الحمد لله علي قد كدا
وقدر الله و ماشاء فعل
و برضه لازم تعرف حاجة مهمه ان الاهمال حلفنا و مش ممكن حنصلح اسلوب المتهور
وعلي العموم الحمد لله علي كل حال
وربنا يكفينا و يكفيك شر الطريق و يرحمنا من خطأ الغير
تحياتي
الحمد لله علي قد كدا
وقدر الله و ماشاء فعل
و برضه لازم تعرف حاجة مهمه ان الاهمال حلفنا و مش ممكن حنصلح اسلوب المتهور
وعلي العموم الحمد لله علي كل حال
وربنا يكفينا و يكفيك شر الطريق و يرحمنا من خطأ الغير
تحياتي
الف حمد لله على سلامة حضرتــك
وفعلا الناس تغلط ... وتنزل تقولك معلش واسفه .... ومش بتتعلم !!!!!!
الف حمد لله عالسلامه ... وربنا يكفيك ويكفينا شر الطريق
الف حمد اللة على سلامتك واهم حاجة انك سليم
والحمد اللة ان الخساير بسيطة وربنا ياجرك فى مصيبتك ويخلفك خير منها
واللة اقول اية بس اذا كان هما البنات لما بيسوقوا وهما مركزين بيبقوا مشكلة كمان دى بتتكلم فى الموبايل
عموما قدر اللة وماشاء فعل
وحمد اللة على سلامتك مرة اخرى .
قدر الله وماشاء فعل
ولايهمك المهم انتا بخير
وانا معاك فعلا الزينون بيعمى الى قدامك خالص
وحتى الى جى فى الطريق المعاكس بياثر عليه برده
حدلة على سلامتك يا رافى باشا وانا بضم صوتى معاك فى موضوع الزينون علشان بجد مؤزى بشكل كبير
انا بضم صوتى لصوتك
فعلا الزينون ده كارثه على الطريق وياريت يكون فيه حل للموضوع ده
الحمد لله انها جت على الكاوتش بس ... من كلامك كان ممكن تكون الخساير اكبر بكتير , الحمد لله على كل شئ .
* لازم تغير فرده الكاوتش ديه ماتمشيش بيها كده .
ياريت الناس تبطل اذى و تعرف ان الزينون بيركب على الفوانيس الى فيها عدسات لتجميع الضوء على الارض ,غير كده بيعمى الى قدامك . الى حيقول اصل انا مركب زينون غالى مش عارف بكام ... مركب زينون هايد بلاس مش عارف منين ... استحمل دعى الناس عليك .
ألف سلامة عليك و على عربيتك يا رافى
الحمد لله إنها جت على قد كده .. ربنا ستر
متفق معاك تماما بخصوص الزينون ... يا رب الناس تفكر بدماغها شوية و تقدر بعض
انا لو منك كنت دغدغت لها اللمض الزينون
مادام هي ماشية بالدراع بلمض مخالفة
امشي انت كمان بالدراع
انا لسة برضه مخبوط بسبب واحد متخلف كان بيتكلم في الموبايل
راكن علي دخلة بنزينة
و انا داخل البنزينة .. و فاكره راكن طبعاَ .. فجأة قام طالع ! من غير إشارة .. من غير بص في مراية .. من غير أي حاجة .
دخل في الباب و الرف رف اليمين عندي كانت إلنترا هي و إكصدامها وقع .
نزلت قلتله انا مش هتكلم خالص .. إشرحلي إنت اللي إنت عملته ده !
قاللي بمنتهي الإنبساط معلش أصل كنت بتكلم في الموبايل ! و كأن ده السبب اللي أول ما أسمعه هروح أحضنه و أقوله انا أسف علي ظني السئ فيك سامحني .. يا عم ما تولع بجاز معفن إنت و اللي بتكلمه!! دي سماعة بعشرين جنيه يا جدعان!! .. بس قلت العربية إتخبطت خلاص و شخص متخلف زي ده مش مستاهل أقف أتخانق معاه .. فا بصتله بصة فيها قرف الدنيا كدة و إدتله كلمتين و قمت راكب العربية و ماشي من غير ما أستني يرد .. يا رب إرحمنا من الكائنات الفضائية .
سبحان الله مشيت 7 شهور من غير تأمين محصلش حاجة و يوم ما نفسي هفتني أعمل تأمين عالعربية إتخبطت بعديها بأسبوع .. فلوسنا حلال يا رجالة .