خللى طلمبه معاك فى العربيه أحتياطى وخلاص ....طالما أنت راضى عن الأداء الحالى للسياره
عرض للطباعة
خللى طلمبه معاك فى العربيه أحتياطى وخلاص ....طالما أنت راضى عن الأداء الحالى للسياره
اقتباس:
عفوا يا بشمهندس مقلتليش امتي يتغير الطلمبة بالكامل
شوف يا أستاذ : أحمد ....أى طلمبه كهرباء (زى طلمبة البنزين اللى عندنا مثلا ).....بتتكون من أيه ببساطه شديده .....طلمبه + موتورها ....- لما بنحس بخلل فى آداء الطلمبه نفسها والموتور كويس ....بتكون الطلمبه خلاص أنتهت (لأن فيها بلوف عدم رجوع على السحب والطرد بتاعها )- طيب فى الحاله دى ....لو لقيت طلمبه بنزين مكوناتها الميكانيكيه حالتها تمام ...ولكن موتورها محروق .....ممكن هنا توفق بين الأثنين .....وتعمل طلمبة بنزين كامله .....- طيب لو كانت الطلمبه نفسها ....كمكون ميكانيكى تمام ....بس الموتور ضعيف مثلا ......حنعمل أيه .....حنشوف موتور حالته تمام ....ونركبه بدل الموتور التعبان .....وبكده عملنا طلمبة بنزين جديده ......
بشمهندس سمير انا النهارده روحت لميكانيكى تانى وكشف على البوجيهات لقها سليمه وطلع معايا وجرب العربيه عشان موضوع الفتيس وقالى العربيه فيها بلى لتانى مره مع انى مغيره لسه من اسبوع فى مركز الصيانه واكدلى انه بلى مش فتيس وبيقولى ان معظم البلى الموجود مضروب وكان عنده فتيس دايو استيراد قالى لو الفتيس كان فيه اى مشكله كنت هغيرهولك فالحل ايه اروح المركز تانى عشان البلى ده
انا متهيالي الراجل بتاع المركز هيقول لحضرتك ارجع لبتاع قطع الغيار هو ركب وبس و لا ممكن يكون التركيب نفسه فيه مشاكل؟
فاكر الكلام ده ....أنا قولتهولك فى أول الكلام .......منهم لله الغشاشينوحقولك على حاجه بقه ....علشان تبقى مطمن كويس .....شوف مركز ترصيص كويس ....وشيك على بلى الفردتين اللى قدام .....لو لقيت صوتهم خش وهما على مكنة الترصيص ......يبقى أمرك لله .....وحتغير البلى تانى للأسف ....اقتباس:
أو يكون البلى اللى غيرته مش كويس أو متركبش صح مثلا (لاقدر الله ).....
مهو انا شارى البلى من المركز نفسه لو طلع العيب من البلى هيبقا يومهم اسود معايا
هههههههههههه ...أفتكر أنك شارى نوع أيطالى من البلى .....وخللى بالك الأيطالى مش كويس فى البلى وغير معمر .....أنا كنت بأركبه عندى فى الطلمبات فى الشغل .....ويمكن يومين تلاته ...وألاقى البلى باظ وعمل حمل على موتور الطلمبه ....ويسقط مفتاح اللأوفر لوود over load زى سكينة الكهرباء اللى بتبقى فى البيوت .....وفى الآخر غيرت الأيطالى ....لألمانى ....وأنظبطت الأمور ( فالأيطالى فعلا مش كويس فى البلى )
طب حضرتك ايه رايك اعمل معاهم ايه فى المركز
- شيك الأول على حالة البلى زى ماقولتلك على مكنة الترصيص ......يمكن يكون كلام الميكانيكى أو توقعاتنا مش صح والبلى كويس برضه .....لأننى بأتكلم نظرى .....أما الطبيعه ليها وضع تانى برضه .................- لو لقيت فعلا البلى وحش وخشن ...وطبعا ده يخنق العربيه ويقلل السحب .....حتعمل أيه ....حتتخانق معاهم مثلا ......لا أفضل لك ذلك ......لأنك مش حتعرف تاخد منهم لاحق ولاباطل .....وكل اللى تقدر تعمله ....أنك تنصح الزملاء وكل اللى تعرفه بعدم الذهاب للمركز ده..........على أساس يعرفوا الناس الغشاشين دول .....على الأقل .....توقف حالهم .....بقدر الأمكان .....وربنا يعوض عليك وخلاص ......