عرض للطباعة
هااام جدا
كنت بستفسر من حضراتكو اللي عمل صيانه ال 10 الاف قبل كده
للاسف اتزنقت في سفريه للساحل الشمالي يوم الربعاء و العربيه عامله 9300 كيلو بوما 2008 فالسفر رايح جاي و المشاوير هناك هتعدي ال 10 الاف
ولسه عارف من شويه فهل لو رحتلهم في الصيانه اللي هو فرع العجوزه او اي فرع هيرضو يدخلوني عادي و لا لازم حجز ؟؟؟؟؟
ولا هيرموني في اخر اليوم بما اني جيي من غير حجز
ارجو الرد سريعاااااا قبل منام عشان مدبش المشوار عالفاضي
ودي تكلفتها كام و هيتم فيها ايه؟؟؟
باشا اطلع على قليوب بدون حجز و لا حاجة
بس تبقى هناك تمانية الا ربع
مش تمانية و لا تمانية الا عشرة حتى
تمانية الا ربع
و هيدخلوك من غير حجز و يعملوا لك اللازم و ان شاء الله ساعتين زمن بالكتير و يخلصوك
اولا شكرا طبعا لرد حضرتك السريع جدااقتباس:
المشاركة الأصلية كتبت بواسطة AK1981
بس انا بنسبالي قليوب و الزراعي دول زي مدغشقر :dzey:معرفش هما فين عالخريطه
مش انا اللي عانل صيانه الالف
طيب هو الل بيطبق في قليوب هو الل بيطبق في كله و لا ايه؟؟
انا ما باروحش غير قليوباقتباس:
المشاركة الأصلية كتبت بواسطة cheetos_892005
و هو الاصل و احسن واحد
انت ساكن فين و انا اقول لك تمشي ازاي بالظبط
ساكن في مدينه الشيخ زايداقتباس:
المشاركة الأصلية كتبت بواسطة ak1981
هي هتتكلف كام ان شاء الله
بص انت كاتب انك في زايد
انت هتاخد المحور لحد اوله تقوم طالع الدائري في اتجاه الزراعي (تاني مطلع مش الأولاني)
تمشي بالظبط 12 كيلو هتلاقي منزل الزراعي
اما تنزل منزل الزراعي هتلاقيه مشقوق نصين يمين و شمال
خش شمال كده انت ماشي في اتجاه اسكندرية
بعد 3 دقايق هتلاقي الطريق بيتقسم نصين برضه
يمين قليوب و شمال الزراعي ...... و هتلاقي في نص الطريق محطة مصر للبترول
خش يمين يعني تبقى المحطة شمالك
هتمشي دقيقة تقريبا تلاقي كوبري قليوب قدامك بالعرض
تعدي من تحت الكوبري
و بعد ما تعدي تحت الكوبري خش اول يمين
هتلاقي مزلقان اقطعه
كده انت رجعت تاني الزراعي بس في الحارة البطيئة في الاتجاه التاني
يعني هتبقى ماشي في الحارة البطيئة و على يمينك الناس ماشية عكس اتجاهك
اوعى عند المزلقان تكسر يمين و ترجع تاني الزراعي في اتجاه مصر تبقى ما عملتش حاجة :)
المهم انت ماشي كده في البطئ
هتقابل نستلة
و فولفو
مفيش 3 دقايق بالعربية و هتلاقي يافطة متسوبيشي مصرية
هتخش شمال في شارع جانبي صغير هتلاقيهم هناك عالشمال
المشوار هياخد حوالي ساعة يعني انزل من البيت 6:45
لو هتغير زيت و فلتر بس
هتتكلف حوالي 450 جندي بالكتير
لو كشفوا عالتيل و لقوه محتاج يتغير هتخش في كمان 400 تمن التيل بمصنعية تركيبه بالضريبة بكل حاجة
بصراحهاقتباس:
المشاركة الأصلية كتبت بواسطة ak1981
معنديش حاجه اقولها لحضرتك غير انك شرحت ووفيت
شكرا جزيلا
ها ي جماعه محدش يغرف حاجه عن المراكز التانيه خالص؟
باشا انا اسف ما لحقتش ارد عالرسالة لاني دخلت نمت :)
دول مصرية مش الرواس و دول الوكيل الرسمي و ده المركز الرئيسي
طمننا عليك و قول لنا عملت الصيانة الحمد لله و لا لأ؟
اه الحمد لله عملتها
للاسف راحت عليا نومه كعادتي:ma(30): صحيت 7.15
و سمعت ان الدائري معكوك قلت كده ممكن اوصل علي العشاء :dzey:
قلت يللا بينا و خلاص علي العجوزه و اعملهم مجنون وخلاص ولو منفعش مبقاش دبيت مشوار جامد
نزلت بسرعه و صلت 8.15 لقيت ناس هناك و خدت رقم 3 :vctry:
مهندس محترم اسمه نادر جه استلم العربيه و اداني و صل و قالي اتفضل استريح فوق
كان في راجل عالبوابه اللي بيحط الارقام كان عمال يسلم عليا و يقولي العربيه دخلت و هانت خلاص و قدامك اد ايه و خلاص بنخلص في العربيه كان متوصي بيا قو ي ههههههههه :Ob_mak1[1]:
طلعت فوق في التكيف و لقيت كمان wi fi رحت مشغل النت و شربت قهوه و عشت
شويه و لقيت المهندس بيديني الوصل 391.5 جنيه رحت دفعته
زيت و تربيط عفشه و كشف عالسو ائل و ................ز
الحمد لله التيل كان تمام :36_1_34[1]:
نزلت استلمتها سلمهالي المهندس نادر و قالي الفلتر و سربانتينه التكيف كانوا مسدودين قوي و نضفناهم
و فعلا حسيت بتاثير جامد قوي في التكيف :vctry:
كنت مشغلو علي 1 اه و الله 1 و كان حلو قوي و الساعه كانت 10.30
الخلاصه دخلت التوكيل الساعه 8.15 خرجت 10.30 و كنت دافع 391.5 جنيه
شكرا لسؤال حضرتك