-
تقل في الدريكسيون
السلام عليكم يا سادة
عربيتي دايو لانوس 2008 فاضل 1000 كيلو واعملها صيانة 20000 من اسبوعين حاسس بتقل في الدريكسيون والعربية بتحدف شمال باختصار الدريكسيون ما بقاش مظبوط زى الاول كان بيبقى زى الساعة وانا ماشي على الدائري. هل من نصائح او توجيهات، ولا استنى اروح الصيانة وهما يتصرفوا هنا؟؟
شكرا
وليد
-
أتاكد الاول من ضغط الإطارات (32 رطل على البوصة المربعه)- وكمان شوف اخبار زيت الباور في الخزنه ايه؟؟
-
شكرا لاهتمامك
الزيت كويس بس الاطارات مظبوطة على 28 زى معظم اخوانا بتوع الكاوتش ما بيصمموا وانا بصراحة مابقاوحش بقول ماشي
-
حصل معايا أول امبارح وانا بظبط الهواء بتاع الكاوتش.. الراجل كان مصر انه يعمله على 28 وانا قولتله على 32.. دا الكتالوج بتاعها بيقول كدة.. قالى الكتالوج دا يابيه مش للطرق اللى فى مصر.. قلتله معلش.. انتا صح بس اظبطه على 32.. قالى عادى اللى انتا عايزه يارب حتى 35 قلتله لأ.. كفاية 32 .. الراجل بقة هيطق من الغيظ
-
هجرب بردو ظبط الاطارات بس بردو انا حاسس ان في حاجة اكبر شوية من الموضوع ده لان كنت زمان بظبط على 28 وبردو ثبات العربية كان كويس دلوقتي كأنه دركسيون بوش ماقدرش اسيبه من ايدي
-
الكاوتش عامل كام الف؟
لما حصل معايا كدة كان فيه فردة وحشة و سببت حدفه
جرب تحط العجلة اليمين مكان الشمال و شوف لو الحدفة بقت الناحية التانية ولا لا
لو نقلت يبقى دى مشكلة كاوتش لو منقلتش تبقى حاجة فى العفشة او بارات الطرف (مراجعة زوايا)
MMamdouh
-
العربية عاملة 20 الف كيلو وانا فعلا كنت بفكر اني اعمل كدة لما قريت لحضرتك امبارح فكرة rotation فهل ابدل كل الكاوتشات ولا الاتنين اللي قدام بس؟؟
-
-
نقلت الفردة والحدفة نقلت معاها بالاضافة الى تاثر الدريكسيون بالمطبات بحس انه بيترج في ايدي
-
يبقى العيب فى الفرده ....( جنط - كاوتش )
جرب كده وحط الأستبن مكانها
ولو أن العيب واضح فى الفرده نفسها ( جنط - كاوتش )
Content Relevant URLs by
vBSEO 3.6.0 PL2