adly** · 19-07-2009 09:20 AM

بصراحة هى موضوع جامد لحماية الاكصدم المامى والخلفى وخصوصا طبعا لما تيجى تركن بس بردوه المشكلة مابتبقاش فى الركنة هى من مجرد النظر كده للركنة هاتعرف تاخدك ولا لاءه المشكلة الاساسية انك بعد ماتركن تمام التمام وجى تطلع تلاقى واحد بايس الاكصدام برده فاهاتعمل اية بقى حاجة تغيظ.

**mohelmy** · 19-07-2009 10:30 PM

[QUOTE=mmahermf;968854]أنا مركب شاشة تتش وفيها بلوتوث وسماعة (لاستخدامها مع الموبيل) ومتوصل عليها كاميرا في الاكصدام الخلفي بحيث أشوف لايف عند الرجوع للخلف والشاشة بتركب على مراية التابلوه وهي عليها زجاج علشان تبقي مراية برضو والكاميرا بتشتغل بس ساعة الرجوع للخلف

بصراحة حاجة جميلة جدا بس لو ممكن صور يكون اجمل

**bondjames** · 06-09-2009 08:16 PM

المشاركة الأصلية كتبت بواسطة mmahermf

أنا مركب شاشة تتش وفيها بلوتوث وسماعة (لاستخدامها مع الموبيل) ومتوصل عليها كاميرا في الاكصدام الخلفي بحيث أشوف لايف عند الرجوع للخلف والشاشة بتركب على مراية التابلوه وهي عليها زجاج علشان تبقي مراية برضو والكاميرا بتشتغل بس ساعة الرجوع للخلف

بتتباع في سبير كار باب اللوق وهو ارخص واحد سمعت انها ب540 بالتركيب بس أنا استقربت واحد جنب البيت خد 670 بالعافية بالتركيب والتركيب حوالي ساعة.

الكاميرا فى الإكصدام مش يبقى عمرها قصير؟
هل ممكن صورة توضح مكان الكاميرا؟
أنا عايز أركب واحدة لكن أنا شايف إن أنسب مكان لها تحت علامة دايو بس صعبان على أخرم صاج الشنطة!!!!