ممكن لو سمحتم تخبرونى ما اعراض تلف البلى الامامى للعجل الامامى فى المشى؟ ونه ولا ايه؟ وما اسعارهم؟ وما هى اجود وافضل الانواع لانى سمعت ان جميع رمان البلى فى السوق مضروب
عرض للطباعة
ممكن لو سمحتم تخبرونى ما اعراض تلف البلى الامامى للعجل الامامى فى المشى؟ ونه ولا ايه؟ وما اسعارهم؟ وما هى اجود وافضل الانواع لانى سمعت ان جميع رمان البلى فى السوق مضروب
من أعراض تلف البلى الأمامى ..............1- صدور صوت خشونه ونحر وونه وصفير من عند منطقة العجل امامى (يمين أو شمال )2- وجود مقاومه الى حد ما تعوق سحب السياره حينما يحدث قفشان للبلى ....أو البلى يفرط ......3- أحيانا من الممكن حدوث رجه وهزه على المحاور الأماميه حينما تتلف شبكة البلى الداخليه .....حيث يكون الظرف الداخلى للبليه لا ينفل الحركه جيدا من البلى الى الظرف الخارجى للبليه نفسها .....وبرضه ده حيكون مصحوب بخشونه وصفير وخلل فى عملية نقل القدره من الظرف الداخلى الى الظرف الخارجى (المشحوط فى الصره ) يعنى العمليه بتبقى مفصوله عن بعضها ومفيش نقل جيد للقدره .....لأن وسيلة نقل القدره من محور الكبالن الموجودعليه الظرف الداخلى الى الظرف الخارجى بتاع صرة العجله هو البلى نفسه .........- بس أهم مؤشر أحنا بنعتمد عليه فى تواجد تلف للبلى هو الصفير والخشونه والونه .....على قدنا يعنى ...........!!!!!!!!!حسب النوع والشركه الصانعه للبلىاقتباس:
وما اسعارهم؟
skf.....و fag .......وفيه نوع يابانى كويس برضه .........والأنواع الكويسه دى بتكون غاليه (البليتين يعملوا فى حدود 200 ج ......بصوره تقريبيه )اقتباس:
وما هى اجود وافضل الانواع
زى مافيه الكويس .....فعلا فيه الوحش .....حتى فى البنى آدمين ................مش كده ولا أيه !!!!!!!!!!!! :shyy:اقتباس:
لانى سمعت ان جميع رمان البلى فى السوق مضروب
انا لسه مغيره وفى مركز صيانه وكان البليتين عاملين 180 ونوعهم ايطالى وخدو مصنعيه فكوتركيب 100
شكرا لكم جميعا للمهندس سمير والاخ زازو
باشمهندس سمير
هو حضرتك تقصد ان كل عجلة فيها بليتين واحدة داخلية وواحدة خارجية
عندنا وفى معضم أنواع السيارات ....كل صره عجل بيركب فيها بليه واحده فقط من نوع رولمان البلى الأسطوانى العدل cylinderical roller bearing .....القطعه رقم ( 4) على الرسم المرفق.......
http://img23.imageshack.us/img23/373/29330197.jpg ده أيضا نفس نوع البلى الأسطوانى العدل اللى بيركب قدام .....ومنشال من البليه الظرف الداخلى لها .....لتوضيح شكل أسطوانات التحميل العدل ( اللى بنقول عليه بلى ).......بس هو أسطوانات مصمته .....ولكن جرت العاده ....على تسمية أى نوع من البلى ....بلى وخلاص .....بس كل نوع بلى وليه خصايصه ووظائف معينه فى دواير التشغيل الهندسيه ( بلى كروى صف واحد - بلى كروى صفين - بلى أسطوانى - بلى مخروطى - بلى بلح ووووووووووووو ) أنواع كتير جدا .......بس النوع بتاعنا هو اللى فى الصور المرفقه ..........طيب ليه عملوا البليه دى كده ومعملوهاش كروى .......لأن الكروى ممكن يفرط بسهوله ......وبالذات لما يكون فيه رجه على السرعات (عيوب الترصيص مثلا )
فعلا زي ما سمير باشا ماقال بلينا بلي بلح
دنيا تانيه يا عم وليد
السلام عليكم
أعراض الأمامي تلف البلي
ببساطة ( وعلى حد علمي ) سماع صوت غريب في العجلة ( ونة زي ما بيقولوا الميكانيكية ) وتلاحظ بجسها سخونة عن مثيلتها في الناحية الآخرى ودة طبعاً بعد التحرك بالسيارة لأن في الغالب البليتين الأماميتين ( وكذلك الخلفيتين ) لا يتلفوا في وقت واحد ...
أما عن أنواع البلي :-
فأحسنهم على الإطلاق skf وهو منه ألماني الصنع وفرنساوي الصنع
يليه في الترتيب الياباني وأشهر نوع في الياباني ال ntn سوري في اللفظ التالي ( نتن ) وهذا للحفظ وليس للتقييم أنا شخصياً بأفضله سواء للسيارة أو لأغراض أخرى -ودي موش دعاية والله - يليه في الشهرة بالنسبة للياباني ال nachi وال koyo
أما عن ألإصلي والمضروب فالأصلي تجده مكتوباً عليه بالليزر ( كتابة محفورة ) الماركة وبلد الصنع علاوة على رقم البلية كما أن الكيس البلاستيك الموجودة فيه البلية داخل العلبة الكرتون مبرشم من الشركة الأصلية كما أن شكل البلية معروف ولكن هذا بالممارسة ..
وربنا موش يكفينا شر المضروب ..ربنا يكفينا شر تجارنا المفتحين الذين يتفننون في جلب وإستيراد المضروب ....
أما عن الأسعار فحسب رقم البلية والذي يدل على حجم البلية وعموماً سعر ال skf يزيد عن سعر الياباني ضعفين أو ثلاثة أضعاف تقريباً
انا كان البلى الامامى باظ عندى نتيجة الغسيل فى البنزينه و اضطريت اغيرة و لقيت النوع nkn اليابانى و كان بـ 60 جنيه البليتين .مع العلم ان العجله بتاخد بليتين.
و المصنعيه للعجلتين من 80 -100 جنيه.
عمر ما الغسيل يبوظ البلى هو عمر افتراضى يا محسن للبليه وحظك انها جت بعد الغسيل فانت ربط الغسيل بخربان البليه اما هو عمر افتراضى والمهندسين يوضحوا اكثر برضه
نبطل غسيل يا محسن ولا ايه رايك ما فيش حل غير كده ما لو الغسيل يبقى جميع السيارات بليها هيبوظ وهيفرك ولا انت مش معايا مش عارف برضه هل ممكن الماء يدخل للبلى على الشحم فى اولسيه بيتركب بعد البليه لمنع دخول الاتربه والغبار ومش هل الماء ولا ايه افيدونى يا جماعة الخير
ده انا احيانا يا محسن بيه ادخل المغسله اقوله الاربع عجلات والبودى بس علشان الجنوط والبودى يكونوا تماما معرفش اركب العربيه الا لما الاربع جنوط والكوتشات بتلمع مش عارف ليه
<p> أزاى ياباشا ....دا البلى المقفول ...لو طاله بخار ميه .....او كان متخزن مش كويس ...بيبوظ بسبب البخار اللى موجود فى الجو ....علشان كده يجب وأحنا بنشترى بلى نطمن كويس أنه محفوظ فى كيس بلاستيك مبرشم وبعيد عن رطوبة الجو ( والبليه بكيسها جوه علبتها الورقيه )................
بارك الله فيكم اه بنتعلم وبنستفيد منكم يا جماعة الخير
امال البلي تملي فيه شحم او زيت ليه؟؟؟؟؟؟؟؟؟؟؟؟؟؟؟ لان لو طالته مياه بيبوظ زي الشحم او الزيت لما يقع منه بالضبط بيدمر الرولمان بلي فوراااااااااااااااااااااا ااا
#7700ff
برجاء معرفه العمر الافتراضى للبلى؟
انا عربيتى م99 ومغيرتش بلى اغيره احسن ولا ايه راءى الخبراء
فعلا كل بليه وليها عمرها الأفتراضى من الناحيه الهندسيه .....وبيتوقف العمر الأفتراضى على ساعات تشغيل البليه دى ونوعها وأبعادها ..............ولكناقتباس:
برجاء معرفه العمر الافتراضى للبلى؟
طالما أمورك تمام فى البلى بالذات (صوت وسحب ونعومه ) يبقى كبر النظام ....واللى فى العربيه متهنى فى مكانه ولايوجد منه مشاكل ....يبقى فليبقى الوضع على ماهو عليه ( أولا : كتر الشحط والتركيب فى البلى غير مستحب فنيا - دا غير ماتضمنش اللى حيغير ولا كفاءة البلى اللى حتشتريه عند الحاجه لاقدر الله )................................................. ..اقتباس:
انا عربيتى م99 ومغيرتش بلى اغيره احسن ولا ايه راءى الخبراء
- وتحضرنى مقوله جيده كنت قرأتها من أحد تعليقات أخونا المهندس : خالد سبعاوى ......والحقيقه شايفها تمام بالنسبه لواقعنا المصرى والعماله اللى بالى بالك ........؟؟؟؟؟؟؟؟؟- بتقول أيه المقوله دى .....وهى مقوله أجنبيه ....وليست مصريهdonnet touch any thing working well
.........- يعنى ماتجيش جهة حاجه شغاله كويس ..........طبعا كلامى على البلى ( مش على الزيوت والفلاتر مثلا )
بالبلدي أدام الحاجة شغالة كويس ما تجيش ناحيتهااقتباس:
donnet touch any thing working well
don't fix it unless it is broke
MMamdouh
ازاى يا باشمهندس محمد ؟؟؟؟؟؟؟؟؟؟؟؟؟؟
يعنى متفكرش تصلح او تغير حاجة طالما شغالة كويس
MMamdouh
اسف للتاخير يا حبيبى يا باشمهندس محمد واشكرك شكرا جزيلا
اهم حاجة فى تركيب البلى
انة يركب على مكبس و ليس بالخبط علية
+11111111111111111 الخبط بيفركه مهما كان الخبط بحرص