مطلوب تسعير فورد فوكاس

**ah-gawad** · 20-07-2009 10:59 AM

الاخوة الكرام بالمنتدي انا معروض عليا فوكاس 2005 اوتوماتيك خليجي كاملة فابريكا برة و جوة يا ريت تساعدوني اعرف سعرها كام بدون مبالغة او ظلم لصاحبها و يا ريت كمان ايه اخبار توكيلها و قطع غيارها و خصوصا ان انا من اسكندرية و هل يوجد قطع غيار خارج التوكيل و لا لأ و لكم الشكر جميعا

**aYaBooY** · 21-07-2009 11:05 AM

قطع الغيار اعتقد هاتلاقي بس طبعا انا معرفش حد في الاسكندرية
موضوع السعر اعتقد علشان حالة السوق دلوقتي ممكن تكون في حدود 75 الف و ممكن اقل
بس طبعا المبلغ ده صعب تجيبة تاني علشان اعادة البيع في الفورد وائعة خالص

**aYaBooY** · 21-07-2009 11:07 AM

بص كان فيه الاخ مصطفي معاه فوكاس 2003 من اسكندرية و هاتلاقي رقمة في موضوع موافقات الرابطة اكيد يفيدك اكتر مني

**ah-gawad** · 21-07-2009 08:36 PM

الف شكر يا باشا

**m_s_h_a** · 21-07-2009 11:19 PM

الفورد فوكاس 2005 و2006 موجود كذا واحده فى اسكندريه تخيل ان فى واحده 2006 اتعرضت عليا بكااااااااااام مش هتصدق ب70000 جنيه وفابريقه واتوماتيك وصيانتها فى التوكيل تخيل؟ المهم قطع غيارها موجوده فى شارع صلاح الدين عند السيد الصعيدى وعند عبده فورد وعموما عربيه رائعه بس اعادة البيع طبعا انت فى مصر

**ah-gawad** · 21-07-2009 11:25 PM

طيب يا باشا هو الوكيل بتاعها اسمه ايه اصلا و ايه ظروف التصليح عنده لاني بصراحة في العربيات العالية زي دي و كمان الغير منتشرة مهم جدا الاصلاح يكون عند اهل اختصاص افضل و شكرا للاهتمام

**m_s_h_a** · 22-07-2009 09:38 AM

المشاركة الأصلية كتبت بواسطة fdido26

طيب يا باشا هو الوكيل بتاعها اسمه ايه اصلا و ايه ظروف التصليح عنده لاني بصراحة في العربيات العالية زي دي و كمان الغير منتشرة مهم جدا الاصلاح يكون عند اهل اختصاص افضل و شكرا للاهتمام

التوكيل فى شارع فؤاد امام المحافظه مباشرة واسمه فكرى جروب وناس محترمين وكويسيين والاسعار عاديه زى اليابانى وفى حاجات ارخص واللهى وفى عندك اسلام فى الحرفيين ولو احتجتك اى استفسار قول وانا معاك

**aYaBooY** · 22-07-2009 10:57 AM

المشاركة الأصلية كتبت بواسطة m_s_h_a

الفورد فوكاس 2005 و2006 موجود كذا واحده فى اسكندريه تخيل ان فى واحده 2006 اتعرضت عليا بكااااااااااام مش هتصدق ب70000 جنيه وفابريقه واتوماتيك وصيانتها فى التوكيل تخيل؟ المهم قطع غيارها موجوده فى شارع صلاح الدين عند السيد الصعيدى وعند عبده فورد وعموما عربيه رائعه بس اعادة البيع طبعا انت فى مصر

يعني كمان خمس سنين انشاء الله ممكن الفيستا بتاعتي اعرف ادخلها راس في راس ب 5110 فنلندي ولا ايه بالظبط
مصطفي بجد ليك وحشة جامدة و نورت القسم يا ملك

**m_s_h_a** · 22-07-2009 11:12 PM

المشاركة الأصلية كتبت بواسطة ayabooy

يعني كمان خمس سنين انشاء الله ممكن الفيستا بتاعتي اعرف ادخلها راس في راس ب 5110 فنلندي ولا ايه بالظبط
مصطفي بجد ليك وحشة جامدة و نورت القسم يا ملك

ربنا يخليك يا جوزيف بص يا باشا العربيات الفورد عربيات ممتازه بشكل رائع بس للاسف السوق عرض وطلب انت تعرف انا واح صاحبى واللهى كان معاه لانوس 2001 رشه بره والموتور مودع ضايع بجد والفتيس بينطر بعها فى 24 ساعه وخسر عن ما كان شاريها 2000 جنيه تخيل انت

**aYaBooY** · 25-07-2009 12:44 PM

المشاركة الأصلية كتبت بواسطة m_s_h_a

ربنا يخليك يا جوزيف بص يا باشا العربيات الفورد عربيات ممتازه بشكل رائع بس للاسف السوق عرض وطلب انت تعرف انا واح صاحبى واللهى كان معاه لانوس 2001 رشه بره والموتور مودع ضايع بجد والفتيس بينطر بعها فى 24 ساعه وخسر عن ما كان شاريها 2000 جنيه تخيل انت

معاك بس ايه رايك نحسبها من وجهة نظر فرداوية
الاخ بتاع اللانوس صرف عليها تصليح اد ايه و حرقت دمة بكام ووقفت منه اد ايه
انا عن نفسي دقت الزل و الاقرف ده ايام الـ128 و صدقني صرفت عليها اد تمنها و اتحرق ديم بمليون