سؤال هام جداااا بالنسبه للزينون

**Hikayat** · 24-07-2009 02:56 AM

انا رحت اول امبارح ركبت زينون عالي وواطي المهم اني قبل ما اروح اركبه سالت كذا واحد الزينون مخالف ولا لاه ؟ في ناس قالولي اه وناس تانيه قالولي ازاي مخالف وهوه بينزل فابريقه في انواع عربيات وفعلا انا في واحد صاحبي معاه كرولا الجديده ونازل فيها الزينون وعادي جداا
فانا كنت عايز اعرف هوه انا لو اتمسكت في لجنه هاخد غرامه ع الزينون اللي انا مركبه ده ولا ايه ؟؟

وكنت عاوز اسال كمان انا كنت عاوز اشبر الفوانيس اللي قدام واديها لون اسود خفيف ... فده برده مخالف ولا لاه ؟؟؟

اخر سؤال ليا ... هوه المفروض والواحد داخل علي لجنه بالليل يبقي فاتح النور ولا قافله ؟؟
يعني فتح النور وانت داخل علي كمين مخالفه ؟
ولا غلق النور وانت داخل علي كمين هوه اللي مخالفه ؟؟
يعني دلوقتي
انا عندي 4 انواع نور

1- الفوجات ( الشبوره ) ... وده اوكي هبقي قافله اكيد

2- النور العالي ... وده زينون .... وبرده هبقي قافله اكيد

3- الواطي .... وده زينون برده

4- الفيراني ... وده هالوجين عادي

وانا داخل بقي علي لجنه ابقي قايد الواطي ( زينون ) ولا ابقي قايد الفيراني

يعني انهي فيهم اللي مخالفه ؟؟

ولو دخلت قايد الفيراني ... علشان الزينون مش يبان .. دي مخالفه ولا ايه ؟؟؟
وهوه اصلا الزينون مخالف ولا لاه ؟؟؟ ايه وجع الدماغ ده ؟؟

ممنوع الكتابة باللون الاحمر

مشرف القسم

**Eng. Rafy Samy** · 24-07-2009 03:23 AM

من فضلك حضرتك وكل اللي حيرد على اسألتك وبعيد عن موضوع ايه المخالف وايه لا...

اقراء تاني سطر في توقيعي ... ومن فضلك متأذينيش

**M.almaghraby** · 24-07-2009 03:32 AM

عندك حق يا استاذ رافي

**M.almaghraby** · 24-07-2009 03:33 AM

ايه الفيراني دا يا باشا

**souzoran** · 24-07-2009 12:07 PM

الصحيح وانت داخل على لجنه بليل بتطفى كل نور الكشافات ماعدا نور الصغير خالص اللى بيبقى مع نور التابلوه وتنور نور الصالون علشان ده بيبقى احتراما لظابط اللى بيبقى واقف وبيكون شايفك وكمان بيعرفوا اللى سايق من شكله وبالنسبه للزينون هو كويس بالنسبالك فى الطريق بس بالنسبه لغيرك مش كويس وانت اكيد بتضايق لما يجى واحد منور العالى من وراك

**Hikayat** · 27-07-2009 02:14 AM

المشاركة الأصلية كتبت بواسطة rafysamy

من فضلك حضرتك وكل اللي حيرد على اسألتك وبعيد عن موضوع ايه المخالف وايه لا...

اقراء تاني سطر في توقيعي ... ومن فضلك متأذينيش

ان شاء الله هركب عدسه قريب

المشاركة الأصلية كتبت بواسطة drguevara

ايه الفيراني دا يا باشا

ده نوع من انواع النور .. النور بيتقسم ل 3 انواع

العالي

العادي

الفيراني ... في ناس بيسموه النور بتاع التابلوه

وفي غير ال 3 دول .. نور كمان اللي هوه الفوجات وفي ناس بيسموه نور الشبوره

**Hikayat** · 27-07-2009 02:24 AM

المشاركة الأصلية كتبت بواسطة souzoran

الصحيح وانت داخل على لجنه بليل بتطفى كل نور الكشافات ماعدا نور الصغير خالص اللى بيبقى مع نور التابلوه وتنور نور الصالون علشان ده بيبقى احتراما لظابط اللى بيبقى واقف وبيكون شايفك وكمان بيعرفوا اللى سايق من شكله وبالنسبه للزينون هو كويس بالنسبالك فى الطريق بس بالنسبه لغيرك مش كويس وانت اكيد بتضايق لما يجى واحد منور العالى من وراك

يعني اقيد الفيراني بس وانا داخل علي لجنه ويبقي كله تمام ... يعني الكلام ده اكيد

الف شكر يا باشا ع الرد و ع الاهتمام