زجاج الفيرنا الخلفى

**Ahmed_Ezz** · 18-07-2009 09:12 PM

انا الزجاج الخلفى اتكسر من السرطان و غيرته فى ابو غالى بس الفرام اللى حوليه مش مظبوط و عايز حد كويس بره يعملو او حتى يغيرو فاياريت لو حد يعرف حد يقولى لأن جييت غسلت العربية لقيت الزجاج بيسرب ميه و لا رأيكو اعمل ايه؟؟؟؟ و شكرا.

**أشرف فتحى** · 18-07-2009 11:55 PM

أحسن حد بيشتغل فى تركيب الزجاج ويديك الزجاج الاصلى هو دكتور جريش اللى فى العاشر من رمضان ..المنطقه الصناعيه...محترفين واسعارهم ارخص من بره والتركيب مجانى ...لكن حضرتك المفروض ترجع على ابو غالى يظبطوا الشغل اللى عملوه او يرجعولك الفلوس....

وافتكر كده المشكله فى الجوان اللى بيتعمل بالسيليكون اللى بيبقى لونه اسود اللى بيعمل زى جوان حوالين الزجاج.....

**Ahmed_Ezz** · 19-07-2009 06:56 AM

تمااام الزجاج زى الفل المشكلة فى الجوان اللى بيتعمل بالسيليكون اللى بيبقى لونه اسود اللى بيعمل زى جوان حوالين الزجاج ده بقه اصلحة فين؟؟؟

**أشرف فتحى** · 19-07-2009 04:58 PM

المشاركة الأصلية كتبت بواسطة ahmed_ezz

تمااام الزجاج زى الفل المشكلة فى الجوان اللى بيتعمل بالسيليكون اللى بيبقى لونه اسود اللى بيعمل زى جوان حوالين الزجاج ده بقه اصلحة فين؟؟؟

كده يبقى الموضوع واضح......

اولا المفروض حضرتك ترجع لمركز الخدمه اللى عملت الزجاج ده فيه......لو ابو غالى...يبقى تروح تكسرلهم الدنيا وخصوصا لو مركز طومان باى لانه مركز مش كويس ابدا ومن خلال المره الوحيده اللى اتعاملت معاهم فيه .....ولو مركز جسر السويس فهما ناس محترمين ومن ضمن الفاتوره اللى حضرتك دفعتها تمن جوان جديد للزجاج ولاصق الزجاج اللى هوه السيليكون.....

العلاج بقى.......

الزجاج بيتفك ويتنظف مكانه كويس جدا وفى دكتور جريش بيعملوا ده بسلاح الكاتر.......لغايه ما ميبقاش فى اى أثر للجوان القديم.....

وبعدين بيجيبوا السيليكون الاسود وهو بيبقى من منتجات شركه سيكا وبيعملوا جوان تحت الزجاج فى مكان القديم.....

بيركبوا الزجاج ويتلزق باللزق لغايه ما ينشف السيليكون تماما وفى الوقت ده لازم العربيه ما تتعرضش للميه...يعنى ما تغسلش العربيه مثلا....

بعد يوم او اتنين بيبقى كل حاجه زى الفل......إن شاء الله...