هههههههههههههههههههه اشمعنى قشطة يعني ... هو الامام بتاع المسجد دة في اخر الصلاة بيسلم و لا بيقول باي باي
عرض للطباعة
يا جماعة انا مع الرأى ده تماما. السلام تحية الاسلام ولكن لو حد قالك مرحبا تقوللو الله يرحب بيك ولو قالك صباح الخير قوللو صباح الفل والياسمين ولو قالك ازيك او كيف حالك قوله ززز.... والحمد لله. انما انك تديله على قفاه زى ماخونا العزيز كابوس الليل قال غلط الاسلام لم يأمر بذلك. وحاول دايما انك تبدأ بالسلام لأن كون ان هوا قال هاى معناه انك لم تبدأ انت بالسلام. اما لو زى اخونا اللى كان بتاع الاستقبال فى شرم بيقوللو هاللو ده تانى مرة يقوللوه تحية الاسلام رقم اتنين "السلام على من اتبع الهدى" وطبعا فاهمين. كلمة هاى دى بصراحة ممكن اتقبلها لما اسمعها من بنوتة لانهم بيبقوا متعودين عليها وبرد اهلا وسهلا ازيك. اما لو سمعتها من راجل "وده محصلش قبل كده" هرد نفس الرد اللى رديته للبنت بس لما هاشوفه مرة تانية لازم ابدأ انا بالسلام . و دلوقتى يللا باى. :Oc_sun1[1]: اقصد وعليكم السلام ورحمة الله وبركاته
ياجماعه انا مش بحرج حد على شان مندخلش فى موضوع دين برده فيه ناس ومنهم اصحابى كتير بقولهم صباح او مساء الخير ده لو انا الى بسلم عليهم وبرده هما لو بيسلمو عليا بيقولو السلام عليكم على شان انا متحرجش اصحاب يعنى وبنحب بعض.
الغريب ان انا اقصد الى من دينى ليه لما بقوله مثلا السلام عليكم يتكسف يرد او يقولك مثلا تحت امرك ده لو فى شركه مثلا ولسه الموقف ده حاصل معايه النهرده فى احد شركات الاتصالات بقوله السلام عليكم بيقولى تحت امرك يافندم واسمه على الكارت بتاعه احمد عبد السلام !!!!!!!!
ونفس الكلام اصحابى تلاقيهم نفس الموضوع هاى وكده طيب ليه ؟؟؟
وبالنسبه مثلا عندنا فى العماره احنا كمان بتوع الامن لما بيجى واحد جديد اول مره اشوفه مثلا اقوله السلام عليكم يبصلى باستغراب اوى ويقولى حضرتك رايح فين اكنى واحد بتاع دليفرى ولما حد يعدى وميعبروش يحترمه حاجات عجيبه !!!!!
انا نفسى افهم ليه مش فاهم
اخوانى
تسمحولى بكلمة
الحكاية" كما ذكر اخواننا سالفا" مش حكاية هاى
حكاية الكلام اللى ورا الهاى
حكايتنا احنا
حكاية شعب للبعد عن الاسلام قام وثار
شعب مشى ورا حاجات و بقى مثال لل.......ار
شعب علمه البيت بيتك معنى الانهيار
تسمعوا منى الحكايه
---
لا اظن انها تتسمع لاننا كلنا نعرفها و نعيشها
---
المهم اننا نكون القدوة
و لا نقول اصطلاحات زمن
يا من كنتم تعيبون على الزمان و تقولوا احنا هانعمل ايه بس
علشان نبقى احسن و ننافس فلان و علان
دى حاجه بسيطه و كلنا نقدر نعملها
تحية الاسلام
يتقالك هاى
يتقالك باى
لا تتزحزح
مع الوقت ستجعل من يقولون لك هاى يقولوا السلام عليكم و رحمة الله و بركاته
---------
مثال توضيحى و يحدذ ايضا فى كل المجتمعات
السلام الان بين الرجل و المرأة باليد عادى"و ممكن اكتر من كده بس ده مش موضوعنا"
لما تبقى داخل على شلة و تلاقى كله بيسلم باليد و ييجى عليك الدور و تسلم بايماءة من رأسك او اى شكل المهم لا تسلم باليد
هايقولوا عليك ...........
انما بعد كده هل هناك من تعرفك و تيجى تسلم باليد عليك "لا اظن"
----
وجهة نظر
انا حصل معايا موقف فى الشغل من اسبوعين تقريبا
انا ببتدى المكالمات التليفونيه بالسلام عليكم ( عادى جدا )
من اسبوعين كان فى واحد زميلى قاعد معايا فعملت تليفون
وقولت السلام عليكم بعد ما المكالمه انتهت
زميلى ده لقيته بيكلمنى فى انا لازم اغير السلام عليكم
كافتتاحيه للمكالمات .......... ليه بقه
وجهه نظره ان احنا مش قاعدين فى جامع و ان الكلمه ديه
ممكن بعض الناس يتضايقو منها وبالتالى ممكن يعلقو
عليها تعليقات سلبيه فمن الافضل انى اغيرها ايثارا للسلامه
انا مكانتش عارف اعمل ايه من الدهشه
اللى يتضايق ..............
لا حول ولا قوة إلا بالله
ده فى ناس تستغرب من أساسه لو سلمت عليها
ربنا ينجينا منها على خير
انا لو مع اصحابى الاناتييييييم بنقول هاى و ...... بس لما بنكون مع ناس غريبة بيبقى السلام عليكم و عليكم السلام بس باى وهاى دى بس لاننا متعودين على بعض مش اكتر بس مش مع حد غريب طبعا
وعلى فكرة انا كمان لما باكون مع حد مسيحى باحترمة جا وبسلم علية بصباح الخير او مساء النور او عامل اية الحاجات دى