شرح عداد ال trip بالتفصيل للبونتو

**eng_ahesham** · 21-07-2009 04:06 PM

السلام عليكم
اولا يا خونا ده عداد الكيلو متر الرئيسي اللي بيقولك إجمالي اللي مشيته العربيه من ساعه ما اتصنعت لحد انهارده قد ايه

وده رقم ال Trip اللي بيقولك اخر رحله انت عملته مسافتها قد ايه وبيبتدي حساب الرحله دي من ساعه ما انت تصفر العداد بالضغط علي زر ال Trip اللي في التابلوه لمده 3 ثوان

وده بيقلك متوسط إستهلاك العربيه للبنزين قد ايه خلال اخر Trip يعني هنا مثلا بيقول اني استخدمت لكل 13.5 كم واحد لتر من البنزين

وده بيقلك متوسط سرعه كانت قد ايه خلال ال Trip ده يعني هنا مثلا كانت 44.4 كم/ساعه

وده بيقلك الوقت اللي انت استهلكته لعمل ال Trip ده والوقت ده طبعه بيقف عن العد بمجرد إبطال المحرك ويعاود العد مره اخر عند تشغيل المحرك

اخر واحد ده يا جماعه بصراحه انا مش عارفه

ف لو حد اكيد عارفه ياريت يفيدنا كلنا
واتمني اكون افدت الجميع

**loodaa** · 22-07-2009 12:04 AM

أولا دي ممكن تكون trip لبونتو لأن شكل الشاشة بتاعة الجراند بونتو مش كدة وده اللي انته قولته.
ثانيا انا مش مطمن للاستهلاك انه 13.5 لتر لكل 100 كيلو على سرعة متوسطة 44.4 كيلو لأن ده عالي جدا جدا لأن عندي بيكون حوالي 8.5 على سرعات أقل من عشرين كيلو في الساعة و المفروض ان لما السرعة المتوسطة تزيد الاستهلاك يقل.
ثالثا وده الأهم ان الشاشة الاخيرة عندي اسمها range يعني المسافة اللي العربية تقطعها بدون التزود بالوقود لحد البنزين ما يخلص بفرض ثبات ظروف القيادة و بتتغير كل شوية مع تغير القيادة يعني لما تدوس على البنزين أكتر المسافة بتقل لأن الاستهلاك بيزيد.

**eng_ahesham** · 22-07-2009 01:03 AM

شكرا علي المرور

**eng_ahesham** · 26-07-2009 01:02 PM

انا مش عارف ليه كل الشاهدات دي ومحدش بيرد
والله حاجه تيئس جدا ان الواحد يعمل موضوع ويفضل سلبي كده احسن

**eng_ahesham** · 27-07-2009 10:44 PM

82 مشاهده = 1 رد

طيب لو الموضوع مش مهم يترد عليه
ال 82 دول دخلوا ليه
واظن ان عنوان الموضوع واضح يعني مش لازم حد يدخله علشان يفهم بيتكلم عن ايه وفي الاخر برضه مفيش رد

**haany_ghazy** · 28-07-2009 11:52 AM

ممكن حد يشرح لينا عداد البونتو كلاسيك

**eng_ahesham** · 28-07-2009 11:55 AM

حضرتك ده عداد البونتو كلاسيك
انا حاسس اني كتبت الموضوع ده بلفه تانيه غير العربيه

**loodaa** · 28-07-2009 02:59 PM

والله انت صعبان عليا بس اللي ممكن يكون حصل ان الناس دخلت وشافت الشرح وانتهى لأن انت مش بتسأل سوءال وعايز حد يجاوب عليه , انت بتدي معلومة و بتحاول تفيد غيرك لو عنده الشاشة دي ومش عارف معناها

**loodaa** · 28-07-2009 03:07 PM

والله انت صعبان عليا بس اللي ممكن يكون حصل ان الناس دخلت وشافت الشرح وانتهى لأن انت مش بتسأل سوءال وعايز حد يجاوب عليه , انت بتدي معلومة و بتحاول تفيد غيرك لو عنده الشاشة دي ومش عارف معناها