الموضوع: قدر الله وما شاء فعل

اولا الحمد لله الذي لا يحمد مكروه سواه

المكان: طريق السويس القاهرة الصحراوي
الزمان: الساعة 5 عصرا
الحدث: اختي راجعه في امان الله من شغلها ومعاها زميلتها وامام ادارة مخازن الشرطة قرر احد جنود مصر الابطال الشجعان انه بقدرة قادر ينتقل من اقصي اليمين لاقصى الشمال عشان يعمل يوتيرن، وطبعا اكيد لا ادى اشارة ولا حتى فكر يبص بعينه حد جاي وراه او لاء وطبعا اختى فؤجئت بالانسان ده قدامها ضربت فرامل ولكن قدر ربنا نفذ وكانت الحادثة، طبعا ال2 ايرباجز فتحو.

اضرار العربية: ممكن تشوفوها في الصور
اضرار جسمانية: اختى كدمات في رجلها وايدها وجرح الحمد لله بسيط في وشها الحمد لله انها كانت رابطه الحزام والا كان زماني بدفنها يوميها وطبعا الحزام ضغط على صدرها عملها كدمة

اما زميلتها للاسف ما كنتش رابطه الحزام وكان الجزء الاكبر من الصدمة ناحيتها فايدها اتعورت وخدت فيها غرزتين، غير تعاوير في وشها وايدها عشان القزاز طار عليها وشوية كدمات في بقية الجسم.

الخلاصة: احمد الله واشكر فضله بجميع نعمه علينا والحمد لله اني شوفت اختى واقفه على رجلها والحديد يغور في داهية.

الف سلامة يا محمد ... الحمد لله علي سلامتها... يغور الحديد.

الله يسلمك يا ايمن وشكرا على سؤالك وربنا يسترها علينا وعليك وعلى المسلمين جميعا

قدر الله و ما شاء فعل
حمدلله على سلامتهم

اللهم لك الحمد على سلامتها , اهم حاجة تكون بصحة كويسة هي وصديقتها وربنا يستر عليها وعلى المسلمين , ومعلش يا محمد كله بقدر الله ولعله خير ..

امين يا محمد وربنا يكرمنا جميعا

الحمد لله على نجاتهم و الحمد لله على وسائل الامان

لا حول ولا قوة إلا بالله......ربنا يأجركم يا محمد

العربية منظرها صعب قوي.....أنا مكنتش متخيل كده أبداً ساعة ما كلمتني والحمد لله إن أختك وصحبتها خرجوا منها سُلام وربنا يعوضهم خير إن شاء الرحمن

ولا أقدر أن أقول في الإستهتار الي إحنا وصلنا ليه غير حسبنا الله ونعم الوكيل....إنا لله وإنا إليه راجعون

المشاركة الأصلية كتبت بواسطة عمرو عمارة

لا حول ولا قوة إلا بالله......ربنا يأجركم يا محمد

العربية منظرها صعب قوي.....أنا مكنتش متخيل كده أبداً ساعة ما كلمتني والحمد لله إن أختك وصحبتها خرجوا منها سُلام وربنا يعوضهم خير إن شاء الرحمن

ولا أقدر أن أقول في الإستهتار الي إحنا وصلنا ليه غير حسبنا الله ونعم الوكيل....إنا لله وإنا إليه راجعون :h_angry[1]:

الله يجزاك خير عني يا عمرو وانا اسف اني عملتلك ازعاج يومها والله

لله الامر من قبل ومن بعد

الحمد لله علي سلامتهم...