البيتلز بتقطع منى

**alcomando** · 22-07-2009 10:58 PM

السلام عليكم ورحمه الله وبركاته

إلى كل إخواني السلام وبعد / يا جماعة أنا عندي مشكلة صادفتها النهاردة ياريت حد بس يقولي العيب في إيه والحل أزاي أنا وانا ماشي لاحظت العربية بتقطع منى من أول سرعة أول ما اطلع بيها تبتدي تقطع وتعمل صوت صفارة كدة ولو جايب 3 وضاغط بنزين على الاخر اخرها حتجيب 50 مثلا مش عارف في ايه انا بجد تعبت ياريت حد يقولي سبب المشكلة ديه شكرا مقدما اخواني

**WAEL_WAHBA** · 22-07-2009 11:13 PM

السلام عليكم اخى
انت اخر مرة عملت سرفيس العربية امتى وفين

**alcomando** · 22-07-2009 11:15 PM

أنا بروح لميكانيكي اسمه مديح في الزتون شارع سنان راجل كويس بتعامل معاه من اول ما جبتها
أخر مرة رحتله من أسبوعين كدا تقريبا

**ابوهاشم** · 23-07-2009 01:54 AM

متهيألى كده والله اعلم
بوجيهات او ابلاتين حاجه من الاثنين

**alcomando** · 23-07-2009 01:57 AM

وديه حاجة مكلفة يا أستاذ هاشم ولا أيه نظامها ؟

**ahit** · 23-07-2009 02:43 AM

السلام عليكم ورحمة الله وبركاته

إزيك يا عمر ؟ أخبارك ايه و من زمان مش باين ؟ يارب تكون بخير

مشكلة التنتيش أو التقطيع ليها عدة أسباب :
1- فلتر البنزين عاوز يتغير ( 5 جنية )
2- بوجيه أو أكثر قاطع و لابد من تغيير طقم البوجيهات ( البوسنه 20 جنيه - بوش و دينسو و ngk من 25 إلى 35 جنيه )
3- الكربراتير عاوز يتنظف كويس بالبيكات ( 10 جنيه عند أى ميكانيكى بيتل بتستريح فى الشغل معاه )
4- الأبلتين أو الكوندينسر فيهم مشكلة و لو كانت العربية بتأخر فى الدوارة الصبح كمان الأبلتين من 10 إلى 15 جنيه ألمانى و الكوندينسر من 20 إلى 30 جنيه ألمانى.

و كل المسألة إنك تزور مديح اللى بتتعامل معاه و هاياخد منك مصنعية من 10 إلى 20 جنيه بالكتير إن شاء الله لتركيب طقم الكهرباء و تنظيف الكربراتير.

و مستنين النتيجة و تقولنا عملت إيه عشان نستفيد معاك إن شاء الله

**alcomando** · 23-07-2009 02:55 AM

شكرا أستاذ أحمد على ردك بجد ربما يكرمك على مجهوداتك في المنتدى أنا بكرا حروح أشوف ويارب تكون بسيطة أشكرك على ردك وأهتمامك

**alcomando** · 23-07-2009 02:40 PM

رحت لميكانيطي جنبينا النهاردة غيرلي البوجيهات مديح كان عنده شغل كتير وانا نزلت من 9 كان لسى قافل المهم غيرتهم والعربية مشيت تمام الحمد لله المهم في صفارة كدا مع المشيء ملاحظها تفتكروا من إيه الواد الميكانيكي قالي ظبط كهربا مش عارف الصراحة ياريت تفيدوني شكرا جزيلا

**ابوهاشم** · 24-07-2009 12:34 AM

حاول ياعمر انت تكتشف صوت الصفاره ده منين بالظبط
علشان فى احتمالات كتير لصوت الصفاره
يعنى مثلا ممكن تكون بليه فى اى عجله
ممكن تيل الفرامل
ممكن من عداد السرعه

**ahit** · 24-07-2009 02:37 AM

المشاركة الأصلية كتبت بواسطة hashem1999

حاول ياعمر انت تكتشف صوت الصفاره ده منين بالظبط
علشان فى احتمالات كتير لصوت الصفاره
يعنى مثلا ممكن تكون بليه فى اى عجله
ممكن تيل الفرامل
ممكن من عداد السرعه

و ممكن تكون من سير الدينامو مثلاً
و ممكن تكون صفارة الديول !!!

حاول يا عمر تقولنا الصوت جاى منين بالظبط ؟ و هل و الماتور داير من غير مشى ولا مع المشى ؟

الموضوع: البيتلز بتقطع منى

LinkBack

أدوات الموضوع

عرض

البيتلز بتقطع منى - انشر الموضوع فى :

-

-

-

-

-

-

-

-

المواضيع المتشابهه

للخبراء فى البيتلز( تعديل البيتلز)

العربية بتقطع

يا رجالة البيتلز هى البيتلز ادفع فيها 20 الف جنية

ال fm بتقطع

127 بتقطع فى الطوالى

الكلمات الدلالية لهذا الموضوع

المفضلات

المفضلات

ضوابط المشاركة