طب ايه رايكم في العربية عموما
هتكون اول عربية ليا وقلقاااااااااااان
من ناحية الكفاءة والاداء
غالبا استخدامي جوه البلد وسفر مرتين مثلا من اسكندرية للاهرة او لمطروح في الشهر
والاعطال وسهولة الصيانة وقطع الغيار
رقم العضوية : 34271
تاريخ التسجيل : 01Mar2009
المشاركات : 114
النوع : ذكر
الاقامة : Hadaeek AlAhram - Giza
السيارة: Speranza A113 - 2010
السيارة[2]: جارى البحث
دراجة بخارية: لا يوجد
الحالة :
رقم العضوية : 17000
تاريخ التسجيل : 23Aug2008
المشاركات : 17
الحالة :
طب ايه رايكم في العربية عموما
هتكون اول عربية ليا وقلقاااااااااااان
من ناحية الكفاءة والاداء
غالبا استخدامي جوه البلد وسفر مرتين مثلا من اسكندرية للاهرة او لمطروح في الشهر
والاعطال وسهولة الصيانة وقطع الغيار
رقم العضوية : 22737
تاريخ التسجيل : 20Oct2008
المشاركات : 1,884
النوع : ذكر
الاقامة : EL-MOHANDSEEN
السيارة: corolla-sunny 2002
السيارة[2]: TOYOTA COROLLA 2008
دراجة بخارية: لا يوجد
الحالة :
رقم العضوية : 34271
تاريخ التسجيل : 01Mar2009
المشاركات : 114
النوع : ذكر
الاقامة : Hadaeek AlAhram - Giza
السيارة: Speranza A113 - 2010
السيارة[2]: جارى البحث
دراجة بخارية: لا يوجد
الحالة :
العربية فى السفر ممتازة و هتروح بيك أى حتة مش هتقول لأ بس نصيحة متزودش عن 100 كيلو فى الساعة لإن تماسك العربية بيقل تدريجيا فوق السرعة دى
أما جوه البلد المشكلة اللى هتقابلك هى الركن فى الأماكن الزحمة علشان الدركسيون تقيل زى ما كل الناس عارفة بس أن أعتقد أن ال 2105 ال 1200 دى كانت نازلة بعلبة دريكسيون بعمود توجيه قصير و ده أخف كتير من القديم أبو عمود توجيه طويل (زى بتاعة 132) و لكن الموضوع ده مع الوقت هتتعود عليه و مش هتحس بيه
بالنسبة للأعطال طالما محافظ على العربية مش هتعطل بيك أبدا لكن لازم تراعى الأتى:
غير الزيت و فلتر الزيت فى مواعيده و يستحسن تستخدم زيت بيتغير كل فترة قصيرة و إستخدم فلاتر زيت نضيفة (بلاش ال Frame المصرى)
إستخدم بنزين 92 حيريح العربية جدا و هيخلى سحبها ممتاز و هتتجنب موضوع شوائب النزين و سد بيكات الكربراتير لأن أغلب المشاكل بتيجى من السكة دى
غير طقم البوجيهات مع الأبلاتين و الكوندنسر بالكتير كل 5000 كيلو بأنواع تكون كويسة (مش أرخص حاجة) هتضمن أن ميبقاش أى مشاكل فى الإشعال أو ادورة الكهرباء سواء فى الصيف و لا فى الشتا
إتعامل مع ميكانيى كويس يكون بيشتغل فى اللادا و ليه زبايين كتير بعملوا عنده عربياتهم اللادا لإن موتور اللادا مش زى ال 128 و ال 127 لازم يكون الميكانيكى بيفهم فيه و خلى بالك السر فى ظبط أداء موتور اللادا هو ظبط الأسبراتير مع الكربراتير بتاعها (متخليش أى حد يلعب فى الأسبراتير غير الميكانيكى بتاعها)
واظب على تشحيم بيض المقصات و كرسى النص فى عمود الكردان (أذا ماكانش راكب ليهم مشاحم دلوقتى ركب مشاحم) مع كل غسيل للعربية (يستحسن كل شهر) مع ربط العفشة قدام و ورا
مع كل غيار زيت إتأكد أن زيت الكرونة و الفتيس و الباكم (الفرامل) كامل مش ناقص و أن كان أى واحد فيهم ناقص زوده
كل فترة روح لحد كويس بتاع زبط زوايا عجل (يستحسن قبل كل سفرية طويلة) عشان يزبط زوايا لإن ده بيحفظ ثبات العربية على السرعات العالية و بيوفر فى تأكل الكوتش
متقلقش من عداد حرارة العربية فى الصيف بيوصل للنص و متعتبرش دى سخونة ده العادى للعربية اللى مش مواصفات خليجى بس كل سنة روح لحد كويس بتاع ردياتيرات و خليه ينضف الرادياتير و القربة
طبعا متزودش ميه أبدا سواء فى الرادياتير أو القربة إلا لما تكون العربية دايرة و خلى بالك من إن مستوى الميه فى القربة ميزدش عن الحزام الجلد الإسود الى رابط القربة فى العربية
حاول تغير الكوتش كل 40000 كيلو بالكتير
و إنت سايق حاول أنك تتجنب حفر البلاعات بالذات علشان تحافظ على بيض المقصات
بالنسبة لقطع الغيار هى موجودة فى كل حته (شارع دمشق - التوفيقية بالنسبة للجديد و عزبة شلبى للمستعمل)
بس قبل ماتشترى حاول تتدور على الروسى أو حاجة تكون أوروبية (بلاش الحاجات الصينى و التركى) بس حاول تتأكد فعلا أن القطع روسية أو أوروبية المنشا (مش موضوع سهل للأسف) و عموما قطع الغيار رخيصة جدا مقارنة بأى ماركة تانية (إكسيسوارات العربية اللى جوه هى اللى غالية و مش موجودة كتي فحاول تحافظ عليها بقدر الإمكان)
و باتوفيق أن شاء الله و أهلا بك عضو جديد فى نادى اللادا (اللادا 2105 - 2107 - 20104 على فكرة هى أنجح خامس عربية فى التاريخ إتصنع منها 12 مليون عربية لحد النهاردة و لسه بتتنتج)
رقم العضوية : 17000
تاريخ التسجيل : 23Aug2008
المشاركات : 17
الحالة :
حقيقي مش عارف اشكر حضرتك ازاي
بجد لو ربنا كرم بالعربية هاطبع البوست دي واعلقها كدليل استخدام
ولسه فيه كلام بالنسبة للسعر وتردد طبيعي في الشرا
بس انا من محبي اللادا لاني بافضل الاداء والكفاءة علي الشكل والكماليات
كفاية انها اكتر عربية صمدت مع مقاتلي التاكسيات في ارض المعارك المصرية
وربنا كريم
وشكرا لكل من شارك في الموضوع واتمني يكون الكلام مفيد لكل اللاداوية
وفي انتظار مساهمات باي معلومة ممكن تكون مفيدة
رقم العضوية : 6281
تاريخ التسجيل : 23Feb2008
المشاركات : 155
النوع : ذكر
الاقامة : Alex
السيارة: 2007 Toyota Yaris
السيارة[2]: 2015 Toyota Corolla
دراجة بخارية: لا
الحالة :
كل اللى فات كويس جدا بالنسبه الى الماتور والعفشه ومجموعه الجر كل المعلومات السابقه ميه ميه بس لنتا ناسى حاجه مهمه جدا وهى انك لازم ترفع العربيه فى اى بنزينه ويكون معاك سمكرى ثقه او معرفه ويكشفلك عليها كويس لان مشاكل الميكانيكا مقدور عليها كلها وسهل التعامل معاها لكن الصاج والبارومه لازم واحد فاهم يكشف عليهم مش من الظاهر فقط فى بالبلدى مزانق فى العربيه هى اللى بتولد البارومه ومقلقش لما العربيه بتفتح فى البارومه هتكره اليوم اللى قررت فيه تشترى العربيه انا مش بخوفك بس لازم تأخذ حزرك فى هذا الموضوع
ولو العربيه تمام ان شاء الله ومفيهاش حاجه علطول قبل الشتاء القادم على البويجى وهتلك علبتين اوتلاته انتركوت (النوع ميدو) ورش العربيه كلها نت تحت حتى لو مرشوشه قبل كده رشها برده لان ده بيحميلك العربيه من البارومه
رقم العضوية : 17000
تاريخ التسجيل : 23Aug2008
المشاركات : 17
الحالة :
انا شاكر لحضرتك النصيحة
وانا شايف حضرتك من اسكندرية ومعاك لادا برضه
وانا كمان من اسكندرية
ممكن اعرف من حضرتك عنوان او تليفون سمكري كويس يجي يبص معايا علي العربية
وبنزينة كويسة او ميكانيكي شاطر في اللادا عشان يبص عليها عموما
هو انا خلاص انا نويت علي العربية دي وناوي اخلص فيها بعد ما اطمن علي الحالة بتاعتها
بس انا خبرتي في العربيات ضعيفة جدا
ولو في راي خبير بيني وبين صاحب العربية هيكون افضل وأأمن لينا احنا الاتنين
واكون شاكر ليك جدا
وجزاك الله كل خير
رقم العضوية : 17000
تاريخ التسجيل : 23Aug2008
المشاركات : 17
الحالة :
وياريت اي حد من الاخوة في الاسكندرية
ممكن برضه يفيدني بعنوان او تليفون سمكري كويس يجي يبص معايا علي العربية
وبنزينة كويسة او ميكانيكي شاطر في اللادا عشان يبص عليها عموما
ويا ريت في اسرع وقت الرد
وربنا يكرمنا ويكرمكم جميعا باللي فيه الخير
ويكفينا شر المستخبي
رقم العضوية : 6281
تاريخ التسجيل : 23Feb2008
المشاركات : 155
النوع : ذكر
الاقامة : Alex
السيارة: 2007 Toyota Yaris
السيارة[2]: 2015 Toyota Corolla
دراجة بخارية: لا
الحالة :
انا اسف والله ياباشا انا لو فى الاسكندريه كنت جيت معاك بس للاسف انا فى الناحيه التانيه انا فى قطر الان
بس انا كنت بتعامل مع البنزينه اللى فى سموحه بعد متسيب دوران سموحه متجه الى جرين بلازا قبل مدريه الامن فى بنزينه فيها غيار زيت سريع على كوريك رفع بالاضافه ان فيها بعض الصنايعيه الكويسين جدا
روح مع نفسك الاول وروح على صنايعيه غيار الزيت واسألهم لو عندهم حد يكشفلك على العربيه ويزبطك هيقولولك لانهم طبعا طمعنيين فى الحلاوه اللى هتكون من 50 الى 100 جنيه طبعا
روح الاول مع نفسك وشوف الامور هتمشى ازاى معاهم علشان متخدش الناس معاك على الفاضى بس هى دى افضل بنزينه هترفع فيها العربيه لان كواريك غيار الزيت فيها نور الشمس داخل فيها يعنى مفيش حاجه هتستخبى عليك وعليهم بالاضافه الى خبرتهم فى الزيت والتعامل مع المواتير يعنى لو الماتور فيه حاجه او العفشه هيزبطوك
وربنا يوفققك ويرزقق خيرها ويكفيك شرها
بالاضافه الى الاستخاره الى الله عز وجل هى افضل الف مره من اى صنيعى استخير ربنا وان شاء الله هيصيبك الصواب
رقم العضوية : 17000
تاريخ التسجيل : 23Aug2008
المشاركات : 17
الحالة :
ربنا يكرمك
انا عارف البنزينة اللي بتتكلم عليها
بس بصراحة انا ناوي علي الاستخارة ولو ربنا سهل الحال هتكون من نصيبي ان شاء الله
وربنا بيني وبين البايع
شكرا لاهتمامك وربنا يكرمك في غربتك
المفضلات