الموضوع: صيانه ال 60 الف للامبريزا 2007

يا جماعه انا عندي حاجه غريبه,
انا حاليا مسافر بس لاحظت صوت كده لما ابقى ماشي على 40-60 بحس بصوت ونه في العجل
هو صوت ونه كده زي ما يكون من الكورونه بس الصوت اوطى من الصوت الي بيطلع من الكورونه لو بايظه,
و لما بدوس بنزين بيروح و لما اشيل رجلي يظهر تاني
انا مش عارف ايه الصوت ده
انا شاكك ان الصوت ده من البلي بتاع العجل بس مش عارف بقه
حد عنده معلومات عن الحكايه دي

المشاركة الأصلية كتبت بواسطة mosso

يا جماعه انا عندي حاجه غريبه,
انا حاليا مسافر بس لاحظت صوت كده لما ابقى ماشي على 40-60 بحس بصوت ونه في العجل
هو صوت ونه كده زي ما يكون من الكورونه بس الصوت اوطى من الصوت الي بيطلع من الكورونه لو بايظه,
و لما بدوس بنزين بيروح و لما اشيل رجلي يظهر تاني
انا مش عارف ايه الصوت ده
انا شاكك ان الصوت ده من البلي بتاع العجل بس مش عارف بقه
حد عنده معلومات عن الحكايه دي

مش ممكن يكون الصوت من الكاوتش نفسه؟

معلش يا جماعه على التأخير بس بقالي يومين كنت بحاول ادخل الموقع كان بيتصلح تقريبا,
المهم هو مكنش صوت كاوتش خالص يا استاذ احمد ده صوت ونه عاليه غير صوت الكاوتش
انا عارف ان صوت الكومهو عندي عالي بس ده صوت مش طبيعي
و متقلقش يا خلود الحمدلله رحت انهارده فعلا و الحمدلله طلعت بسيطه
بس بجد هما هناك محترمين قوي و ظبطوني رغم اني مكنتش حاجز

المهم احكي من الاول بقه,
انا كان بقالي اسبوع في مرسى مطروح و كنت قبل مسافر بيوم عامل صيانة الـ40000 رغم اني كنت لسه 39 و شويه بس قلت الطريق طويل بقه قلت امشي بيها على نظافه و غيرت فلتر الهوا مع الصيانه
المهم وانا في الصيانه كان عندي جلبة المقص اليمين مقطوعه و مرشحه زيت جامد بس مكانتش موجوده فقلت لما ارجع ن شاء الله اركبها,
بعدين وانا في الطريق حصل موقف فجأه وانا على 140 و لازم اقف دوست فرامل على الاخر طبعا ال ABS شغال و باين بس لما وقفت لقيت العربيه معرضه (طبعا نكته جدا)
المهم كملت و بعدين من كام يوم ظهر موضوع الونه الجامده دي,
قلقت جدا لان الصوت مع الوقت بيزيد و بقه كاني راكب تاكسي 125 الكورونه بتاعته بايظه
بس الصوت كان بيروح لما ادوس بنزين و يرجع لما اشيل رجلي,
الهم امبارح الصبح كلمت 19570 عشان احجز على انهارده لاني كنت راجع امبارح بالليل
طبعا نفس الاسطوانه ان مفيش اماكن و اول حجز يوم الاربع الي هو بكره,

قلت ماشي فانا الحمدلله رجعت امبارح بالليل (طبعا سيمفونيه صوت ونا راجع لا توصف ),
قمت ظابط المنبه على 8 الصبح و صحيت رحت رايح بقيت هناك اول واحد لقيت المهندس ايهاب و المهندس خالد و كان في المهندس عمرو الي هو جديد هناك
طبعا الناس حفظوني من كتر ما بقيت معاهم
ف حكيتلهم الحكايه و قلتله انا عايز اعرف بس فيها ايه حتو لو مش هعملها انهارده,
المهندس ايهاب خدها و طلعنا جربنا طبعا هو فوجئ بالصوت جدا و كان مستغرب,
رجعنا حاولوا يظبطوا المواعيد لغاية ما دخلوني في النص لما تقريبا عربيه خلصت بسرعه


المهم الحمدلله طلع الموضوع ان في حديده كده شايله المقص الخلفي و ليها دراع من الكورونه
الحديده دي تقريبا واخده حجر من تحت و معووجه و تقريبا خانقه على الكورونه شويه
فكوها و استعدلوها و الحمد لله الصوت راح
و غيرت جلبة المقص و الحمدلله التعويمه كمان راحت لان كان سببها جلبة المقص
بس هو مهندس ايهاب قاللي حاول تحجز بعد كده عشان موضوع الضغط و قاللي المشكله ان مش هما الي بيظبطوه ال call center هو الي بيظبطه
بس هما بصراحه عملوا معايا واجب

و في الاخر الحمد لله انها طلعت حاجه بسيطه لان الواحد دماغه ودته في حتت كتير