افضل معرض بيدى تخفيض للكاش بالنسبه للنيسان صنى

**eslamenan** · 23-07-2009 03:14 AM

السلام عليكم جميعا
بعد الكلام المستفيض والتفحيص والتفكير قررت ان شاء الله ان اشترى نيسان صنى
ارجو من الاخوه الاعضاء الى جربو يشترو النيسان صنى كاش يفيدونى
بافضل مكان وجدو فيه افضل خصم للسياره وكان كام سعرها تحديدا
ولو ممكن عناوينهم وتلفوناتها
ولو ممكن اسعار الصنى +abs مانيوال
وشكرا على تبادل الخبرات
م/ اسلام

**MOMOBARAK** · 25-07-2009 01:42 AM

انا لسه شارى الصنى من شهر تقريباُ كان افضل سعر فى ذلك الوقت كان فى سمير ريان بس كان التخفيض اللى بينزله بياخدوا تانى عند تسليم العربيه يعنى لازم تكون مصصح قوى معاه .المصريه للسيارات حرميه. واسأل فى الفادى الموجود فى مكرم عبيد اسعاره جيده على حسب معلوماتى . وانشاء الله الاخوه يفيدوك ايضا
.

**sab3aawy** · 25-07-2009 11:18 AM

نصيحة لوجة الله، ماتجريش ورا الف جنيه وفر وتلاقى نفسك فى الآخر لابس فى عربية فرز تانى او فيها مشكلة متدارية او حاجات ناقصة او تدوخ ورا جواب المرور

خد العربية من موزع معتمد واشترى راحتك، دور على افضل الاسعار بين الموزعين المعتمدين، بالنسبة لنيسان عندك مودرن موتورز و ايجبت اوتو وناشيونال موتورز والسبع والعوض جروب ، كل دول موزعين معتمدين احتمال يكون فيه غيرهم لكنى مش متأكد، لكن خليك فى الموزعين المعتمدين، الناس اللى حاطة على معارضها لوجو نيسان والبيزنس كارد بتاعت موظفينهم مكتوب عليها نيسان ، ومتدخلش نفسك فى متاهات علشان 1000 جنيه وفر انت اساسا هتشترى بيها اكسسوارات للعربية قبل ما تركبها

**mohamedfadel** · 29-07-2009 10:05 AM

كلامك مظبوط يا استاذ سبعاوي, عين العقل, بس كنت عاوز اعرف الصني افضل ام الالنترا

**eslamenan** · 29-07-2009 01:18 PM

الحمد الله ربنا وفقنى واشتريتها من المصريه واستلمتها فى نفس اليوم
نيسان صنى مانيوال aps
شكرا على اهتمامكم
بس موضوع التليين بتاع الالف كيلو الاول
ايه نظامه
مع العلم انا استلمت العربيه ماشيه 120 كيلو سئلت الى بيسلمنى قالى عشان احنا جبناها من 6 اكتوبر
مشيت بيها كمان 120 كيلو مزدتش عن 90 كيلو
رغم ان العربيه حاسس انها عاوزه تجرى ما شاء الله مستجيبه بس انا محولتش ازيد عن 90 كيلو
بس امبارح خرجت بيها بالليل لقيت الجو حر قلت لما افتح التكييف شويه
بصراحه فتحته وهى واقفه ماشاء الله عليه عمل فرق متقليش الدايو الى بيمدحو فى تكييفها -اليابانى يابانى
على راى المثل اليابانى يابانى حتى لو شويه عضم فى قفه هههههههههههههه
المهم عمال احاسب نفسى عشان شغلت التكييف وانا فى الالف الاول انا شغلته نص ساعه وخايف يكون ليه تاثير سلبى عليها
بنا يعدى الالف دا على خير
وشكرا ليكم على ردودكم واهتمامكن وبالاخص الاستاذ سبعاوى شكرا على اهتمامه