استري النترا و لا بيرسونا

**M.Osman** · 23-07-2009 10:54 PM

بصراحة انا بحب الجين و البيرسونا جداً .... لكن بسمع عنهم كلام متناقض ... مش عارف دا بيكون فرق استعمال من شخص لشخص ولا أية ؟؟

**D . a .\ AYMAN** · 24-07-2009 08:23 PM

بص أنا ماركبتش لا دي ولا دي

بس أنا لو مكانك هاجيب بيرسونا

لأن أنا بكره هيونداي بسبب غبور مش لعيب في هيونداي نفسها ... ومش هاجيب أي عربية هيونداي طول ما غبور هو اللى معاه التوكيل بتاعها

وبعدين المشاكل الجامدة اللى ممكن تحصل في أي عربية زي مشاكل التكييف والمواتير والعيوب الفنية الكبيرة دي ممكن تظهر في أى عربية أيا كانت ماركتها هيونداي مش بعيدة عنها ...

إنما مشاكل التقفيل اللى كانت بتعاني منها بروتون بالنسبة للجين .. أعتقد كل ملاك البيرسونا وحتى الجين الجديدة مبسوطين جدا منها بالنسبة للتقفيل وده ممكن حضرتك تشوفه بنفسك في قسم بروتون

الحاجة الأخيرة ... بمقارنة الأوبشنز بتاعة العربيتين طبعا البيرسونا تكسب بفارق كبير جدا ولا وجه للمقارنة بينهم في الحتة دي نهائي

الشكل ... وطبعا دي حاجة ترجعلك ... أنا شايف إن البيرسنا أحلى .. وده مايقللش حاجة من إن اللإنترا برضه جميلة

**tarekabosdera** · 24-07-2009 08:50 PM

لو عايز عربية اعتمادية تعيش معاك عمر طويل بدون مشاكل ان شاء الله يبقى اكيد الالنترا .

زي ما انت شايف العربية ماء الله ناجحة جدا على مدى اكتر من5 سنين وعاملة مسافات جبارة والماكينة حالتها ممتازة.

توكل على الله وهات عربية متقرفكش في المستقبل.

**M.almaghraby** · 24-07-2009 09:02 PM

دا راي حضرتك الشخصي بعدين مين قال ان الجين مش اعتمادية؟

**tarekabosdera** · 24-07-2009 10:31 PM

المشاركة الأصلية كتبت بواسطة drguevara

دا راي حضرتك الشخصي بعدين مين قال ان الجين مش اعتمادية؟

التجربة اللي قالتلي.

موديلات النترا من سنة 92 و93 شغالة لحد دلوقتي بكفائة .

جين 2 بقالها قد ايه ؟؟؟؟

واكتر عداد عامل كام في مصر ؟؟؟!!

**M.almaghraby** · 24-07-2009 10:42 PM

انا مقولتش الالنترا وحشة خالص

بس الجين بقالها اكتر من 4 سنين و اثبتت نفسها

مش لازم العربية تعد 10 سنين عشان نبتدي نجربها

**SAMEH_FOUAD** · 25-07-2009 03:25 PM

شوف اللى بيقول الالنترا معمرة ومواتيرها دة ممكن يكون حالات كدة عابرة يعنى واحد اخرة 80 مابيجريش وال بيشد
لكن مواتير الكورى عموما بتبدأ تضعف وتبان السخونية جدا فى المواتير ,بعد كدة دة غير ان صوتها بيعلى عن ماهية جديدة ,وفعلا الالنترا صوتها ناعم مع انها سير كاتينة جنزير ,وبعدين معلش الالنترا مافيهاش اى عوامل امان نهائى يعنى الناس جايباها ومافيهاش ولا abs,ebd ولا ايرباج وفرحانة بيها وبيجيبوا عربيات النترا تمنها فوق ال100 ومافيهاش العوامل دية ,دة غير بقى حاجة ان فعلا موديلات 2009 اقل كفاءة وجودة فى الخامات والتقفيل من موديلات 2007 ,وبعدين مش هتلاقى فرق بين السياراتين عشان الفئة السعرية واحدة تقريبا او اقل شوية ودلوقتى الالنترا بقت ب90 الف المانيوال و97 الف الاتوماتيك من غير فتحة سقف
فامش فارقة كتير اللى تستريح فى قعدتها ولشكلها هاتها الاننين بمستوى واحد بس البيرسونا هاتتفوق عشان ماليزى مع بصمة شركة لوتس

**M.Osman** · 25-07-2009 05:40 PM

شوف اللى بيقول الالنترا معمرة ومواتيرها دة ممكن يكون حالات كدة عابرة يعنى واحد اخرة 80 مابيجريش وال بيشد
لكن مواتير الكورى عموما بتبدأ تضعف وتبان السخونية جدا فى المواتير ,بعد كدة دة غير ان صوتها بيعلى عن ماهية جديدة

الكوري عموما و الصيني خصوصا و الإفريقي ..
دا كلام من الموروث الأزلي ....

**tarekabosdera** · 26-07-2009 01:04 AM

المشاركة الأصلية كتبت بواسطة semsem kane

شوف اللى بيقول الالنترا معمرة ومواتيرها دة ممكن يكون حالات كدة عابرة يعنى واحد اخرة 80 مابيجريش وال بيشد
لكن مواتير الكورى عموما بتبدأ تضعف وتبان السخونية جدا فى المواتير ,بعد كدة دة غير ان صوتها بيعلى عن ماهية جديدة ,وفعلا الالنترا صوتها ناعم مع انها سير كاتينة جنزير ,وبعدين معلش الالنترا مافيهاش اى عوامل امان نهائى يعنى الناس جايباها ومافيهاش ولا abs,ebd ولا ايرباج وفرحانة بيها وبيجيبوا عربيات النترا تمنها فوق ال100 ومافيهاش العوامل دية ,دة غير بقى حاجة ان فعلا موديلات 2009 اقل كفاءة وجودة فى الخامات والتقفيل من موديلات 2007 ,وبعدين مش هتلاقى فرق بين السياراتين عشان الفئة السعرية واحدة تقريبا او اقل شوية ودلوقتى الالنترا بقت ب90 الف المانيوال و97 الف الاتوماتيك من غير فتحة سقف
فامش فارقة كتير اللى تستريح فى قعدتها ولشكلها هاتها الاننين بمستوى واحد بس البيرسونا هاتتفوق عشان ماليزى مع بصمة شركة لوتس

اتقي الله ومتقلش الا الحق.

انا عارف انا بقول ايه كويس لما بقول الالنترا اعتمادية ومعمرة ( عن تجارب ناس كتير).

بالنسبة لعوامل الامان خلاص غبور نزل الالنترا بعرض جديد فيها اي بي اس وايرباجز بسعر ممتاز ( يعني االعربية حاليا لا ينقصها شيء)

-

الموضوع: استري النترا و لا بيرسونا

LinkBack

أدوات الموضوع

عرض

-

-

-

-

-

-

المواضيع المتشابهه

النترا 2012-كيا سول 2012 - بيرسونا اليجانس 2012

بيرسونا ولا النترا --ارجو الرد

ارجوكم عاوز الراي الفصل بيرسونا ام نيواكسنت ام النترا

بيرسونا ام نيو النترا

بيرسونا ام نيو النترا

الكلمات الدلالية لهذا الموضوع

المفضلات

المفضلات

ضوابط المشاركة