عرض للطباعة
اناعارف ان معانا في المنتدى كيميائيين و بياطرة و خبرات كبيرة
ومش عارف اللي بسأل عليه ده صعب و لا سهل
الموضوع و ما فيه ان عندي جلد بقرة ناشف زي ورقة الكارتون
كنت نشفته بالملح و الشمس من شهور ودلوقتي عايز اطريه علشان هاعمل بيه حاجة :Ob_mak1[1]:
يا ترى اعالجه ازاي ؟؟و ايه الكيماويات المطلوبة
انا نفسي اعمل الحكاية دي بنفسي
و شكرا مقدما
بصراحه معجب بيك جدا فى انك بتحب تجرب بايدك
بص يا باشا
دى لينكات ممكن تستفيد منها
انما لو عايز حاجه صح
اسأل اهل الخبرة
حد يكون عمل بأيده قبل كده
و هتلاقيهم "مش لازم يكونوا دباغيين- انا جدتى "الله يرحمها" كانت بتعمل فروة الخروف الى ان يصبح مثل ورقة الخس :) بس بصراحه مش فاكر ازاى "
http://ar.wikipedia.org/wiki/دباغة_الجلود
http://www.ehow.com/how_2044338_tan-leather.html
http://www.alpharubicon.com/primitiv...ngdragoona.htm
و لا تقتق من مرحلة النشفان
لازم الجلد يحصل له كده
المهم يكون مسلوخ كويس و اتملح تمام
----------
عايز حاجه من الحاجه اللى ناوى تعملها "بعد اذنك طبعا"
دكتور احمد وصديقي العزيز
انا عارف دماعك رايحة فين
علي العموم اللي حقوله دلوقتي ليس خبرة لكنه عن دراسة نظرية
جفاف الجدلد في حالتك له 3 اسباب
1- جفاف التسيج العضلي الملاسق لطبقات الجلد نتيجة عدم ازالته بكفاءة اثناء السلخ وهذا صعب العلاج وبلزمه علاج انزيمي طويل ويزيد من حساسية الجلد ومساميته ويفقده اهم خواصه
2- نقص شديد في الرطوبة نتيجة خطا في التجهيز وهو امر متوقع
3- زيادة نسبة المواد الصلبة نتيجو معاملات حفط خاطئة (التمليح)
في حالتك اعتقد انه السبب هو رقم 2 و 3
العلاج
اولا يجب عمل تجربة باستخدام 3 معاملات لتحديد انسب طرق العلاج ولاجراء التجربة ينحتاج الاتي
>3 عينات من الجلد صغيرة وممثلة وتسمح مساحتها باختبار طراوتها بعد الانتهاء
>ملح طعام
>خل معلوم التركيز (6% في حالة خل المائدة)
>ملح ليمون (سترك)
>اوعية سعة 4 لتر او اكثر
>مصدر حرارة (موقد)
معاملة 1
ماء بارد علي درجة حرارة الغرفة بالاضافة الي ملح طعام بتركيز 0.9% كمحلول منظم
معاملة 2
محلول مائي يحتوي غلي 1% خل كتركيز نهائي بالاصافة الي 0.5% ملح ليمون كمضاد للاكسدة علي حرارة 60 درجة مئوية
عاملة 3
نفس معاملة 2 مع زيادة الحرارة حتي درجة الغليان
يتم غمر قطع الجلد في المعاملات الثلاث والابقاء عليها لمدة 24 ساعة - 6 ساعات - 1 ساعة علي الترتيب
ثم يصاف خطوة نقع نهائي في محلول 0.9% ملح و 0.5% خل في حالة المعاملة 2 و 3 لمدة 10 ساعات مع التقليب والتحريك من وقت لاخر
بعد الانتهاء يتم تجفيف الجلد بالتنشير بعيدا عن الشمس ثم اجراء اختبار الطراوة والملمس بعد مرور 12 ساعة او حين جفافه ايهما اقرب
الفروق بين المعاملات
قي حالة ان السبب هو زيادة كمية ملح الحفظ ستكون المعاملة الاولي كافية لنزع الملح الزائدواعادة الرطوبة للجلد لتكون افلام حول اليافه وتكسبه الطراوة المفقودة
المعاملة 2 و 3 يتفيد في حالة تكون طبقات بروتينبة مدنترة علي الجلد تمنع استعادته للرطوبة فيعمل الخل علي خفض رقم الحموضة لتسهيل ذوبان البرواينات وتفككها جزئيا وليس تحليلها كما تساعد الحارة علي خلق ضغط مناسب يؤدي لترسيب البرووتينات ودنترتها لكن بعد الاذابة ويسرع من انمام عمل الحامض ويساعد ملح الليمون علي منع الاكسدة المتوقعة مع الحارارة ونزع الاكسوجين من الماء
في انتطار النتيجة
تقبل تحياتي
يا صلاة النبي احسن
الف شكر يا سادة
و شكر خاص لدكتورنا الكبير
غدا نشتري الخل و اللمون و الموقد موجود
وهانبدأ المعاملات و سنوافيكم بالنتيجة التحليل في حينه
محمد بيك طه ..هاجيبلك حته بس ادعيلي ربنا يسهلها
الف شكر مرة تانية
هههههه كل دة دة انت تجيب بقرة كاملة احسن ههههههه (طبعا بهزر وشكرا على المعلومات)