الموضوع: مشكله طارئه فى بولو 98 حبيت اشركو معايا

المشاركة الأصلية كتبت بواسطة m.mostafa80

فى جزئيه راكبه فى شمال الموتور فى الغالب دا مبخر ابنزين وممكن يكون حاجه تانيه والناس الكبيره بتاعتنا هتشارك وتأكد هو عباره عن جسم دائرى وطوله حوالى 5 أو 7 سم جزء منو اسود وفيه حته خضره راكب فيها فيشه وهى واصله بين الخرطوم اللى جاى من التنك والخرطوم اللى داخل على المنفل لتوزيع البنزين على الرشاشات المهم كنت برجع على العربيه أمبارح ولقيت صوت تكتكه طالع من الجزئيه دى هزتها راحت ورجعت تانى وانا بحركها لقيت الموتو على ووطى تانى لوحدو قلت أقفش العيب اللى مجننى من زمان هواد معقوله هى دى السبب معقوله جدا ليه لأ ماهى القطعه دى فى الغالب ليها علاقه بتنظيم البنزين اللى داخل للموتور ممكن الرجاله بقى تقولنا أيه هى القطعه دى عشان انا دلوقتى فى مطروح وههنزل اسكندريه يومين وراجع مطروح تانى هتبقى فرصه اجيبها من هناك وفى الغالب هحتاج أجيبها من بتوع الأستيراد لأنى ما بضمنش غير الشهابى فى الحاجات دى أنها تبقى أصلى ياله رجاله أسكندريه يقولولى أجيبها منين أستيراد هى ممكن أغيرها بنفسى فى الغالب مش هحتاج ميكانيكى مستنى مساعدتكم وتأكيدكم أذا كان تشخيصى صح ولا غلط أيه الرغى دا كولو ههههههههههههههههههههههههه هه فاضى بقى والجو جميل وممتع فى مطروح والقاعده على البحر مع مودم فودافون عملين شغل

السلام عليكم ورحمة الله وبركاته
ازيك يا ابو حميد عامل ايه واخبارك ايه اخبار مطروح والله يسهلك يا عم
وطبعآ بعد الرغى ده كله انا معرفش الحته الى انت تقصدها ولا فى اسكندريه بس حبيت اسلم عليك واقولك اجازة سعيدة وترجع بالسلامة ان شاء الله
وطبعآ مفيش غير محمد اوريجنال هو الى عليه الدور ده هو بقى بتاع اسكندريه

ههههههههه الله يسلمك بس دا قر ولا حسد ههههههههههه أنا بهرج أوعى تزعل
ياباشا اركب عربيتك وتعال مطروح وانا أعمل معاك أحلى واجب
مهى بلد مراتى وبلد مراتى تبقى بلدى على رأى جحا ههههههههههه

المشاركة الأصلية كتبت بواسطة m.mostafa80

ههههههههه الله يسلمك بس دا قر ولا حسد ههههههههههه أنا بهرج أوعى تزعل
ياباشا اركب عربيتك وتعال مطروح وانا أعمل معاك أحلى واجب
مهى بلد مراتى وبلد مراتى تبقى بلدى على رأى جحا ههههههههههه

ياباشا ربنا يكرمك ودايمآ عامر وانا عارف انت ادها
ياباشا انا بهزر والله واوعى يكون حصل حاجة بجد
الا قولى ايه موضوع داتا بيز ايرور ده هو حصل ايه بالضبط ههههههههههههههههههههه

والله معارف أنا داخل على المنتدى من خلال موديم فودا فون وكل شويه أجى أعمل مشاركه تتطلعلى المشكله دى شكلها مشكله كونكشن مش من المنتدى

المشاركة الأصلية كتبت بواسطة m.mostafa80

والله معارف أنا داخل على المنتدى من خلال موديم فودا فون وكل شويه أجى أعمل مشاركه تتطلعلى المشكله دى شكلها مشكله كونكشن مش من المنتدى

هههههههههه ياباشا راعى المسافة الكبيره ما بين مطروح والمنتدى وانت عارف بردو ان ده وقت الذروه والردارات والكلام ده كده يعنى اى حاجة بقى انت فى مصر وخلاص

المشاركة الأصلية كتبت بواسطة original

ده منظم الهواء الخاص بالفلتر الكربونى الموجود شمالك وانتا فاتح الكابوت تحت الرفرف..

طيب ودا تأثيره بيبقى واضح فى استهلاك البنزين يعنى لو فيه مشكله ممكن يخلى أستهلاك البنزين
يعلى شويه
ولو كدا أجيبو منين