الحكومة تقرر نقل حديقة حيوان الجيزة إلى 6 أكتوبر وبيع ارضها للمستثمرين

**mostafabakry** · 22-07-2009 01:16 PM

الحكومة تقرر نقل حديقة حيوان الجيزة إلى 6 أكتوبر وبيع ارضها للمستثمرين

القاهرة - محرر مصراوي - أكدت تقارير صحفية ان وزارة الزراعة اتفقت مع وزارة الإسكان على تخصيص مساحة 400 فدان بمدينة السادس من أكتوبر لنقل حديقة حيوان الجيزة إليها.

وقالت مصادر مسئولة في وزارة الزراعة ان الاتفاق نص على ان تتم عملية نقل الحديقة قبل نهاية عام 2010.

وأكد المصادر انه تم الاتفاق ايضا على أن يتم إخلاء موقع حديقة الحيوان الحالي بالجيزة من كل الحيوانات والأشجار وبيع مساحة الحديقة الحالية والتي تبلغ نحو 80 فداناً بالمتر.

ومن جانبه، قال الدكتور سامي طه عضو مجلس نقابة البيطريين، إن الجمعيات البيطرية سبق وأن توقعت عملية نقل حديقة الحيوان
وبيع موقعها الحالي منذ عامين تقريباً.

وحذر طه من خطورة نقل حديقة الحيوان من موقعها الحالي، حيث يعني نقلها تدمير منطقة تراثية تضم ثروة حيوانية ونباتية نادرة، فضلا عن أن حديقة حيوان الجيزة تعد المزار رقم 1 بالنسبة للمصريين ونقلها إلى 6 أكتوبر يعني أنها ستكون مقصورة على الأغنياء فقط.

ونوه طه إلى أن السفارة الإسرائيلية سبق وأن طلبت من محافظ الجيزة السابق الدكتور فتحي سعد نقل الحديقة لأنها تتضرر من روائح
الحيوانات!

المصدر: صحيفة الدستور، مصراوي.

{طبعا كلنا متوقعين كم الفساد الللي هيكون في الموضوع دا لو حصل فعلا و مكانش اشاعة دا غير انه الظاهر اوامر عليا من السفارة الإسرائيلية
شوفتوا يا جماعة علي آخر الزمن السفارة الإسرائلية الله يولع فيها بتدي اوامر للحومة المصرية تحول فيها حديقة الحيوان اللي كانت في يوم من الأيام من احسن حدائق الحيوان علي مستوي العالم و كانت بتضم انواع نادرة و كتيره من الحيوانات في العالم
سفارة اسرائيل بتطلب نقل الحديقة عشان متضررين منها الله الله علينا
دا غير ان المساحة الللي كانت منفس للمنطقة اللي بتقع فيها هتتحول كلها لأبراج عالية هتخنق الجو اكتر ماهة مخنوق
حسبي الله و نعم الوكيل
كل حاجة حلوة في البلد بتموت و بتنتهي }

**sherif222** · 22-07-2009 02:30 PM

لا حول ولا قوة إلا بالله!!!

**محمد عز** · 22-07-2009 02:30 PM

حتة ارض لوز

واتوقع لو اتباعت هيتعمل فيها أبراج 50 دور بمساحة 80 فدان

وطبعا هتجذب أحجام حركة مهولة بالاضافة الى وجود جامعه القاهرة

فلا عزاء لكوبرى الجامعة وشارع الدقى وشارع مراد وميدان الجيزة وشارع الجامعه

فلو حد شغله بقى هناك او سكن هناك

انا اقترح عليه يشترى هليكوبتر يتنقل بيها

**هيثم** · 22-07-2009 02:35 PM

ما اظنش ان السفاره لها علاقه بالموضوع
معلوماتى انها فى دور مرتفع
وكمان فى مسافه جانبيه ( عرض الشارع )
فصعب انهم يتاثرو بالروائح المذكوره

اعتقد ان الموضوع كله بزنس
سبوبه

**hdmrdash** · 22-07-2009 02:48 PM

والله العظيم حرام وتخلف من صانعى القرار
الشعب يعانى من الزحام
والحكومه عماله تزرع كبارى فى البلد لغايه ما البلد بقت مقرفه ودى بشهاده السائحين والزوار الأجانب
باعوا مطار امبابه
ودلوقتى بيبيعوا حديقه الحيوان سبوبه طبعا
وبكره حديقه النباتات
وبعده جديقه الأسماك
وطبعا الحديقه الدوليه حتيجى فى السكه

وعجبى

**mahfouz1983** · 22-07-2009 02:53 PM

علي فكرا الخبر تك تكذيبه وبعدين هما بيعملو كدا بيجسو نبض الشعب يعني هل هيلاقو رد فعل ولا مش هيلاقو نخلي بالنا انهم بعد كدا هيبيعو ان شاء الله احياء القاهرة الكبري للمستثمرين ويتم نقل الاحياء الي المدن الجديده وبعد كدا عيبيعو البشر للمستثمرين بس هيكون ارخص حاحجة يشتريا المستثمر والله عليكي يا مصر وانتي منورة بالنصر

وعجبي

**mahfouz1983** · 22-07-2009 03:10 PM

تصدقو انهم لسا بيدورو علي زرافه بس يا تري الزرافه الجديده الي بيدورو عليها الي شرط انها تكون انثي علي رئيس الوزارة هتكون في حديقة الحيوان القديمه ولا الحديقة الجديده بس الحمد لله ان الزرافه ماتت قبل متشوف اليوم دا وتتنقل من مكانها الي صحراء 6 اكتوبر

**Ahmed Sharaf** · 22-07-2009 03:18 PM

إزاى تتنقل على مساحة 400 فدان إذا كان كانت على 80 فدان واغلب الاقفاص بتاعة الحيوانات فاضية .
الا لو هيحطة جوة كل قفص صورة للحيوان اللى مفروض يكون موجود.
او يبقى فية مناقصة لتوريد حيوانات بلاستيك واهو كلة يستنفع .

والله دة تهريج , من أقدم حدائق الحيوان فى العالم ويوجد بها اندر الاشجار وتصميم بة عبق التاريخ.

عواد باع ارضة ... شوفو طوووولة!! وعرضة.... وياريت ارضة

**mahfouz1983** · 22-07-2009 03:18 PM

تم الحذف لمخالفة قواعد المنتدى
برجاء عدم تكرار مثل هذه التلميحات
ستطبق عقوبات مشددة بهذا الشأن

_____________
مشرف عام 2

**Ahmed Sharaf** · 22-07-2009 03:24 PM

يمكن عاشان هناك يعرفوا يدبحوا الجمال فى الصحرا براحتهم!!!

الموضوع: الحكومة تقرر نقل حديقة حيوان الجيزة إلى 6 أكتوبر وبيع ارضها للمستثمرين

LinkBack

أدوات الموضوع

عرض

الحكومة تقرر نقل حديقة حيوان الجيزة إلى 6 أكتوبر وبيع ارضها للمستثمرين - انشر الموضوع فى :

-

-

المواضيع المتشابهه

الحكومة تقرر السماح بحيازة قطعة سلاح واحدة للأفراد

حديقة حيوان المنصورة فى حالة .....يرثى لها

الكلمات الدلالية لهذا الموضوع

المفضلات

المفضلات

ضوابط المشاركة