الموضوع: استفسار بخصوص ال dsl

QUOTE=egyptianmafia;974290]do you have the DSL filter hooked to your telephone and to your DSL modem

you need a DSL filter for every socket that has a telephone

so if you have 2 phones in your house being used then you need 2 DSL filters

3 phones then you need 3 filters and so on

if you have 1 phone only then you dont need a filter[/QUOTE]

الكلام ده 70 في الميه منه صح والباقي غلط او مش غلط بمعني غلط لا في حلول اخري اسهل

يعني بص تعالي كده براحه نمشي واحده واحده علشان تفهم وتعمل الموضوع بنفسك

دلوقت هتروح لخط التليفون الرئيسي الي موزع للشقه كله (الي جاي من الشارع) وتشوفه كام طرف لان في اربعه وفي اتنين (هتقطع السلك علي فكره)

انا اقصد بكام طرف (عدد الاسلاك الي جوه السلك نفسه)

تروح لاي حد بيبيع مستلزمات كهربا وتقوله عايز وصلتين تليفون اقل طول عندك هيقولك اربعه طرف ولا اتنين تقوله علي حسب الي لاقيته في الخط التليفون الرئيسي الي عندك

وتجيب كمان سلك تليفون علشان توصله من المكان الي هتقطع منه لغاية مكان الراوتر في اوضتك مثلا (شوف بقي دول كام متر و اطلبهم من الراجل) وتجيب بكرة شكيرتون او شريط لحام يعني

بس قبلها تكون جايب الاسبليتر (ده عباره عن جهاز بحجم صباعك تقريبا) وليه تلات فتحات مكتوب عليهم كده

modem - line - phone

طبعا عندنا كده السلك الرئيسي مقطوع دلوقت وعندك في البيت قاعدين يقولولك عايزين التليفون وخف اختراعات

اول حاجه هتجيب واصله من الوصلتين الي معاك واقطعها من النص ووصل نصها للسلك الي جاي من بره الشقه وده هنسميه ال line والنص التاني للي داخل الشقه وده هنسميه phone ومتنساش بعد ما تخلص تلف عليهم الشكيرتون

ملحوظه وانتا شغال هتتلسع كل شويه فكك دي كلها 2 فولت مش حاجه يعني

ملحوظه تانيه لازم تاخد بالك ان الاسلاك يكونو مفيش حد لامس التاني لو حد لمس التاني مفيش حاجه هتشتغل ودي وظيفة العازل (الشكيرتون)

كده هيبقي في عندك سلكين وليهم كلبسات هات بقي الاسبليتر ووصلهم بأسميهم جرب كده يا رايس كده التليفون اشتغل

ندخل بقي علي السلك الي هيروح للراوتر

هات الوصله الي فاضله معاك واقطعها ووصل نصها بالطرف ده والنص بالطرف التاني ومتنسااش الشكيرتون

حط طرف في الاسبليتر الي اسمه modem

واطلع بالطرف التاني علي اوضتك وحطه في الراوتر كده الراوتر اشنغل وان شاء الله مش هيفصل تاني ومتنساش الشيكرتون ومفيش سلك يكون لامس اخوه

الموضوع ده هيكلفك في حدود 15 لـ 20 جنيه اما بقي لو حد جالك هيطلب منك الطلبات دي تجبهاله او هوا يجيبها وهيدفعك تمنها + 50 جنيه او 75 جنيه تاني هياخدها ليه هوه

لو ليك في الحوارات دي الموضوع مش هياخد معاك ربع ساعه وتبقي عرفت واتعلمت الحوارات دي ماشيه ازاي

تقبل تحياتي

A.Yakout