يا جماعة إستلمت أسرع بيرسونا في التاريخ .. باركولي ..
بتوفيق من الله أولاً ثم جهود أستاذ أيمن في الحصول على عرض التخفيض ثم مجهود أستاذ محسن صالح في توفير طلبي في وقت قياسي .. بأشكرهم وربنا يبارك لهم ..
تم بحمد الله إستلام عدد واحد بيرسونا فضي هاي لاين ... بتاريخ اليوم 18/7/2009

ملحوظاتي:
- "عز العرب" التوكيل ده يا جماعة إنطباعي عنه إنه توكيل محترم ..البداية كانت من الإستقبال ودي بقى لقيتها في إستقبال أستاذ محسن.. و دخلت شفت مركز الصيانة ومنفذ قطع الغيار و المكاتب الإدارية ... كل شيء منظم وعلى مستوى ممتاز ... طبعاً ده إنطباع أولي .. أتمنى يدوم في خدمة ما بعد البيع ... ولكني متفائل، توكيل شغال في جيب وكرايسلر و دودج وبروتون وستروين لا بد إنه بيهمه إسمه وسمعته قبل كل شيء وده أكيد بينعكس على كافة مستويات الخدمات..

- بالنسبة للعربية ... ما شاء الله لا قوة إلا بالله
لفت نظري جداً عزل الصالون عن الشارع .... لو فيه فرح حواليك مش هتسمع حاجة..
العربية نفسها تجري بس عايزة طريق مفتوح تجري فيه ..
التكييف، ثلاجة ... نظام الصوت ممتاز ... ده إنطباع أول يوم ... وسأوافيكم بالأخبار أول بأول..