تجربتي في شراء 318i

**hossam_yazeed** · 20-07-2009 12:56 AM

السلام عليكم
انا الحمد لله ربنا وفقني واشتريت هاي لاين318i حالتها كويسه جدا ماشيه 160000 كم .

انا لما كتبت مشاركه لاستشاره الاعضاء عن السعر مفيش حد قالي ان سعرها دا كداكويس فقولت سيبك من العربيه دي و دور في الوسيط والمنتديات و معارض العربياتت وكان منهم منيب.

بدات الف و اكلم ناس عامله اعلانات و اروح اتفرج على العربيات بصراحه مكنش في معروض كتير حوالي ٦ او ٧ عربيات الي يتوافقو مع طلباتي و امكانياتي فطلعت بنتيجه بمتوسط سعر ال 318i البيز لاين حوالي ١٠٥ ل ١١٥ (الفتيس الجديد ) حسب الحاله

الهاي لاين مشوفتش اي عربيه اقل من ١٣٥ الف و كل العربيات الي شفتها محتاجه شغل + حاجه جوه مش شغاله ( كاست او فتحه سقف او جلد متبهدل او دركسيون زراير المالتي فنكشن مش شغاله) .

ماعد العربيه ٢٠٠٥ الي عند منيب روحت اتفرج عليها لمجد الفضووول بصراحه نضيفه جدا بس سعره غالي قوي اول كلمه قالوها ١٨٥ الف فطبعا السعر كان بعيد جدااااا عن الي بدور عليه حتى لو قدرت انزل من السعر ١٠٠٠٠ جنيه بردو فرق كبير جدا بين العربيتينن حوالي ٤٠ او ٤٥ الف جنيه علي شان ايه فرق ??????
العداد ٥٠ الف كيلو فرق
و ٣ سنين فرق السنين
والعربيه من جوه الاتنين زي بعض + عربيتي فيها زينون OEM

بعد دا كلو كلمت صاحب العربيه تاني.

اخدت واحد معايه بيفهم في البي ام وروحنا عند واحد اسمو منصور عند جسر السويس تقريبا ( معلش اصلي من اسكندريه ) . وصل العريه علي BMW Diagnostic وقالي العربيه مش مسجله غير سنسور الهوا وسنسور الزيت ( بكام دول يا عم بحوالي ٥٠٠ جنيه ) طيب تمام.

ركب العربيه ولف بيها قالي عايزلها مقصات و مساعدين حاجه كمان مش فاكر اسمها (كل شغل العفشه بحوالي ٤٠٠٠ ~ ٥٠٠٠ ) .

تاني يوم روحت للسمكري رفعها و قالي العربيه زي الفل مفيهاش اي حاجه ( العربيه مرشوشه من الجناب بس )

فاستخرت و توكلت علي الله

**Ahmed Selim** · 20-07-2009 07:41 AM

ألف مبروك و ربنا يباركلك فيها و يكفيك شرها

منصور ده عفريت من زمان :)

**mohamedzaki** · 20-07-2009 11:41 AM

اخي الكريم , أرجو التوضيح , يعني إنت اشتريت العربية اللي إنت شفتها في الاول ؟ , طيب ممكن تقولنا هي موديل سنة كام وعاملة كام ألف كيلومتر وكمان السعر النهائي علشان الكل يستفيد من الخبرة اللي إنت مريت بيها, حاجة مهمة كمان هو الفرق بين الهاي لاين وال بيز لن يستاهل الفرق ده في السعر ؟ وهو إيه الفرق في الكماليات؟. أنا ان شاء الله ناوي برده أعمل زيك و اغير الكورولا بس ان شاء الله في المستقبل.

**speed4speed** · 20-07-2009 02:18 PM

مبروووووووووووووووووووووو ووووووووووووووووووووووووو وووووووووووووووك

**ledo7** · 20-07-2009 04:00 PM

بس للعلم ياباشا حساس الهوا والزيت بيعملوا 2000 جنيه

**hossam_yazeed** · 21-07-2009 12:46 AM

انا بردو مكنتش مصدق موضوع ال ٥٠٠ جنيه دا بس انا كنت عامل حسابي علي ١٥٠٠ للحساسين ,
انا لسه معملتش اي حاجه في العربيه ان شاء الله الاتنين حروح الحرفين اجيب الي عايزو من هناك وهقولوكو الموضوع بعد التصليح كلفني كام وان شاء الله هحاول احط صور توضح حاله العربيه