ارجوا الافادة عن كيفية عمل الحركة دى

**AHMED REFAT** · 20-07-2009 07:38 PM

احبتى فى الله .. رغم اننى اقود منذ حوالى 20 سنة تقريبا الا ان فيه حاجات الواحد لغاية دلوقتى ما يعرفش بتتعمل ازاى ولا فكر يعملها اصلا .. المهم كنت فى شارع احمد سعيد واذا بشاب وسيم كده راكب بى ام دبليو 316 ثبت السيارة فى الارض واخذ يفحت بالعجلات الخلفية فقط دون ان تتحرك الامامية تماما وفضل كده والعربية تتمايل من الخلف يمينا وشمالا ومخرجة صوت صرصير الكوتش بشكل رهيب مع دخان ابيض من الكوتش ثم بعد حوالى 30 ثانية دقيقة كده العربية اتحركت وانطلقت بشدة ... اللى عايز اعرفه ازاى ثبت العجلات الامامية دون تحريك تيجى ازاى دى انا مش فاهم كان فرامل اليد مشدودة فى السيارات ذات الجر الامامى لما تشد فرامل اليد وتتطلع تفضل العجلات الخلفية ثابتة والامامية تدور لكن العكس جه ازاى ... ارجوا افادتنا يا اصحاب الخبرة الروشانية

**Abo.Omar** · 21-07-2009 02:39 AM

على حد علمى لازم تكون العربيه دفع خلفى دا اول شرط
الحركه خطواتها انك تدوس بنزيييييييييييييييييييييي يييييييييين وانت دايس فرامل وممكن تسند بحته دبرياش صغيره عشان العربيه ماتبطلش لو عربيتك قديمه يعنى...بس ان اعايز اسال الخبارء بقى .. هى الحركه دى ليها اى اضرار للعربيه غير اضرار الفرك (التفحيط )؟؟

**mohamed777** · 21-07-2009 03:07 AM

اكيد ليها اضرار على المحرك ....لانه تحميل رهيب على المحرك والكرنك والبيلات كلة كلة ضغط على الموتور بشكل فظيع

**hanymah** · 21-07-2009 03:11 AM

على حسب علمى البسيط اعتقد انها بتضر اسطوانة الدبرياش ......

**the-hero** · 22-07-2009 03:37 AM

بتعمل لود كبير على الماتور بالكامل وهلك كبير للكوتش والتيل و الطنابير

**nabaster** · 22-07-2009 12:19 PM

الحركه دي اولا اسمها العادي Burn out اسمها البلدي بينا اسمها التلات دواسات

ولازم العربيه تكون خلفي لو هتعملها بالعجل الي ورا

لو العجل الي قدام يبقي محتاج عربيه امامي لان البيرن اوت بيتعمل بامامي او خلفي مفيش مشاكل

بص يا سيدي انتا هتوقف العربيه وبعدين تجيب الاول وانتا دايس دبرياش علي الاخر وبرجلك التانيه حمل بنزين علي الاخر بس واحد واحده

دلوقت العربيه معاك صوتها عالي بس واقفه لانك محمل دبرياش دلوقت بكعب رجلك الشمال تعالي علي الفرامل بس براحه خااااااااالص وسيب دبرياش سنه سنه ودوس فرامل براحه

كل ما العربيه تبدا تتحرك حمل سنه فرامل وسيب قدامها تلات سنات دبرياش هتلاقي العجل ورا بدا يلف والعجل قدام واقف وشم واسمع احلي ريحة وصوت كاوتش

مع التدريب بقي هتلاقي نفسك بتعملها بسرعه بدون ما صوت الموتور ما يعلي معاك وبدون ما العربيه تتحرك

اقولك بقي اضرارها علي العربيه

بلية واسطوانه وديسك ده بالنسبه لمجموعة الدبرياش

تحميل علي الموتور وده موضوع كبير لانه بيتكلم عن الموتور عموما

طنابير وتيل وكاتوش وده لمجموعة الفرامل

لو العربيه امامي ودي حصلت قدام عيني كسرت مقص وكوبلن

A.Yakout

**nabaster** · 22-07-2009 12:35 PM

وده فيديو للبيرن اوت ومش اي بيرن اوت دي موستانج

اتفرج علي الجمال وادعيلي

http://www.youtube.com/watch?v=Hbn9NG1VhPw

وبص ده كمان

http://www.youtube.com/watch?v=rbBc3LDgcus&NR=1

A.Yakout