الصورة رقم 1
الصورة رقم 2
الصورة رقم 3
شداد العربية ده ماسك المقصين بتوع العجل الأمامي وايضا مربوط في الشاسيه الأمامي للعربيه من تحت الرادياتير كده كما في الصورة الأولى والثالثة
طيب علبة الدركسيون في الخلف تماما خلف ماتور العربية ومتوصله بالبارات للعجل بعيداً عن المقصات والشداد تماما
كما في الصورة الأولى والثانية
واضح جدا البار في الخلف وخلف الماتور والشداد موجود تحت الشاسيه من امام الماتور تحت الرادياتير
طيب مشاكل الشداد لو حصل فيه حاجه :
1- عمله كله انه ماسك العفشة الامامية بالشاسيه طيب لو حصل فيه حاجه يخلي العربيه العربيه مع المطبات او حركة العجل الرأسية يبان ان العربيه هتحدف منك وزي ما انت قلت كده ان العربيه هتعوم بالظبط كده
طيب
علبة الدركسيون لو فيها مشكلة ايه الي هيحصل
1- علبة الدركسيون ما هيا الا بارات بتتجه يمينا ويساراً فقط علشان تخلي العجل يلف يمين وشمال بس
طيب لو فيها مشكلة ايه اللي هيحصل
اول حاجه لو فيه حاجه سايبه من مكانها او فيها مشكلة لازم هتحس ان الدركسيون سايب في ايدك او ان العجل بيحدف لوحده والدركسيون ثابت في ايدك
اما ان العربيه تعوم بسبب الشداد ليس هناك لا من قريب او بعيد اي علاقة بالشداد بالعلبة
طيب ازاي الشداد يحصل فيه مشكلة :
1- الشداد عمره ما يحصل فيه مشكلة لوحده فهو عمود من الحديد المتين جدا المرن في الحركة فقط
الحالات اللي الشداد ميبقاش مظبوط انه يتخبط من الامام في حادثة مثلا
او ان النقطتين اللي ماسك بهم في الشاسيه يكون الشاسيه مخبوط والاماكن دي متحركه من اماكنها شويه
او ان المسامير اللي ربطاه بالشاسيه مفكوكه او مهوية
طيب غير كده عمره ما يحصل فيه حاجه غير انه يتخبط او ان مكانه مش مظبوط
طيب ده له علاقة بعلبة الدركسيون
لأ مفيش
وده رايي الشخصي لما أعلمه ورأيته بعيني
يبقى في النهاية مفيش اي علاقة بالعومان والشداد بعلبة الردكسيون
ومفيش اي مشكلة تحدث للشداد الا في حالتين فقط :
1- انه ياخد خبطه وخبطه جامده
2- ان مساميره تبقى مهوية
غير كده مفيش اي حاجه ممكن تأثر عليه
لأن هو يعتبر الأساس في العفشة وهو المتحكم في الاداء من تحت
اما انه يتأثر بشئ اخر فده غير ممكن
هو يأثر ايوه على الاداء والعفشه
اما انه يتأثر بشئ تاني فده غير ممكن
غير الحالتين اللي ذكرتهم
وانا في انتظار اي استفسارات
وشكرا لكل من افاد بدخوله في الموضوع
ولمن لم يفيد ايضا غير انه تكلم على غيره فقط ونصح بما لم يفعله هو
