الموضوع: اليابانى يابانى العمر الطويل

المشاركة الأصلية كتبت بواسطة MAGPC

أنا شايف إن التيدا ديه عربية روعة بس مشكلتها في قطع الغيار زي ما سمعت ولو مفيهاش مشاكل في أسعار قطع الغيار يبقى التيدا وش،أنا ركبتها و أنا طويل جداً في الأساس و ارتحت فيها جداً قدام و ورا مع اني مابرتحش في معظم العربيات
بس معلش أنا مش عارف نظام التقسيط إلي حضرتك بتقول عليه فيا ريت حضرتك تشرحه بإيجاز وشكراً

----------------------------------------------
بص يا سيدى النظام ده تبع معرض اسمه معرض المتحدون العرب فرع الدقى , اللى كلمته كان واحد اسمه محمد يحيى هناك , وقولتله انا عاوز قسط يكون قليل ومش عاوز نظام مفردات مرتب ولا تامين اجبارى

فقالى عاوز عربية ايه مثلا ,, قولتله خالينا فى الانسر 110 الف , فقالى اوكيه ممكن تدفع 40 الف مقدم ويكون فى وديعة فى البنك 53 الف والقسط بتاعك على 90 شهر حيكون 1180 وسالته حتقسط تبع بنك ايه , فقالى بنك يكون حكومى زى بنك ناصر الاجتماعى , وقولتله الوديعة حتكون فى بنك تانى فقالى عادى بس اجبله صورة من الشهادات بتاعت الوديعة . وقالى مش حيكون فى تامين اجبارى , هو ده النظام اللى قالى عليه وكان يناسبنى شخصيا

بس رجعت فى راى فى شراء اى عربية عشان اللى بيحصل فى السوق من اشاعات ومشاكل , يعنى السيراتوا مشكلة تسليم ولسه العربية جديدة بقالها شهور ومش تعرف تحكم على ادائها كويس وعشان الواحد يفكر يجيبها لازم يعدى عليها سنة او اتنين وهى فى اسوق زى الالنترا ,
اما بقاالالنترا حلوة بس مش فيها فرامل abs وحينزل الجديد منها فى شهر 11 والعربية الوحيدة الكورى اللى بحترم اداء ماتورها , والتيدا سعرها رخص وهى دى اللى مزغللة عنيه بس بيقولوا ثباتها مش حلو وفراملها فيها اصوات غريبة مع انها abs وتكيفها بياثر على السحب العربية , فقولت فى النهاية خالينى اراقب السوق واعمل دراسة بحث وجدوى مظبوطة لان ده قسط لفترة وفلوس بتدفع من دم الحى وشقا عمر
المهم النظام ده لو عجبك اتصل بيهم وو عايز الرقم انا فى الخدمة وتحت امرك
وشكرا