السلام عليكم ورحمة الله وبركاته

إنا لله وإنا إليه راجعون


اقتباس المشاركة الأصلية كتبت بواسطة mahora مشاهدة المشاركة
اكثر فئة يستهدفها الفيروس هى فئة كبار السن و الاطفال بسبب مشاكل المناعة لدى كل منهما و التى بسببها تحدث المضاعفات التى تؤدى الى الوفاة...... المشكلة ان هذه السيدة عمرها 25 سنة اى ذات صحة ومناعة جيدة مما يعنى ان الفيروس كان شرسا فى مهاجمته لها و المضاعفات التى ادى لها كانت شديدة و بالتالى ادت الى الوفاة حيث لم تنجح العلاجات فى مقاومة هجوم الفيروس....... ربنا يرحمنا......
ربنا يرحمها ويرحم وموتانا وموتى المسلمين .
هذه السيدة كانت مصابة بحمى روماتيزمية وجلطة بالشرايين وحاجات أخرى .
وهي تعبت وهي في العمرة وذهبت لمستشفى في مكة و إثنين في المدينة ولما رجعت مصر مرت من المطار ولم يكتشفها الماسح الحراري بتاعهم وبعدين دخلت مستشفى في المنوفية ، وبعد كده توفاها الله .
يعني المستشفى اللي في مكة والإثنين اللي في المدينة فيهم أطباء بهايم ( على فكرة أغلب الأطباء في السعودية مصريين وعلى أعلى مستوى ) والمستشفى اللي في المنوفية كذلك ، علشان ميعرفوش يشخصوا المرض علشان بقدرة قادر الحكومة تيجي بعد ما الست توفاها الله تلزق موتها في هذا الوباء علشان الناس تخاف من الحج والعمرة ،
طب يا حكومة ما إكتشفتيش ده ليه في المطار الست مصابة منذ 10يوم قبل وصولها ؟؟
أصلها كانت واخده أدوية خافضة للحرارة فمرت من الماسح الحراري بدون أن يكتشفها .
طب يا حكومة مستشفى المنوفية ما إكتشفتش االإصابة ليه ؟؟؟
مفيش إجابة !!!!
على فكرة زوج المصابة هو اللي أدخلها المستشفى .
منتظر أن تعلن الحكومة إصابة كل المخالطين للمصابة وكمان ممكن تعطيهم جرعات العلاج لتدعيم الفكرة .

ملحوظة : كنت في موسم الحج العام قبل الماضي وأصبت بإرتفاع شديد في درجة الحرارة وعملت فيها طبيب وذهبت للصيدلية ( صيدلية مشهورة ) وطلبت أدوية للبرد والحرارة بأكثر من 190ريال ولم تأت بنتيجة فذهبت لمستشفى أجياد العام وكشف علي طبيب مصري وصرف لي علاج من صيدلية المستشفي ( الكشف والعلاج مجاناً ) بعد الإطلاع على إثبات الشخصة والوجود الشرعي .
والحمد لله إن ماكنش فيه حاجة أيامها وإلا كان زماني على موقع مصراوي الآن ( موقع مصراوي بتعامل معاه زي ما بنتعامل مع الإسرائيليات لا أكذب ولا اصدق ولكن أقرأه للمعرفة ) .

طب ليه الحكومة مش بتتصرف في الناس اللي جاية من أمريكا و99% من المصابين اللي دخلوا مصر قادمين من أمريكا ؟؟؟

وليه تسليط الأضواء على أي إصابة قادمة من العمرة بالذات ؟؟؟
وليه بتتذكر في خبر منفصل سواء إصابة أو لا قدر الله وفاة ؟؟؟
دائماً يذكر إكتشاف 3 إصابات أو 4 أو 5 أو أو أو وفي تفصيل الخبر نعرف الأول من أين والثاني من أين وهكذا إلا مصاب العمرة وبعد كده الحج .

أنا مش بقلل من أهمية الموضوع ولكن يجب أن يكون هناك :
مصداقية
مصارحة
أمانة في نقل المعلومة
مشاركة في الأحداث
قل ما شئت
ولا تقل كلمة الشفافية اللي أنا كرهتها من معاميق معاميقي .
آسف للإطالة