هو جوان وش السلندر صعب تغييره ولا اى ميكانيكى ممكن يغيره
عرض للطباعة
هو جوان وش السلندر صعب تغييره ولا اى ميكانيكى ممكن يغيره
فك وتركيب جوان وش السلندر لا يحتاج مهارة خاصة لكن أسباب تلف الجوان وعلاج أسباب التلف هذا يحتاج مهارة.
برجاء ذكر أسباب تغيير الجوان والله الموفق
العربيه سخنت جامد والميه بتاعه الريداتير نقصت
طيب العربيه أو المكنه لو سخنت أوى منك والميه بتنقص .....نقوم نقول جوان رأس السلندر كده على طول ....- يجب الأطمئنان أولا على وجود أى تسريب من دورة التبريد (خراطيم -طلمبة ميه - وهكذا )- حنطمن برضه لشكل العادم مع الأمبليهات وأنت واقف بالعربيه........لو طبيعى يبقى الجوان بتاع رأس السلندر تمام .....- حنطمن لزيت المكنه ....تمام يبقى الجوان تمام .....- حنطمن أن مفيش نفخ جامد من قربة الميه بعد مانشيل الغطاء بتاع القربه ونعمل شوية أمبيلهات والمكنه لسه بارده الى حد ما.........- يعنى يجب التدقيق جيدا فى معرفة سبب نقصان الميه (لو فيه تسريب ظاهر ....يبقى خير وبركه وحنعالجه .....لو مفيش أى تسريب ظاهر (حتى تحت الفرشه أو الموكيت بتاع اللى بيبقى راكب جنبك )- يبقى غالبا الميه دى بتهرب الى غرف الحريق فى أشواط السحب بتاعة البساتم وبتطلع مع العادم........وفى نفس الوقت بيهرب جزء من الكبس للميه فى أشواط الأنضغاط والتمدد مثلا ......والبساتم طالعه لفوق يعنى .............وبكده المكنه بتسخن بسبب حرارة العادم اللى هرب للميه .....
فيه فعلا نفخ جامد من قربه الميه وكل ما ازودها ميه تطلع تانى
هنا بقه عرفنا الميه بتروح فين ......الى غرف الحريق بسبب خلوص لايذكر بين رأس السلندر والبلوك بتاع أسطوانات المحرك .......وأمامك أحد أتجاهين .....1- أعادة الرباط جيدا على رأس السلندر (عشرة جوايط تقريبا )....بترتيب هندسى صح بادئا من مسامير المنتصف (أمام وخلف ) .....الصنايعيه عارفين الطريقه دى كويس ....أى طريقة ترتيب رباط جوايط رأس السلندر.....- بعد التقفيل لغطاء التاكيهات....وظبط الأمور .....حتظبط الميه وتجرب .....- لو حدث المراد ومقاس الميه ثبت ....والنفخ بطل ....يبقى الحمد لله ......2- طيب لو لسه الأمور مش قد كده ......للأسف حتضطر تطلع رأس السلندر .....وتنظف مكان الجوان القديم كويس ....وتطمن على أن الرأس مظبوطه .....وبالمره تعمل شوية نظافه .....وتقفل تانى ...........
شكرا يا باشمهندس سمير على المعلومات ديه يعنى العمليه بسيطه ولا صعبه يعنى انا اقدر اعملها بنفسى ولا محتاجه ميكانيكى على فكره انا بشتغل فى العربيه بنفسى ومش بحب اوديها لميكانيكى وانا الحمد لله صنايعى وعندى عده
من الأفضل ذهابك الى ميكانيكى كويس .....وشوفه حيعمل أيه وأنت واقف جنبه ....وخليه يجرب موضوع الرباط الأول .....يمكن العمليه تتلم .....والموضوع بسيط أن شاء الله ....لو جات على الرباط ......أعتقد بكتيره 30 ج.....وكده يبقى ميت فل وأربعة عشر ....أصل الشغل فى التبريد والتكييف حاجه والمكن حاجه تانيه برضه ..........وفيه ترتيب رباط الميكانيكيه عارفينه برضه
معلش يا باش مهندس هتعب حضرتك بسؤال في موضوع الميه انا كانت الميه قبل كده املاها تفضي لدرجة اني كنت بملي القربة كل يوم المهم اكتشفت شرخ في القربة غيرتها بواحدة استيراد انتظم الموضوع شوية و بعدين رجعت ريما لعدتها القديمة المهم غيرت غطا القربية بناء علي نصيحة الاخوة برده مفيش فايده دلوقتي بملاها كل 3الي 4 يوم و لاحظ حضرتك اني بملاها مش بزودها لانها كل 3 الي 4 ايام بتكون شطبت راي حضرتك ايه مع العبم انه مفيش تسريب واضح و عفوا للاطالة
انا لسه عامل جوان وش السلندر وكان فعلا الأعراض بتاعته زيادة درجة حرارة الموتور ونقص المية علي طووول والقربة فعلا كانت بتنفخ مية والموضوع ان شاء الله سهل بس محتاجة مكيانيكي بيفهم في العربية مش لسة بيجرب
الموضوع عندي احتاج عندي الحاجات دي
عدد 2 جوان وش سلندر
جوان الشكمان
3 طبة المية عشان يركب علي سليم ووما يحصل تسريب مية
وفي جوانات تانية مش فاكر اسمها
بالإضافة لجركن زيت عادي
وانا بالمرة غيرت غلتر ننزين وسير تكييف وسير ديانو عشان مش كل شوية نعمل صيانة
الجوانت اتكلفت بالفلتر حوالي 100 جنية وخراط اخدت حوالي 40 جنية والمكيانيكي اخدت 130 جنية
في ملاحظة مهمة انا لأسف مش عملتها لانهم المكيانيكي مش نبهني ليها في وقتها اني بعد 500 كيلو اغير زيت تااني وفلتر زيت علي اساس اني الزيت القديم غسل الموتور وانظفة
طيب مايمكن غطاء القربه اللى غيرته نوعه مش كويس .....وبلف التنفيس بتاعه بيفوت بخار الميه لخارج القربه ( تخيل كده لما بتعمل شاى مثلا ) وغطاء البراد مش محكم .....أيه اللى ممكن يحصل للميه اللى فى البراد ....حتقل طبعا مع الغليان ....لأن بخار الماء حيعدى بره البراد من الأماكن الغير محكمه ......
مفيش تعب ولا حاجه ....أحنا بنفكر مع بعض ....وأنا شخصيا بأستفيد ....وبأحب أفكر مع كل زميل .....لأن ده طبعى فعلا ....يمكن .............!!!!!!!!!!!!اقتباس:
تعبينك يا بشمهندس سامحنا بس قللي حضرتك اعرف ازاي الموضوع ده
بالشكل ده ....الغطاء تمام ....بس أنت لم تلاحظ فوران للميه فى القربه على البارد ....أو خروج عادم مبيض شويه وأنت بتزود من عند بكرة الأكسرلتيراقتباس:
يعني انا بدور العربية و افضل واقف اقدمها لغاية ما تسخن و ازود من الكبوت علي امل اني اشوف ميه طالعة من الغطا او بخار او اي حاجة لا يوجد
أحتمال تكون محتاج برضه المراجعه على رباط كل خراطيم دورة التبريد وبالذات كل القفزان اللى فى الدوره وراكبه على الخراطيم ....فأحتمال يكون فيه قفيز مهوى شويه أو عاوز يتغير ....وبيهرب ميه خفيفه جدا من تحت القفيز ........مع سرعة المكنه ....وبكده الميه حتنقص ....وصعب أوى تلاحظ الموضوع ده ...وبالذات الأماكن اللى من خلف المكنه تحت المانيفولد ....أو اللى رايحه لدفاية التكييف ......اقتباس:
اقتراحات حضرتك ايه؟
اعمل اختبار كبس لدورة التبريد... لو كل حاجة فى الدورة محكومة و تمام يبقى الارجح انها مشكلة جوان الوش
MMamdouh
عفوا محمد بيه الرد ده ليه و لا لصاحب الموضوع و لو ليه كبس دورة التبريد ده بيتعمل فين مع الشكر
ليكم انتوا الاتنين
دورة التبريد المفروض متنقصش بالشكل اللى بتتكلموا علية بالتالى فيه تسريب
اذا كان مفيش اى تسريب خارجى ظاهر مع اختبار كبس دورة التبريد يبقى المية بتروح لغرف الحريق من خلال جوان الوش التالف... الا اذا كان فيه شرخ فى البلوك لا قدر الله و دة احتمال صعب و مشوفتوش فى الدايو قبل كدة... انا شوفتها فى فيليشيا
MMamdouh
"انا لسه عامل جوان وش السلندر وكان فعلا الأعراض بتاعته زيادة درجة حرارة الموتور ونقص المية علي طووول والقربة فعلا كانت بتنفخ مية والموضوع ان شاء الله سهل بس محتاجة مكيانيكي بيفهم في العربية مش لسة بيجرب
الموضوع عندي احتاج عندي الحاجات دي
عدد 2 جوان وش سلندر
جوان الشكمان
3 طبة المية عشان يركب علي سليم ووما يحصل تسريب مية
وفي جوانات تانية مش فاكر اسمها
بالإضافة لجركن زيت عادي
وانا بالمرة غيرت غلتر ننزين وسير تكييف وسير ديانو عشان مش كل شوية نعمل صيانة
الجوانت اتكلفت بالفلتر حوالي 100 جنية وخراط اخدت حوالي 40 جنية والمكيانيكي اخدت 130 جنية
في ملاحظة مهمة انا لأسف مش عملتها لانهم المكيانيكي مش نبهني ليها في وقتها اني بعد 500 كيلو اغير زيت تااني وفلتر زيت علي اساس اني الزيت القديم غسل الموتور وانظفة"
ممكن تديني رقم تليفون الميكانيكي ده ، وهل هو ممكن يشتغل في النوبيرا ؟
ليه 2 جوان وش سلندر؟؟
MMamdouh
غيرته مرتين فى الفليشيا والميكانيكى كان مصر على 2 جوان !!
وشكرا للموضوع والمعلومات المفيدة