انا رحت رأس البر بصراحه جميله جداً جداً و عائلية من الطراز الاول
عرض للطباعة
انا رحت رأس البر بصراحه جميله جداً جداً و عائلية من الطراز الاول
موضوع اكثر من رائع
بصراحة الموضوع رائع جدا جزاكم الله خيرا
أنا فعلا شرفت بالإنضمام لهذا المنتدى
:b4_388:
السلام عليكم يا استاذ حسام
احب اسجل اعجابي للموضوع الجامد اوي ده
واضح ان حضرتك عشت فتره كبيره في البحر الاحمر و انا كنت عاوز اسـل حضرتك سؤال بالنسبه لشرم الشيخ
انا جاللي شغل هناك ان شاء الله
وكنت عاوز اعرف متوسط الايجار للشقق هناك شقه اوضه و صاله انا عارف طبعا ان حضرتك في الغردقه بس اكيد حضرتك عندك فكر عن شرم بردوا
و كنت عاوز اعرف المسافه من الغردقه لشرم قد ايه
معلش انا خرجت بره الموضوع بس انا محتاج المعلومات دي فعلا علشان احدد اقبل الشغل و لا ارفضه
الف شكر لحضرتك
و عليكم السلام و رحمة الله و بركاته للأسف الشديد معنديش فكرة عن شرم الشيخ و مش هقدر افيد حضرتك فى موضوع الايجار و كده، اما المسافة من الغردقة لشرم الشيخ فهى بالعربية حوالى 8 ساعات (من الغردقة للسويس و من السويس لشرم) و الاسهل بالعبارة السريعة فى حوالى ساعتين بس من الغردقة او سفاجا.
السلام عليك
عايز لو سمحتم اوصل الى الى معهد تدريب الشركة المصرية للاتصالت بجوار جامعة الازهر فى الحى السادس مدينة نصر . حيث ساركب المترو اتجاه الجيزة . والف شكر
Mr.Hossam hassan thank you very much for such information
جميل جدا, و فكره هايله
موضوع رائع
مووضوع مميز
ممكن يا جماعة نتفاعل اكتر مش معقول مصر فيها 5 اماكن بس تستحق الذهاب لهم
محدش اتكلم :
العين السخنة
الساحل الشمالى
القناطر مثلا
فى اماكن كتير تستحق اننا نروحها
انا رايح الاهرام بكرة ان شاء الله ولكم منى تقرير مفصل عن الزيارة
أحب بس اعمل تحديث لبعض المعلومات:
- السرعة القصوى فى المسافة من الزعفرانة للغردقة بقت 110 كم فى الساعة.
- للأسف مطعم أسماك الميناء مستوى الخدمة نزل و اسعاره عليت بدون مناسبة، يعنى كيلو الجمبرى الجامبو عنده بقى ب 300 جنيه مع ان نفس الحجم و النوع عند الجوكر ب 180 و قيس على كده كل الأسعار و على فكرة الجوكر كمان عمل تجديدات و الخدمة عنده اتحسنت و بقت اسرع.
- مطعم أسماك جديد فتح قدام ميناء الصيادين اسمه الحلقة، يعتبر كويس من ناحية الجودة و النضافة و الاسعار و يميزه ان الاولاد اللى شغالين فيه تحس انهم حابين المكان و بيهتموا بالزبائن بجد.
- فى مطعم اسمه كل و حلى موجود قدام مبارك 5 عند بنزينة التعاون، بيقدم اكل شرقى بسيط، فول و طعمية و شكشوكة و الخ الخ، المطعم فى قعدة كويسة و ممكن تيك اواى و اسعاره تعتبر ممتازة علشان الاكل حلو و فى اعتناء بالنضافة.
- البيتزاريا اللى فى فندق بيلا فيستا رجعت زى زمان و اللى عاوز ياكل بيتزا ممتازة ممكن يجربها.
الهم بقى ان الصيف السنة دى مش قد كده و الفنادق بتهاود فى الأسعار، يعنى اللى عاوز يروح الغردقة انصحة يستغل الفرصة و هتبقى فسحة كويسة ان شاء الله و على فكرة الجو هناك احسن من القاهرة، طبعا مش زى الساحل بس بيتهيألى هتتكلف اقل من الساحل و تستمتع اكتر.
واضح انك مرجع
الف شكر علي الوصف الدقيق
سؤال بقي انا ان شاء الله هحجز في مجاويش خلال العيد لان اسعارها كويسة كنت عايز اعرف هل مستواها كويس يعني انا عارف انها مش سوبر هي اربع نجوم بس ايه اخبار النضافه و الخدمه لانهم عاميلن عرض كويس و اقل كتير جداااااااااااااااا من العين السخنه اللي بيستهبلوا في اسعارها في العيد ؟
سؤال تاني و اعذرني علي الرخامه تنصح اروح بالعربيه و لا بالسوبر جيت يعني هل المواصلات مريحه بين مجاويش دي و المحلات و الشوارع اللي انت قلت عليها و لا اريح نفسي و اروح بالعربيه ؟
و شكرا مقدما علي اهتمامك
انا لسه جاى من شرم الشيخ وكنت حاجز فى تروبيكانا سي بيتش
المميزات
فندق كبير 4 نجوم
حمامات السباحه على مساحه 4000 متر
العاب مائيه
البوفيه ممتاز... فى محل داخل الفندق اسعار الميه ب 3 جند والكولا 1 لتر ب 4 جند يعنى اسعار عاديه
مستوى الغرف ممتاز جدا وتنظيف الغرف يوميا... الفندق فعلا نضيف جدا جدا لانه لسه مبقالوش غير سنه
فى كمان شاتيل باص من الفندق ل خليج نعمه مجانى بس مش كل الاوقات
العيوب
بعيد عن نعمه حوالى 22 كيلو
البحر مش حلو اوى
الموضوع دة مفيد جدا و اشكركم على المعلومات الغزيرة اللى فيه
ياريت تقلي اسعار التاكسيات كام في الغردقه
الموضع رائع ...ارجو من الساده المشرفين تقسيم الموضوع الى موضوعات منفصله بالقسم بحيث مثلا موضوع الغردقه يتجمع تحت عنوان موضوع منفصل "الغردقه"
وطبعا دا مجرد اقتراح ويارب يعجبكو
+11111111111
ابداء بالطريق الزراعى اسكندريه القاهره
اول لما تطلع اسكندريه بعد الكوبرى الدولى على طول حتلاقى بنزينة امارات مصر محترمه جدا وبنزين نضيف بدون غش مفيهاش 80 من 90 او 92 غالبا وانت طالع وفيها ماركت محترم باسعار معقوله ممكن تشترى منه كل حاجه
بعد البنزينه قبل ابوحمص بنزينة طاقه بتاعت زيت كاسترول برده بنزينه كويسه ولسه جديده وفيها بنزين 80 و 92 فقط
الاستراحات بتعات الزراعى غالبا مضروبه بالنار وتنفع للسواقين فقط او لو كنت لوحدك ممكن تمشى لكن واحد بعيلته مانصحوش مطلقا غير فى المنوفيه حتلاقى مطعم برج المنوفيه شمالك وبيبيع احلى فطير مشلتت وجبنه قديمه ومطعم تانى نضيف برده قصاده بس مش فكر اسمه ايه
موضوع جميل ياريت يتنظم ويترتب ويبقى مرجع لمن يريد ان يسافر يتفسح فى اى محافظه او رايح لأى مصلحه ويتعمل فهرس بالمحافظات او موضوع لكل محافظه
ياريت لو حد عنده فكرة عن افضل فنادق راس البر و الاسعار هناك يعرفنا
هاحاول افيدك يا بشا عن الفنادق اسمائها وافضلها من حيث الموقع والقرب من البحر واللسان والسوق العمومى واماكن الترفية بس بصراحى ماعرفش اسعار مع انى دمياطى
افضلهم دلوقتى فندق البوريفاج على شارع النيل قبل لسان راس البر يعنى قبل تقاطع البحر مع النيل بحوالى 500 متر بس المنظر بانورامى جدا وتقدر تشوف البحر والنيل ونقطه التقائهم انا معرش كام نجمة بس واضح انه افضلهم وبينه وبين الشوق الكبير بالعربيه 5 دقايق او مشى حوالى تلت ساعة
فندق السلام على لسان راس البر وشارع بورسعيد الى هو الشارع الرئيسى فى راس البر رؤيتى بانوراميه للبحر واللسان مباشرة وقريب منة سوبر ماركت ومجموعه مطاعم بيتزا وتيك اواى وكافيهات مستواها عالى وعلى فكره هو قريب نت البوريفاج برضة بينهم 5 دقايق مشى
فنادق جوه البلد مش على الحر على شارع بورسعيد الشارع الرئيسى فى المصيف الى واخدها من اولها لاخر نقطة فيها الى هى اللسان زى فنادق : جرين هاوس - طيبة - الوادى - لبنان - الامارات - ميرا وكل دول قريبين جدا من السوق الريسى الكبير والسوق ده فيه كل حاجه مكن تحتاجها من مطاعم وسوبر ماركت ومحلات اى حاجه
فى فنادق على البلاج شاطىء البحر مش فاكر اسمها بس تقريبا فى شارع 77 على البحر مباشرة
سؤال عن الامن والامان على طريق اسكندرية الصحراوى
افيدونا من فضلكم
وشكرا
[quote=مصراوي جدا;421951]
بالصدفة لقيت منتدى اسمه (منتدى العرب المسافرون) متقسم لجميع بلاد العالم وكل واحد سافر مكان بيحكي عن خبراته فيه وصور واسعار
انا دخلت على منتدى مصر اشوف اللي فيه لقيت ناس بتحكي بالتفصيل الممل عن رحلتها لمصر ومدنها ومصايفها واسعار المطاعم والتاكسيات وكل حاجة
فعلا منتدى جميل جدا اكيد كتير من اللي غاويين سياحة وسفر هيعجبهم
[url=http://travel.maktoob.com/vb/travelarab12/]
اخبار الطريق ده ايه دلوقتى ؟؟؟
و هل فيه شقق هناك للايجار و لا غصب عنى لازم انزل فى فندق ؟؟
و متوسط سعر اليله فى الشقق كام ان وجد ؟؟
انا بسأل علشان بفكر انزل المصيف اللى جاى شرم الشيخ لأول مره فى حياتى و كل لما اسأل عليها بيقلولى غاليه (كأنى رايح باريس) و طريقها خطر دلوقتى
السلام عليكم
كنت عايز اعرف اروح ازاي شارع 302 المعادي او مساكن ضباط المعادي
وانا إن شاء الله هاجي صحراوي من اسكندريه
شكراا غعلا مواضيع جميلة ورائعة تسلم يابرنس
:tumb::praying:شكراا غعلا مواضيع جميلة ورائعة تسلم يابرنس
مشكوووووور والله يعطيك الف عافيه