موضوع التطعيم ده شرط اساسي قبل السفر عشان بيطلبوا منك الشهاده بتاعة الحمى الصفرا وانت راجع من هناك في مطار القاهرة وبيغلسوا فعلا عليها ... بس غير الحمى الصفرا انا ما اتطعمتش والحمد لله ما حصليش اى حاجه ...
على فكرة انا نسيت اقول حاجه ان النيل هناك لونه بني غامق جدا مش صافي زى عندنا كده لأن المية بتاعته محملة بالطمى وعلى فكرة الناس بتشرب من الميه دي على طول بدون فلترة او غيره ... والميه دي بدون مبالغه نفس لون التمر هندي..
واسمها مويه نيل ... وعلى فكره هما بيعتقدوا انها مفيده للمعده والجهاز الهضمي...