شرح عداد ال trip بالتفصيل للبونتو

:Y_hi_3[1]:
السلام عليكم
اولا يا خونا ده عداد الكيلو متر الرئيسي اللي بيقولك إجمالي اللي مشيته العربيه من ساعه ما اتصنعت لحد انهارده قد ايه
http://www6.0zz0.com/2009/07/21/12/162145363.jpg

وده رقم ال Trip اللي بيقولك اخر رحله انت عملته مسافتها قد ايه وبيبتدي حساب الرحله دي من ساعه ما انت تصفر العداد بالضغط علي زر ال Trip اللي في التابلوه لمده 3 ثوان

http://www6.0zz0.com/2009/07/21/12/116740931.jpg

وده بيقلك متوسط إستهلاك العربيه للبنزين قد ايه خلال اخر Trip يعني هنا مثلا بيقول اني استخدمت لكل 13.5 كم واحد لتر من البنزين

http://www6.0zz0.com/2009/07/21/12/661471153.jpg

وده بيقلك متوسط سرعه كانت قد ايه خلال ال Trip ده يعني هنا مثلا كانت 44.4 كم/ساعه

http://www6.0zz0.com/2009/07/21/13/485917235.jpg

وده بيقلك الوقت اللي انت استهلكته لعمل ال Trip ده والوقت ده طبعه بيقف عن العد بمجرد إبطال المحرك ويعاود العد مره اخر عند تشغيل المحرك

http://www6.0zz0.com/2009/07/21/13/582613506.jpg


اخر واحد ده يا جماعه بصراحه انا مش عارفه

http://www6.0zz0.com/2009/07/21/13/795504517.jpg

ف لو حد اكيد عارفه ياريت يفيدنا كلنا
واتمني اكون افدت الجميع :36_1_37[1]:

أولا دي ممكن تكون trip لبونتو لأن شكل الشاشة بتاعة الجراند بونتو مش كدة وده اللي انته قولته.
ثانيا انا مش مطمن للاستهلاك انه 13.5 لتر لكل 100 كيلو على سرعة متوسطة 44.4 كيلو لأن ده عالي جدا جدا لأن عندي بيكون حوالي 8.5 على سرعات أقل من عشرين كيلو في الساعة و المفروض ان لما السرعة المتوسطة تزيد الاستهلاك يقل.
ثالثا وده الأهم ان الشاشة الاخيرة عندي اسمها range يعني المسافة اللي العربية تقطعها بدون التزود بالوقود لحد البنزين ما يخلص بفرض ثبات ظروف القيادة و بتتغير كل شوية مع تغير القيادة يعني لما تدوس على البنزين أكتر المسافة بتقل لأن الاستهلاك بيزيد.

شكرا علي المرور

انا مش عارف ليه كل الشاهدات دي ومحدش بيرد
والله حاجه تيئس جدا ان الواحد يعمل موضوع ويفضل سلبي كده احسن

82 مشاهده = 1 رد

طيب لو الموضوع مش مهم يترد عليه
ال 82 دول دخلوا ليه
واظن ان عنوان الموضوع واضح يعني مش لازم حد يدخله علشان يفهم بيتكلم عن ايه وفي الاخر برضه مفيش رد

ممكن حد يشرح لينا عداد البونتو كلاسيك

حضرتك ده عداد البونتو كلاسيك
انا حاسس اني كتبت الموضوع ده بلفه تانيه غير العربيه

والله انت صعبان عليا بس اللي ممكن يكون حصل ان الناس دخلت وشافت الشرح وانتهى لأن انت مش بتسأل سوءال وعايز حد يجاوب عليه , انت بتدي معلومة و بتحاول تفيد غيرك لو عنده الشاشة دي ومش عارف معناها

والله انت صعبان عليا بس اللي ممكن يكون حصل ان الناس دخلت وشافت الشرح وانتهى لأن انت مش بتسأل سوءال وعايز حد يجاوب عليه , انت بتدي معلومة و بتحاول تفيد غيرك لو عنده الشاشة دي ومش عارف معناها

3alafekra dah mesh Punto Classic !!
we law Punto Classic yeb2a mesh 2009 :D !

ايوه دي 2002

العربية بتاعة حضرتك دى MK2 بمعنى انها تانى شكل ينزل للبونتو
بعد كدة فى شكل تانى نزل ليها (face lift) بعد 2003 بس ماكانش بينزل فى التوكيل فى مصر غير بالطلب (نفس العربية بس بتعديلات فى الشكل الداخلى و الخارجى) و يطلق عليها MK2B (زى اللى فى صورة العضوية بتاعتى)
فى 2005 نزلت الجراند بونتو , و فى نفس الوقت التوكيل فى مصر بدأ ينزل ال MK2B
الناس بتقول بونتو كلاسيك على العربيات ال MK2B علشان تفرقها من الجراند بونتو اللى بتتباع هنا فى نفس الوقت

علشان كدة الناس مستغربه و بتقولك شكل شاشة التابلوه بتاعك مختلفة عن البونتو كلاسيك و الجراند بونتو

اخر رقم جبته فى موضوعك هو الRange و هو تقدير كمية الكيلوات اللى العربية تقدر تمشيها بالبنزين الباقى

تمام أنا كنت محتاج أعرف فعلا :d:d

شكرا علي المرور يا فودي
شرفتني يا Moe86

أى خدمة , أصحاب فيات هنا لازم يساعدوا بعض
مقابلة فيات كان نظامها اية؟ مفيش أى أى أخبار عنها, هو ماحدش راح ولا ايه ؟