الحمدلله جات على قد كدا : بس الله يخرب بيت الزينون والكلام في الموبايل

**Eng. Rafy Samy** · 24-07-2009 12:22 AM

طبعاً العنوان واضح
علشان كده اخش في الموضوع على طول
من 3 ساعات بالظيط
كنت راجع من منطقة كفر عبدة كافي خيري شري وماشي على مهلي
في حتة فيها تقاطع بس مش عامودي هو ا بزاوية شوية ..
لاقيت الليل بقى ظهر وكأن الشمس طلعت وعمالة تقرب مني بسرعة المهم في لحظات ادركت ان دي عربية جاية من الشارع الجانبي بسرعة المهم كسرت يمين علىشان اتفاداها لقيت العربية بتنط فوق الرصيف بالعجلة اللي قدام والعربية التانية يا دوبك عدت بالعافية من شنطة عربيتي ووقفت
طبعاُ اقسمت اني ححط اللي سايق تحت عجل عربيته هو مش عربيتي علشان مايستهلش اوسخ عربيتي بدمة
نذلت من غير ما ابص على العربية ورحت لعربية وفتحت الباب وكانت المفاجئة
واحد بنت.. طبعاً هي شافت الشر في عنيا راحت نازلة من العربية وممثلة دموع في عيون واقحة
" انا فعلاً اسفة - مكنش قصدي - انا مش عارفة اعتذرلك ازاي - ( اصل انا كان معايا الموبايل ومخادش بالي م...................... ) " انا سمعت كلمة موبايل ومسمعتش حاجة بعدها
كنت انا اللي بتكلم بس ومش سامع بقيت الناس بتقول ايه ... كنت في قمة نرفزتي وعصبييتي
بس بنت حعمل فيها ايه...؟؟؟؟؟؟؟؟؟؟؟؟؟؟؟؟؟؟؟؟� �؟؟؟؟؟

مش حطول اكتر من كده المهم الخساير ان فردة التيوبلس اتخرمت من خاذوق فوق الرصيف
طبعاٌ انا بحمد الله ان مكانش في حد ماشي على الرضيف لانه كان حينتهي ..
رحت لمحطة البنزين اللي على شارع ابوقير
حطلها ا لحام من جوة وحطلها كمره
انا قلبي كان بيتقطع وانا بشوفه بيقطع البلف بتاع التيوبلس ...

طلب اخوي من كل اعضاء المنتدى الافاضل
ارجوكم شيلوا الزينون او حطولة عدسة لانه فعلاً بيعمي للحظة لو طرب في عين حد مباشر
اجوكم متكنوش السبب في خساير او موت بني ادم لان اللي جاي قدامك مش شايفه

**ASKAFRAWY** · 24-07-2009 12:26 AM

قدر الله وماشاء فعل انت عملت الحادثة جمب البيت عندى ولا ايه!!
مش مهم جت على الفردة بس فعلا الزينون و الموبايل اساس اى حادثة
حمد الله على سلامتك

**kloda** · 24-07-2009 12:37 AM

الحمد لله ان ربنا ستر و جت علي اد كدة
ربنا يعوضك خير انشاء الله

**jisso82** · 24-07-2009 12:40 AM

الحمد لله على سلامتك

**M.almaghraby** · 24-07-2009 12:42 AM

حمد لله يا راجل عالسلامة و كويس انها جت فالفردة بس

**Eng. Rafy Samy** · 24-07-2009 12:47 AM

الف شكر ليكم وولمروركم
وفعلاُ الف حمد وشكر لله انها جت على قد كده انا كان ممكن البس في الحيطة او نلبس وش في وش
الحمدلله الف مرة

بس برضة انا مدايق من موضوع الزيون ده لأنه فعلاً يعمي بكل معنى الكلمة لو جهة مباشر في عنيك...
ارجوكم مرة تانية حطوا عدسة او شيلوه احنا مش عايشين في صحراء

يا جماعة هي العدسة اغلي من اللمط..؟؟؟؟؟؟؟؟؟؟؟ انا عارف ان الزينون بيبتدي من 1200 وانت طالع فمظنش ان العدسة حتبقى اغلي او ممكن تفرق مع واحد حاطط المبلغ ده في لمبة

**khpopo** · 24-07-2009 12:54 AM

حمدلله على السلامه
ربنا يسترها

**M.almaghraby** · 24-07-2009 12:56 AM

مهو احنا فعلا شعب جاهل و متخلف عشان بنحط اي حاجة كدا وخلاص!!

انا كمان كل شوية بسافر و بعاني من الزينون دا برده مقرف جدا و مش ابيض لا دا فاقع و ممكن يسبب كوارث

بس انتا المفروض كنت عملت محضر و بلغت انها مركبة زبنون لانها كانت حتاذيك

**MoOoD** · 24-07-2009 01:29 AM

حمدا لله على السلامه
وحصل خير
ويارب الناس تتعلم ان الكلام فى الموبايل ده بيكون سبب رأيسى فى الحوادث بجد
لازم تركن وتعمل المكالمه بتاعتك لو مهمه.أو ماتردش خالص ود أفضل

-

الموضوع: الحمدلله جات على قد كدا : بس الله يخرب بيت الزينون والكلام في الموبايل

LinkBack

أدوات الموضوع

عرض

الحمدلله جات على قد كدا : بس الله يخرب بيت الزينون والكلام في الموبايل - انشر الموضوع فى :

-

-

-

-

-

-

-

-

المواضيع المتشابهه

لماذا الموبايل يخرب ثلاث كروت ذاكرة samsung galaxy y pro duos burn the memory card

الله يخرب بيت كده

الله يخرب بيت كده

ال stp الله يخرب بيتة

الكلمات الدلالية لهذا الموضوع

المفضلات

المفضلات

ضوابط المشاركة