السلام عليكم , انا نادر من اسكندريه وانا هقول خلاصت الموضوع انا كنت بعانى من مشكلة الاضاءة بتاعت الفونيس
وكنت باكول مطبات الشورع لما اكون ماشى بسرعة , وعملت زى ماصاحب المومضوع عمل ومكنش فى فرق خالص فى الاضاءه والمدى وفرش الضوء على الارض كان ضعيف جدا .
" المهم" لازم تركب كتاوت تركى سعرها 30 ج ولمض المانى 200/260 سعر الواحده 40 وهبقى اصور العلبه وشكل اللمبه , وبصراحه الاضاءة بقيت قويه جدا و الطريق بليل بقى الظهر بالنسبالى
ومبقتش بشغل عالى خالص ولا محتاج عالى , والاضاءه عندى تمام اوى .
"ملحوظه " : كنت واقف فى اشارة وكان جامبى عربيه مركبه زينون 4300k وكان النور بتاعى مغطى على النور بتاعه " النور اللى بيبقى مفروش امام العربيه " وسالته انت مركب زينون قالى اه بس 35 واااات , وهبقى ارف الصور لحضرتكم وعلى فكره المض عاديه اللى هيا مصفره ,
وباذن الله لما اجيب لمض المانى 4300k او 8000k هبقى اعمل مقارنه بس اكيد هتبقى 200/260 عشان انا جربت 90/100 و 55/60 فرق شاسع مابين ال 3 انواع بالكتاوت لاكن من غير كتاوت هيبقى الفرق مش ملموس لان كتاوت الفابريقة معموله لل 55/60 او 90/100 فاستحاله تلاحظ الفرق على 200/260 . انا اسف انى طولت عليكم بس يارب اكون افدتكم واتظرونى مع الصور بكره باذن الله .
المفضلات