الياريس مش ورق
هى صاجها زى معظم اليابانى وأفضل من صاج الكورولا 2001 : 2007
هى مشكلتها فى الإكصدامات ولو إنها مرنه لكنها ضعيفه وبيعوض الموضوع ده إنها رخيصه
عرض للطباعة
الياريس مش ورق
هى صاجها زى معظم اليابانى وأفضل من صاج الكورولا 2001 : 2007
هى مشكلتها فى الإكصدامات ولو إنها مرنه لكنها ضعيفه وبيعوض الموضوع ده إنها رخيصه
[youtube]http://www.youtube.com/watch?v=7GKCAQCcdEA[/youtube]
انا مش فاهم قصد حضرتك
حضرتك منزل الكليب ده
و الياريس و اللى سايقها بقوا كفتة :dontudear:
و تابلوة الياريس اتفتت و نزل على الارض
و ده معناه انه حضرتك مؤيد للتوبيك انها صاجها ضعيف اوى
و برضه حضرتك معاك ياريس مش فاهم ؟؟؟؟؟
حضرتك تقصد ايه ؟؟؟؟
معلش لو انا مفهمتش قصدك ممكن توضح ؟؟:dzey:
على فكرة انا كنت كاتب تعليق مع الفيديو بس يظهر المنتدى فيه حاجة غريبة
أنا كنت بقول ده اختبار تصادم حضرتك مع كامرى , و كان تقييم الياريس فيه ( ضعيف ) , و اه انا معايا ياريس و اه عارف انها
1) ضعيفة و خصوصا الاكصدامات
2) الحوض الامامى صغير جدا مما قد يكون ( احد العوامل ) فى غير صالح الياريس فى تصادمات المواجهة
انا عارف الحقيقتين دول و متقبلهم , احد اسباب انى متقبلهم انى مبسافرش بالعربية و لا حتى بطلع على الدائرى كتير , معظم حياتى مشاوير جوة البلد و لما بسافر مش بسافر بالعربية , و بالنسبة للتصادمات العادية جوة البلد , مع احترامى لوجهات النظر الاخرى , اى عربية جديدة هتتبهدل خاصة لو الخبطة ( غالبا ) مع ميكروباص , تاكسى , ....
ربنا يكفيكوا و يكفينا شر الطريق
أرجو انى أكون كدة أوضحت
اليابانى والكورى صاجهم ضعيف طول عمرهم. بس معظم العربيات الجديدة بقوا يضحوا بالصاج من اجل السرعة ولكن ده مش معناه عدم حماية للركاب لانهم فى التصميمات الحديثة بيضحوا بالعربية كلها فى سبيل الحفاظ على الركاب. وفى الحوادث الايام دى هتلاقى العربية بتطلع من الحادثة معجونة والركاب بيطلعوا سلام. لو انت عايز صاج زى بتاع زمان يبقى حاجة من اتنين يا لادا يا مرسيدس. بس فى افضلية نسبية لموضوع الصاج ده فى بعض العربيات الاوروبى وعلى الاخص الالمانى وبفارق.
طيب ياباشا بجد مجهود تشكر عليه
بس ايه وجهة نظرك انك يعني متسافرش بالعربية ؟ للدرجاتي انت خايف منها ؟؟؟؟
مش ممكن يكون معايا عربية بالسعر دة ومش اي عربية ده تويوتا يارس ودافع فيها دم قلبي
عشان بعد كدة مسافرش بيها !!!!!!!!!!
ياريت توضح يعني انت ليه مبتسافرش بيها؟ ولا ده بس مجرد ظروف يعني انك مثلا بتسافر مع اصحابك او في عربية الوالد؟
يا سيدى الراجل معاه العربية قبل منى بكتير اهو و بيسافر بيها كل يوم , انا بس ظروف شغلى هى اللى مخليانى علطول جوة البلد , و بالنسبة للسفر على سبيل الفسحة , فهما مثلا بالكتير مرتين فى السنة , و بقضيها سوبر جيت او حد من صحابى , مش عشان العربية , بس انا بمل جدا من السواقة فترات طويلة
و برضه " se_coralsea " قالك نقطة مهمة ان الموضوع مش صاج بس , فى الحوادث الكبيرة لا قدر الله المشكلة مش مشكلة صاج , بل عوامل الامان و العربية فيها عوامل امان مش موجودة فى معظم العربيات اللى فى فئتها
اما بالنسبة للحوادث اللى جوة البلد على سرعات قليلة , فاى ميكروباص و لا تاكسى هيظرفلك رفرف و لا هيخش فى باب , فالنتيجة واحدة بالنسبة للسيارات الجديدة كلها
الفكرة كلها انى حطيت اختبار التصادم انى اوضحلك ان اه العربية ممكن متكونش قوية بالشكل الكافى ( خللى بالك برضه الاختبار مع كامرى ) , بس برضه عوامل الامان فيها لا يستهان بها , و فى الاخر الاعمار بيدى الله , باما ناس راكبة بى ام و اتعجنوا فى العربية ( لا يمنع حذر من قدر )
والله ياباشا ونعمه الكلام , انت فعلا جبت من الاخر :verygood:
وبعدين بغض النظر عن اختبار التصادم مع الكامري بس في موقع ايرو نكاب اليارس اخدت 5 نجوم في اختبار
التصادم وده فعلا معناه انها عربية ممتازة بالنسبة لعوامل الامان للركاب ,
وفي الاخر برده في اي حادثة بنرجع نقول " قدر الله وماشاء فعل"
لو بتهتم بالصاج يبقى ابعد عنها مش هتنفع معاك خالص ممكن تزود شويه و تجيب لانسر شارك اقوى منها بكتيير و لو كسر زيرو