مساعده هاام جدا جدا لازم ترد دلوقتي قبل الفجر

**cheetos_892005** · 21-07-2009 02:17 AM

هااام جدا
كنت بستفسر من حضراتكو اللي عمل صيانه ال 10 الاف قبل كده
للاسف اتزنقت في سفريه للساحل الشمالي يوم الربعاء و العربيه عامله 9300 كيلو بوما 2008 فالسفر رايح جاي و المشاوير هناك هتعدي ال 10 الاف
ولسه عارف من شويه فهل لو رحتلهم في الصيانه اللي هو فرع العجوزه او اي فرع هيرضو يدخلوني عادي و لا لازم حجز ؟؟؟؟؟
ولا هيرموني في اخر اليوم بما اني جيي من غير حجز
ارجو الرد سريعاااااا قبل منام عشان مدبش المشوار عالفاضي
ودي تكلفتها كام و هيتم فيها ايه؟؟؟

**أحمد كمال** · 21-07-2009 02:20 AM

باشا اطلع على قليوب بدون حجز و لا حاجة

بس تبقى هناك تمانية الا ربع

مش تمانية و لا تمانية الا عشرة حتى

تمانية الا ربع

و هيدخلوك من غير حجز و يعملوا لك اللازم و ان شاء الله ساعتين زمن بالكتير و يخلصوك

**أحمد كمال** · 21-07-2009 02:31 AM

المشاركة الأصلية كتبت بواسطة cheetos_892005

اولا شكرا طبعا لرد حضرتك السريع جدا
بس انا بنسبالي قليوب و الزراعي دول زي مدغشقر

معرفش هما فين عالخريطه
مش انا اللي عانل صيانه الالف
طيب هو الل بيطبق في قليوب هو الل بيطبق في كله و لا ايه؟؟

انا ما باروحش غير قليوب

و هو الاصل و احسن واحد

انت ساكن فين و انا اقول لك تمشي ازاي بالظبط

**أحمد كمال** · 21-07-2009 02:37 AM

بص انت كاتب انك في زايد

انت هتاخد المحور لحد اوله تقوم طالع الدائري في اتجاه الزراعي (تاني مطلع مش الأولاني)

تمشي بالظبط 12 كيلو هتلاقي منزل الزراعي

اما تنزل منزل الزراعي هتلاقيه مشقوق نصين يمين و شمال

خش شمال كده انت ماشي في اتجاه اسكندرية

بعد 3 دقايق هتلاقي الطريق بيتقسم نصين برضه

يمين قليوب و شمال الزراعي ...... و هتلاقي في نص الطريق محطة مصر للبترول

خش يمين يعني تبقى المحطة شمالك

هتمشي دقيقة تقريبا تلاقي كوبري قليوب قدامك بالعرض

تعدي من تحت الكوبري

و بعد ما تعدي تحت الكوبري خش اول يمين

هتلاقي مزلقان اقطعه

كده انت رجعت تاني الزراعي بس في الحارة البطيئة في الاتجاه التاني

يعني هتبقى ماشي في الحارة البطيئة و على يمينك الناس ماشية عكس اتجاهك

اوعى عند المزلقان تكسر يمين و ترجع تاني الزراعي في اتجاه مصر تبقى ما عملتش حاجة :)

المهم انت ماشي كده في البطئ

هتقابل نستلة

و فولفو

مفيش 3 دقايق بالعربية و هتلاقي يافطة متسوبيشي مصرية

هتخش شمال في شارع جانبي صغير هتلاقيهم هناك عالشمال

المشوار هياخد حوالي ساعة يعني انزل من البيت 6:45

**أحمد كمال** · 21-07-2009 02:37 AM

لو هتغير زيت و فلتر بس

هتتكلف حوالي 450 جندي بالكتير

لو كشفوا عالتيل و لقوه محتاج يتغير هتخش في كمان 400 تمن التيل بمصنعية تركيبه بالضريبة بكل حاجة

**أحمد كمال** · 21-07-2009 11:59 AM

باشا انا اسف ما لحقتش ارد عالرسالة لاني دخلت نمت :)

دول مصرية مش الرواس و دول الوكيل الرسمي و ده المركز الرئيسي

طمننا عليك و قول لنا عملت الصيانة الحمد لله و لا لأ؟

الموضوع: مساعده هاام جدا جدا لازم ترد دلوقتي قبل الفجر

LinkBack

أدوات الموضوع

عرض

-

-

-

-

-

المواضيع المتشابهه

هاام جداااااا

لازم نساعد في بناء مصر و دلوقتي جه وقتنا

دلوقتي أنا هجدد العربية كلها وهركب جنوط مقاس أكبر ..ايه ايه اللي لازم أعمله في العفشة

سوال هاام وارجو الافادة

يا جماعه لازم مساعده بقي من حد فاهم بعد اذنكوا

الكلمات الدلالية لهذا الموضوع

المفضلات

المفضلات

ضوابط المشاركة