بطاريه ولا دينامو ولا مارش

**jant** · 20-07-2009 02:46 AM

[justify]عندى مشكله كده مطلعه عينى
ارجو المساعده
العربيه مش بتدور سواء بقا بقالها كتير او قليل هى بحالات وكشفت على شحن الدينامو قاللى كويس والبطاريه مش اوى هى جايبه لون ابيض اللى هو نص نص والمارش لسه مصلحه
بس اللى انا لاحظته ان القواشيط جايبه ملح
ولما بخبط عليها او بنظفها (تكحيت) بتدور
ولما برمى قشطه يعنى يتلقط ساعات على طول وساعات لأ
مش عارف ايه الحوار ده
والسلانسيه عندى واطى هل ده ممكن يكون سبب
ارجو المساعده ضرورى جدا علشان انا خلاص

[/justify]

**bassam266** · 20-07-2009 03:04 AM

بص يا معلم الموضوع ده حصل مع واحد صاحبى قبل كده معاه 127 في حل سريع انك لو تحت بيتك مثلا بتجيب مياه ساخنه و تكبها على القواطيش و حتلاقيها تدور معاك على طول.

الحل التانى انك تفك البطاريه و تنضف القواطيش كويس و بعدين ترجعها تانى.

بس كده كده انت محتاج بطاريه جديده مدام البطاريه اللى عندك بدأت تملح بس الحلول اللى فوق دى تساعدك لو الماديات مقصره معاك لحد ما ربنا يسهل.

ده طبعا بفرض ان الدينامو سليم و المارش لسه مصلحه زى ما بتقول.

و ابقى طمنا عملت ايه.

**douha_wise** · 22-07-2009 12:31 PM

اخى العزيز لو البطارية شحن جاف و اصبح لون العين التى توضح حالة البطارية ابيض يعنى انها يجب ان تستبدل لأنها ممكن تبطل تماما و تلاقيها ماتت خالص فى اى لحظة لذلك اسرع بتغييرها لأن هذا الأمر حدث معى و كانت المشكلة فى البطارية
المهم ايضا أن تتأكد من شحن الدينامو و الكتاوت حتى لا يؤثر على أى بطارية

**blazer** · 23-07-2009 04:09 AM

مبين حاله البطاريه
الاخضر يبقى تمام
ابيض يبقى البطاريه شحنها ضعيف وعاوزه تتشحن كويس
اسود يبقى مع السلامه واى شحن هيتسرب من البطاريه

**Sherifmt** · 23-07-2009 09:59 AM

يا شباب للأسف العين اللي في البطارية الجافة أحيانا بتخرف
انا من عشر ايام حصل معايا حوار زي كدة يومين ورا بعض في عربيتي الدوجان والبطارية ACdelco وعينها خضرا منوره اول يوم كلاكس شغال وانذار وراديو أجي ادور كل حاجة تقف حتي لمبات التحذير الموجودة في التابلوه كأن كهربة العربية بتتسحب بالكامل واسمع تكة المارش وبس مرة واتنين وتلاتة مفيش فايدة وبرضة دارت زق و اول ما دارت وقفت علي مطلع وبطلت ودورت مارش درات
روحت للكهربائي قالي دة يمكن سلك اللقط بتاع المارش كان سايب وعايز يتثبت كويس طول اليوم كانت عادي زي مايكون عفريت وانصرف, المهم تاني يوم أدور كل شيئ زي اليوم اللي قبلة بالتفصيل. طلبت الكهربائي وحكيتلة قاللي دة عيب بطارية لازم تتغير وفعلاً رحت أغيرها وحكيت للصنايعي عند معرض البطاريات عن اللي بيحصل من البطارية عمل كام تست والعربية دايرة والعربية مبطلة واخير أكد انه عيب بطارية بالرغم ان العين خضرا طبعا تم التغيير بنفس النوع والمشكلة أنتهت ....... عفوا للأطالة

**jant** · 25-07-2009 02:22 AM

انا من شويه نزلت ومعايا مياه مغليه ودلقتها على القواشيط دارت وزى الفل 3 او 4 مرات وبعدين لما رجعت وركنت بدور ولا الدموع رجعت زى ماكانت

**bassam266** · 25-07-2009 12:43 PM

المشاركة الأصلية كتبت بواسطة jant

انا من شويه نزلت ومعايا مياه مغليه ودلقتها على القواشيط دارت وزى الفل 3 او 4 مرات وبعدين لما رجعت وركنت بدور ولا الدموع رجعت زى ماكانت

يا باشا ما انا قلتلك ان ده حل سريع يعنى يدورها فى ساعتها بس الميه بتدوب الملح فى ساعتها بس بعد كده الميه بتتبخر و الملح بيترسب تانى.

فك البطاريه من العربيه طلعاها بره خالص و امسح القواطيش كويس و رجعها تانى و اربطها جامد و ان شاء الله تتظبط معاك.

جرب و قولى عملت ايه.
اخوك بسام

**Morieno** · 25-07-2009 01:15 PM

المشاركة الأصلية كتبت بواسطة bassam266

يا باشا ما انا قلتلك ان ده حل سريع يعنى يدورها فى ساعتها بس الميه بتدوب الملح فى ساعتها بس بعد كده الميه بتتبخر و الملح بيترسب تانى.

فك البطاريه من العربيه طلعاها بره خالص و امسح القواطيش كويس و رجعها تانى و اربطها جامد و ان شاء الله تتظبط معاك.

جرب و قولى عملت ايه.
اخوك بسام

أولا الملح
وبعد ما يشيل الملح
طيب ما هو هيرجع تانى
المهم هوا ايه السبب فى الملح ده المشكله الاكبر

نصيحه روح اكشف على الدينامو عند حد تانى لان التمليح دا غالبا سببه الشحن مش مظبوط

ثانيا بالنسبه للبطاريه
اقرا اللى مكتوب جنب العلامات لانى شفت بطاريات دليل العلامه فيها مختلف عن بعض
انا شفت بطاريه مكتوب جنب الابيض استبدال
وفى عضو فى مشاركه سابقه بيقول ان الاستبدال علامة اسود مش عارف بقى الموضوع اصله ايه

**hkyfgvyiyu** · 25-07-2009 01:50 PM

طبعا البطاريه ايزا تتغير

-

الموضوع: بطاريه ولا دينامو ولا مارش

LinkBack

أدوات الموضوع

عرض

بطاريه ولا دينامو ولا مارش - انشر الموضوع فى :

-

-

-

-

المواضيع المتشابهه

قلقان من ]دينامو m11بعد تركيب بطاريه جديده

عيب بطاريه ولا دينامو ولا الشتاء اثر على البطاريه

بطاريه ولا دينامو

بطاريه ولا دينامو

دينامو ولا مارش ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة