تغيير علبة الدركسيون .... كلاكيت تانى مرة (سريون 1.5 2008)

السلام عليكم و رحمة الله و بركاته

معظم الاعضاء اللى متابعين قسم دايهاتسو عارفين انى كنت غيرت علبة الدركسيون للعربية بدل الفابريقة بتاعتها تقريبا فى اخر شهر مارس.

بعد تغيير العلبة الاصلية بفترة صغيرة (حوالى 7-10 ايام) الصوت بدأ يرجع تانى, لكن فى الحتة المكسرة جامد .... و ده كان تعليق اكثر من شخص غيروا العلبة بعدى, فقلت مش مشكلة اوى, الصوت بنسبة كبيرة كان اختفى و كنت على استعداد للتعايش مع ظهورة بنسبة اقل بكتير من قبل كده.

لكن على شهر 5 كده, الصوت بدأ يطلع بشكل اقوى بكتير لدرجة انه على بداية شهر 6, كنا بيطلع على الطرق المستوية كمان ... حاولت اروح مركز الصيانة لكن كنت مشغول جدا فى الامتحانات, و كنت فعلا حاجز انى اروح مع مهندس توفيق طه يوم 22/6 لكن منفعش خالص.

المهم الاتفاق مع مهندس احمد عبدالوهاب انى اكلم الانسة مى عبدالحميد علشان ترتب تواجد المهندس مصطفى الشريف مسئول الضمان فى دايهاتسو علشان يشوف العربية و يحدد العيب فين علشان يتصلح.

اخدت ميعاد فى او ل شهر 7 بعد اما خلصت, و رحت للمهندس مصطفى و جربها و فعلا اتخض من قوة الصوت اللى عندى, و قالى انه معداش عليه عربيات الصوت فيها قوى للدرجة دى و اتفقنا بما انى مش عاوز العربية تبات, هجيبها يوم من اوله خالص, و نفضل قاعدين لحد اما نخلص.

فعلا اخدت ميعاد يوم الثلاثاء 21/7 الساعة 9 صباحا, و قلت للمهندس على كام حاجة كمان موجودين علشان نشوفهم:

1- جوان غطاء التاكيهات, لأن كان فى تعريق زيت جامد على الموتور
2- دواسة البنزين تقيلة, و ده لاحظه مهندس مصطفى
3- التكييف, ادائه مش مرضى ليا, ده بالاضافة الى ان صوته عالى

رحت فى ميعادى, و العربية دخلت و اتضح ان العلبة اللى كانت راكبة باظت ... فتم تغيرها بعلبة جديدة فى الضمان طبعا

بالاضافة الى كده تم تغيير عدد(1) شداد الميزان و المفروض كان يتغير (2) لكن التانى هركبه الاسبوع ده ان شاء الله مع صيانة ال 35 الف كم.

بعد تركيب العلبة الجديدة, الربية طلعت على جهاز الزوايا, و للأسف متظبتطش, لسه فى حدفة شمال ... بالاضافة لكده برضه بتلف فى ناحية اكتر من التانية لكن بشكل اكبر من المرة اللى فاتت.

المشكلة ان الجهاز بتاع الزوايا "هنج" و كان فى كذا عربية مستنية لكن مكنش عاوز يشتغل خالص... فأتفقنا هنعملها مع الصيانة ان شاء الله

تانى حاجة اتعملت كان تغيير جوان غطاء التاكيهات فى الضمان... و المهندس مصطفى شريف قالى ان فى batch عربيات معينة معروف ان الجوان ده خامته مش كويسة اوى ... و ان ملوش تأثير على اى حاجة تقريبا غير تعريق الزيت.

العربية خلصت تقريبا على الساعة 7, كنت انا و مهندس ماجد و الفنى بس اللى مستنين فى المركز... فملحقناش الحاجات التانية

المركز كان زحمة جدا جدا جدا ... فعلشان كده العربية اخدت الوقت ده كله

اخر كلام بيتقال ان الافتتاح الرسمى لأبورواش هيبقى 17 اغسطس فى حضور الشيخ محمد جميل

العربية مش هقول انطباعى غير بعد اسبوع على الاقل من التغيير علشان ابقى خدت وقتها زى اللى قبلها.

كلمة اخيرة .... مهندس مصطفى الشريف بجد شخصية اكثر من محترمة, و فعلا انا اتشرفت فعلا انى اتعرفت عليه.

تانى يادكتور معــــــــــــــاذ ..

أولا تحياتى .

ثانيا أكيد عربيتك محسودة .. علبتين دريكسيون فى 4 شهور فقط ؟دة كتير والله.

عموما ربنا يطمنك وأكيد خير ..

تحيــــــــــــــاتى

معاذ باشا ... حمدالله على السلامة
مش عارف اقولك ايه على موضوع علبة الدريكسيون ... الموضوع بقه اوفر
ان شاء الله المشكلة تنتهى المرة دى

بجد الله يكون فى عونك!!!!!! علبتين دركسيون وتعريق زيت جامد وتكييف صوته عالى واداؤه وحش وحدفة شمال ولوط عربيات فيه مشكلة ومدكنين فى التوكيل لما الناس تشتكى؟ الواحد بيشترى اوروبى ولا يابانى علشان الجودة والامان وراحة البال انما كدة كتير اوى. يبدو ان فى فرق كبير بين الدايهاتسو وباقى اليابانى. ربنا ييسرلك حل مشاكلك اللى بالجملة دى !

الحمد لله على حل المشاكل يا معاذ
و ان شاء الله تكون العلبة التالتة اخر علبة دريكسيون
و تكون دى أخر مشاكل السيريون

مش مغيرها !!
































مش مغيرهاااااااااااا !!!! حمد الله علي سلامة العربية يا معاذ
تعريق الزيت ده أعرفه إزاي ؟

بالمناسبة يا جماعة موضوع أبو رواش ده بقي أوفر أوي ده تأجيل إفتتاحه قارب أو تخطي السنة تقريباَ !! انا أخر مرة رحت قالولي أخر 6 .. 6 خلص و 7 خلص و بقي خير اللهم إجعله خير نص 8 ... و حاسس إنه هيتأجل تاني برضه .

و شداد الميزان ده إيه و أعراضه إيه ؟

اقتباس:

---

المشاركة الأصلية كتبت بواسطة mahmoud saloum

بجد الله يكون فى عونك!!!!!! علبتين دركسيون وتعريق زيت جامد وتكييف صوته عالى واداؤه وحش وحدفة شمال ولوط عربيات فيه مشكلة ومدكنين فى التوكيل لما الناس تشتكى؟ الواحد بيشترى اوروبى ولا يابانى علشان الجودة والامان وراحة البال انما كدة كتير اوى. يبدو ان فى فرق كبير بين الدايهاتسو وباقى اليابانى. ربنا ييسرلك حل مشاكلك اللى بالجملة دى !

---

بصراحه فعلا موضوع علبه الدريكسيون دي زياده شويه. بس من ناحيه تانيه حضرتك بردو مكبر الموضوع.. 3/4 العربيات بتخرج من التوكيل فيها حدفه. موضوع جوان غطا التاكيهت اللي فيه عيب و بيتغير حاجه عاديه جدا زيها زي ديسكات الامبريزا اللي كانت بتتغير في الضمان.. و موبينه الميجان اللي كانت بتضرب و تتغير لو العربيه في الضمان.. و كل الحاجات دي مكانتش بتتغير الا لو صاحب العربيه اشتكى و ده مش معناه ان التوكيل حرامي و لا ان العربيات وحشه.

الف سلامة يادكتور ويارب تكون اتوفقت في الامتحانات
بس بصراحة ياجماعة العربية مختلفة تماما عن التويوتا سواء في الخامات او الاداء او اللون الي بيتشال من مجرد حكة والمشكلة الكبيرة التكييييييييييييييييييف الي مش راضي عن ادائه لغاية دلوقت ومش عارف ايه الحل

انا مش عارف اقول ايه ؟

اولا انا ركبت دايهاتسو شاريد فى السعوديه سنه 1995 وكانت عربيه تحفه بجد

بالنسبه للى حصل مع صاحب الموضوع وكثير من مالكى ديهاتسوا

اما ان عبد االطيف جمبل جايب عربيات فرز عاشر لمصر

او ان شركه ديهاتسوا بقى انتاجها سىء ومليان عيوب

وانا ارجح الاحتمال الاول

ربنا يصبر مالكى السيارات فى مصر على ما ابتلاهم به من جشع الوكلاء وعدم التزامهم بالجوده والامانه

وحسبنا الله ونعم الوكيل

يارب يا دكتور معاذ تكون اخر علبة دركسيون والموضوع يتحل علي خير

لان موضوع علبة الدركسيون بقي يقلق ناس كتير

انا بصراحه شايف ان الموضوع يزعل ومعلشي مش عادي خالص اني ادفع في عربيه فوق ال 80 الف جنيه عشان اتعب اعصابي
يعني انا معايا شاريد 92 ولسه مغيرتش علبة الدركسيون دي ولا اعرف شكلها اصلا
يعني 17 سنه وداخلين على ال 18 اللهم لاحسد
اكيد السريون بتاعة استاذ معاذ 2008
يعني حوالي 16 - 17 شهر وغيرها مرتين

والله انا قريت الموضوع من اول يوم كتبه الاستاذ معاذ فضلت اني مكتبش تعليق لأن اللي حصل ده يحرق الدم

للأسف يا د.معاذ......واضح إن شوارع مصر كانت مجرد شماعة تُعلق عليها العيب في صناعة علبة الدركسيون....ومهما كانت الشوارع زفت.... عشان علبة دركسيون جديدة ( ومتعدلة كمان ) تتغير بعد ثلاث شهور ده مالوش غير معنى واحد.....عيب في التصنيع وليس شوارعنا

أنا العيب ظاهر عندي جامد لدرجة إني بقيت أعلي صوت القراّن عشان مسمعش التخبيط وفي نفس الوقت خايف أغير العلبة لكثرة المشاكل بعد التغير

كان الله في عوننا جميعاً

كان الله في عونك يا معاذ ويا رب تكون اخر علبة دركسيون،

على فكرة موضوع الحدفة الشمال ده كان موجود برضه في عربية اختي.

المصادفة الكبرى اني برضه كنت غير راضي عن التكييف في السيريون وكنت بقارنه بعربيتي الميجان وبعربية اخويا الصني كانت فعلا كفاءته انا غير راضي عنها تماما خصوصا مع الشمس والخبر الجميل ان لما بلغتهم الموضوع ده مع الصيانة الاخيرة قالو التكييف كفاءته كده عادي ومفهوش اي مشكلة.

طب و الحل يا جماعة ؟

انا مش عارف أغير العلبة و أخش في موال ملوش نهاية و أبقي كل شوية في التوكيل
ولا أسيبها كدة و خلاص ولا أعمل إيه ؟!

انا بقي التكييف عندي كويس جداَ قارنة بالكليو و بيسقع في وقت حلو .
بس الكمبروسر باز .. هو شغال بس بيطلع صوت غريب و هيتغير في الضمان .

حاسس إنه هيبوظ و يبقي مش كويس مش عارف ليه !

ملحوظة : هما عملوا request بإسمي بالكمبروسر لأنه مكنش موجود في الصيانة اللي فاتت
اللي كانت من شهر و شوية .. و لحد دلوقت مجاش ! انا بحمد ربنا إنه شغال و المشكلة في الصوت بس

لأن لو ماشي في الفترة دي من غير تكييف .. مكنتش عارف هعمل إيه بصراحة !

اقتباس:

---

المشاركة الأصلية كتبت بواسطة motorizer

طب و الحل يا جماعة ؟

[gdwl]
انا مش عارف أغير العلبة و أخش في موال ملوش نهاية و أبقي كل شوية في التوكيل
ولا أسيبها كدة و خلاص ولا أعمل إيه ؟!
[/gdwl]

انا بقي التكييف عندي كويس جداَ قارنة بالكليو و بيسقع في وقت حلو .
بس الكمبروسر باز .. هو شغال بس بيطلع صوت غريب و هيتغير في الضمان .

حاسس إنه هيبوظ و يبقي مش كويس مش عارف ليه !

ملحوظة : هما عملوا request بإسمي بالكمبروسر لأنه مكنش موجود في الصيانة اللي فاتت
اللي كانت من شهر و شوية .. و لحد دلوقت مجاش ! انا بحمد ربنا إنه شغال و المشكلة في الصوت بس

لأن لو ماشي في الفترة دي من غير تكييف .. مكنتش عارف هعمل إيه بصراحة !

---

طبعا لازم تغيرها ادخل موال مع التوكيل وانت في فترة الضمان احسن ماتستنى لحد ما يخلص الضمان وانت اللي ها تتحمل برضوا وهايكون الموال اللي انت خايف منه خارج الضمان

لو حد فيكم جايب العربيه تقسيط منهم مباشرة واتأخر في دفع القسط بسبب ظروف
هايتعاملوا معاكوا ازاي طبعا بالقانون وده حقهم
المتضرر من صناعتهم حقه ايه وفين وازاي يجيبه
والله المفروض كانت ديهاتسو مصرتعمل حملة تغيير علب دركسيون على كل السريون اللي طلع من عندها عشان يزودوا ثقة الناس فيهم بس هااقول ايه احنا مش في اوروبا

كان الله فى العون وربنا يجعلها اخر علبة

معاذ باشا ربنا يكون فعونك و انشاء الله مشكلتك تتحل في الزيارة الجاية
بخصوص موضوع التكيف , انا كمان كنت مش راضي عنه لدرجة كانت هتخليني اكره العربية.
الخلاصة اللي اكتشفته ان الموضوع بسيط في سربنتينة التكييف.
روح البنزينة و انزل علي السربنتينة بخرطوم الهواء من الامام و الخلف نضفها كويس جدا و طوّل في نفخها بالهواء و بعدين عليها بخرطوم الماء القوي بتاع البنزينة نزل كل التراب العالق فيها.
انا فعلا مصدقتش النتيجة و التكييف بقى ثلاجة.
الموضوع ده موجود في كل العربيات لكن السيريون السربنتينة بتاعة التكيف مش عارف ليه بتلم تراب بسرعة أوي.
جرب كده و بعدين قولي النتيجة ايه

اقتباس:

---

المشاركة الأصلية كتبت بواسطة zozza

معاذ باشا ربنا يكون فعونك و انشاء الله مشكلتك تتحل في الزيارة الجاية
بخصوص موضوع التكيف , انا كمان كنت مش راضي عنه لدرجة كانت هتخليني اكره العربية.
الخلاصة اللي اكتشفته ان الموضوع بسيط في سربنتينة التكييف.
روح البنزينة و انزل علي السربنتينة بخرطوم الهواء من الامام و الخلف نضفها كويس جدا و طوّل في نفخها بالهواء و بعدين عليها بخرطوم الماء القوي بتاع البنزينة نزل كل التراب العالق فيها.
انا فعلا مصدقتش النتيجة و التكييف بقى ثلاجة.
الموضوع ده موجود في كل العربيات لكن السيريون السربنتينة بتاعة التكيف مش عارف ليه بتلم تراب بسرعة أوي.
جرب كده و بعدين قولي النتيجة ايه

---

بتلم تراب لن دي حال بلدنا
لو خرم ابره هتلاقي فيه تراب
فلازم اقل حاجه ان السربنتينه في وش العربيه والعربيه بتمشي بسرعه على الطريق فاكيد لازم تلم تراب
وفي حل كمان ان التكييف لما بتشغله والعربيه بتبقى سخنه او كانت واقفه في الشمس لما بيشتغل بيبقى باين انه ضعيف لأن الجو سخن داخل الكابينة بتاعت العربيه

ولما بتوقف العربيه في اي حته ظله وتيجي تشغله تلاقيه تلاجه بجد.

اقتباس:

---

المشاركة الأصلية كتبت بواسطة zozza

معاذ باشا ربنا يكون فعونك و انشاء الله مشكلتك تتحل في الزيارة الجاية
بخصوص موضوع التكيف , انا كمان كنت مش راضي عنه لدرجة كانت هتخليني اكره العربية.
الخلاصة اللي اكتشفته ان الموضوع بسيط في سربنتينة التكييف.
روح البنزينة و انزل علي السربنتينة بخرطوم الهواء من الامام و الخلف نضفها كويس جدا و طوّل في نفخها بالهواء و بعدين عليها بخرطوم الماء القوي بتاع البنزينة نزل كل التراب العالق فيها.
انا فعلا مصدقتش النتيجة و التكييف بقى ثلاجة.
الموضوع ده موجود في كل العربيات لكن السيريون السربنتينة بتاعة التكيف مش عارف ليه بتلم تراب بسرعة أوي.
جرب كده و بعدين قولي النتيجة ايه

---

احترس تمام الاحتراس انك تنفخ ريش السربنتينة بهواء البنزينة مباشرة
لان الهواء من العنف انه هايطبق كل ريش السربنتينة اللي مصنعة مش شرائح المونيوم
مش مصدق جرب تحت ايدك قدام الهواء
وكمان مية البنزينة عنيفة جدا على ريش السربنتينة لازم تخليه يقفل الضغط او يتني الخرطوم عشان مايطبقش السربنتينة
عايز تعرف الهواؤ والمية بيعملو ايه
حط ايدك قدامهم
بس لو اتعورت ما تدعيش عليا

اقتباس:

---

المشاركة الأصلية كتبت بواسطة أبو عبدالله

وفي حل كمان ان التكييف لما بتشغله والعربيه بتبقى سخنه او كانت واقفه في الشمس لما بيشتغل بيبقى باين انه ضعيف لأن الجو سخن داخل الكابينة بتاعت العربيه

ولما بتوقف العربيه في اي حته ظله وتيجي تشغله تلاقيه تلاجه بجد.

---

طب الحل ايه لو مفيش ضل ؟
طبعا التكييف القوي مايفرقش معاه العربية واقفة في الشمس ولا واقفة في الضل
لان مهمة التكييف هو تبريد العربية لدرجة معقوله
عربية واقفة في الشمس هايخد وقت اطول شويه
ومع فتح الزجاج واخراج الهواء الساخن المحبوس لمعادلتة بالهواء الخارجي
المفروض العربية مع بدء التحرك ما تاخد اكتر من 5 دقايق وتكون باردة
و10 دقايق وتكون ساقعة تماما
دي مواتير وتكييفات 1300 ياباني برضه ولا شركة شانا ليها دخل في الموضوع:H_angry[1]:

انا عندى اتنين صحابى قلتلهم على السيريون و التقسيط المباشر اللى بتعمله
انا بس مهتم اعرف اكتر من مالكى السيريون المحايدين حول مدى كفاءه موضوع التكييف ده و حكايه علبه الدريكسيون اللى فيه كذا عضو اتكلم فيها
الواحد يخاف يقول للناس تشترى حاجه و بعدين يدعوا عليه

اقتباس:

---

المشاركة الأصلية كتبت بواسطة human12

انا عندى اتنين صحابى قلتلهم على السيريون و التقسيط المباشر اللى بتعمله
انا بس مهتم اعرف اكتر من مالكى السيريون المحايدين حول مدى كفاءه موضوع التكييف ده و حكايه علبه الدريكسيون اللى فيه كذا عضو اتكلم فيها
الواحد يخاف يقول للناس تشترى حاجه و بعدين يدعوا عليه

---

مظنش إن انا أوصف إني محايد بس هاجتهد إني أبقى محايد يا طارق :)
بس شخصياً مقدرش أتجاهل إن التوكيل مش قادر يوصل لحل في مشكلة علبة الدركسيون.
دي مصيبة كبيرة مخليا واحد زي حالاتي عنده المشكلة وخايف أروح أبدلها
لأن كتير من الناس اللي راحت غيرتها طلع عندها بلاوي تانية غيرها.

لو كان التوكيل قدر يشخص المشكلة ويحلها كنت قلت لك انصحهم يشتروها
إنما مادام لسة الأمر عند التوكيل قابل لضرب الودع وبختك يابو بخيت يبقى نصيحتي هاتكون إنك تنصحهم يشوفوا عربية غير السيريون إلا إذا كانت معلومة ان العيب اختفى في موديلات 2009 معلومة صحيحة ودي ميأكدهاش غير ملاك 2009.

على فكرة الصوت مش لكل الناس صوت مزعج، بس انا مثلاً كان الصوت بادئ عندي مش مزعج ويمكن كمان مش مسموع ودلوقتي مضايقني جداً. ولما أجي أفكر كدة لو مكنتش جبت السيريون كنت ممكن أجيب إيه مش باقدر أرد على نفسي.

فعلاً يا طارق إستكمالاً لكلام أخونا العزيز أبو حمزة......بلاش في الوقت الحالي ترشح السيريون لأصدقائك عشان موضوع علبة الدركسيون الي فعلاً بقى مزعج جداً :H_angry[1]:

انا من كلام الناس اللى هنا اللى كانوا بيتكلموا على السيريون خلانى انصح كذا حد بيها من كتر الشكر فيها
بجد حاجه تزعل
و شكرا للاعضاء الكرام

اقتباس:

---

المشاركة الأصلية كتبت بواسطة human12

انا من كلام الناس اللى هنا اللى كانوا بيتكلموا على السيريون خلانى انصح كذا حد بيها من كتر الشكر فيها
بجد حاجه تزعل
و شكرا للاعضاء الكرام

---

يا طارق مفيش داعي للزعل :)
من غير ما نهون من أمر المشكلة اللي بنواجهها السيريون مش بالسوء ده
باستثناء الصوت العربية ممتازة من كافة الأوجه
التوكيل بس ناقصه انه يوصل لحل مُرضي للعملاء فيما يخص علبة الدركسيون، هما بس دورة اتخاذ القرار عندهم طويلة وبطيئة شويتين
وبعدين إحنا كنا فين وبقينا فين، إحنا قعدنا أكتر من 6 شهور لغاية ما اعترفوا ان فيه مشكلة أصلاً :(
زي ما قلت لك الأمر لا يشكل مشكلة لكل الملاك، فيه تفاوت في الاحساس بيها
وانا مثلاً ليا زميل معاه الـ 2007 لغاية دلوقتي مش حاسس بأي مشكلة ماشاء الله لا قوة الا بالله ربنا يبارك له فيها :)
انت بس انقل الصورة كما هي، ولوأي حد من طرفك حابب يجرب العربية إحنا جميعاً تحت أمره.
وانا أول واحد عندي استعداد حتى لوهاجيلكم للجانب الآخر من القاهرة في مدينة نصر وما بعدها اللي بالنسبة لي بلاد ما وراء النهرين :)

اقتباس:

---

المشاركة الأصلية كتبت بواسطة karim_monir

طب الحل ايه لو مفيش ضل ؟
طبعا التكييف القوي مايفرقش معاه العربية واقفة في الشمس ولا واقفة في الضل
لان مهمة التكييف هو تبريد العربية لدرجة معقوله
عربية واقفة في الشمس هايخد وقت اطول شويه
ومع فتح الزجاج واخراج الهواء الساخن المحبوس لمعادلتة بالهواء الخارجي
المفروض العربية مع بدء التحرك ما تاخد اكتر من 5 دقايق وتكون باردة
و10 دقايق وتكون ساقعة تماما
دي مواتير وتكييفات 1300 ياباني برضه ولا شركة شانا ليها دخل في الموضوع:h_angry[1]:

---

ماشي يا كريم بس التكييفات اللي انت بتتكلم عليها دي من 1600 سي سي وانت طالع
اما 1300 سي سي بيبقى موضوع الهواء السخن ده مأثر عليها برضه
يعني مثلا لما بطلع بالعربيه من مكان ظله بسقع من التكييف بجد
واحنا قولنا اكتر من مره موضوع فتح الزجاج الخلفي وتشغيل المراوح لتخروج الهواء الساخن من داخل العربيه علشان تحس بالتبريد بسرعه

بصراحه موضوع التكييف ده بيفرق من شخص لأخر ومن حاله لحاله
يعني في عوامل كتير بتبقى مؤثرة
بس ككل
انا شايف ان تكييف السيريون مرضي لها ولكن مش زي الكورولا مثلا ولا زي الأوروبي
وخلي بالك انا عربيتي لونها اسود كمان

اما بخصوص الكلام على العلبة بتاعت الدركسيون
فانا مش هفتي لأن الواحد بصراحه تعب من كتر الكلام ولما بيتكلم في ناس بتزعل من الكلام

انا شايف ان الموضوع واخد حجم كبير شويه
والدليل اني غيرت العلبة والحاج توفيق غيرها ايضا ولم الاحظ اي شئ على العربيه والصوت اختفي ولا يوجد مشكلة الآن
والحاج توفيق لم يذكر شئ لحد الآن عن التغيير

انا أظن الحاجات اللي عند معاذ دي في جزء خاص بالحادثة بتاعته
يعني نحط كل الأحتمالات
انا غيرت العلبة ومن اول مره ولا العربيه حدفت ولا في صوت ولا في ثقل ولا اي شئ لحد لاىن والحمد لله
فمش كل حاجه ممكن نكون عندنا دراية بكل جوانبها

انا رايي ان اللي عنده صوت فعلا الآن يروح يغير العلبة وان شاء الله هيتبسط من الجديده
ان شاء الله

اقتباس:

---

المشاركة الأصلية كتبت بواسطة أبو عبدالله

ماشي يا كريم بس التكييفات اللي انت بتتكلم عليها دي من 1600 سي سي وانت طالع
اما 1300 سي سي بيبقى موضوع الهواء السخن ده مأثر عليها برضه
يعني مثلا لما بطلع بالعربيه من مكان ظله بسقع من التكييف بجد
واحنا قولنا اكتر من مره موضوع فتح الزجاج الخلفي وتشغيل المراوح لتخروج الهواء الساخن من داخل العربيه علشان تحس بالتبريد بسرعه

بصراحه موضوع التكييف ده بيفرق من شخص لأخر ومن حاله لحاله
يعني في عوامل كتير بتبقى مؤثرة
بس ككل
انا شايف ان تكييف السيريون مرضي لها ولكن مش زي الكورولا مثلا ولا زي الأوروبي
وخلي بالك انا عربيتي لونها اسود كمان

اما بخصوص الكلام على العلبة بتاعت الدركسيون
فانا مش هفتي لأن الواحد بصراحه تعب من كتر الكلام ولما بيتكلم في ناس بتزعل من الكلام

انا شايف ان الموضوع واخد حجم كبير شويه
والدليل اني غيرت العلبة والحاج توفيق غيرها ايضا ولم الاحظ اي شئ على العربيه والصوت اختفي ولا يوجد مشكلة الآن
والحاج توفيق لم يذكر شئ لحد الآن عن التغيير

انا أظن الحاجات اللي عند معاذ دي في جزء خاص بالحادثة بتاعته
يعني نحط كل الأحتمالات
انا غيرت العلبة ومن اول مره ولا العربيه حدفت ولا في صوت ولا في ثقل ولا اي شئ لحد لاىن والحمد لله
فمش كل حاجه ممكن نكون عندنا دراية بكل جوانبها

انا رايي ان اللي عنده صوت فعلا الآن يروح يغير العلبة وان شاء الله هيتبسط من الجديده
ان شاء الله

---

أ بو عبد الله أخيرا سمعت صوتك يااااااااااااة هو الحر بيعمل كدة مع الاحباب ؟؟

أنا والحمد لله بعد أن غيرت علبة الدريكسيون ومع المتابعة الدقيقة والتجربة اليومية لم ألاحظ سؤ ..

بل عادت لأصلها لا صوت ولا حدفة يمين أو شمال الحمد لله على كل شئ.لكن ما لاحظتة بمتابعتى

لشكوى الأغلبية هنا بعد تغيير العلبة أن من يشتكى تكون عربيتة موديل 2008 وهذا شئ غريب وملحوظ

صححونى لو أنا على خطأ ..

تحيـــــــاتى ..

اقتباس:

---

المشاركة الأصلية كتبت بواسطة توفيق طة

أ بو عبد الله أخيرا سمعت صوتك يااااااااااااة هو الحر بيعمل كدة مع الاحباب ؟؟

أنا والحمد لله بعد أن غيرت علبة الدريكسيون ومع المتابعة الدقيقة والتجربة اليومية لم ألاحظ سؤ ..

بل عادت لأصلها لا صوت ولا حدفة يمين أو شمال الحمد لله على كل شئ.لكن ما لاحظتة بمتابعتى

لشكوى الأغلبية هنا بعد تغيير العلبة أن من يشتكى تكون عربيتة موديل 2008 وهذا شئ غريب وملحوظ

صححونى لو أنا على خطأ ..

تحيـــــــاتى ..

---

ده بيعمل اكتر من كده
لا والله يا استاذ توفيق مش الحر
ولكن فعلا انا مضغوط الأيام دي وربنا ييسرها عليا وعلى جميع المسلمين ان شاء الله

بس انا بشك ان موضوع معاذ بيني وبينك له علاقة بخبطة العربيه من قبل او التركيب بتاع العلبة
اما موضوع العلبة نفسها فاظن ان مفيش مشكلة ان شاء الله فيها

اما موضوع فرق الموديلين فمش عارف بصراحه
بس انت ايه رايك في التعديل اصل في ناس يظهر مش مصدقه
وبرضه بالمره تقولنا رايك ايه في التكييف بما ان عربيتك سوداء ايضا ؟؟؟؟

ربنا يكون فى عونك يا استاذ معاذ، واضح ان الموضوع عيب صناعة و حكاية ان المشكلة فى شوارع مصر كانت حجة خايبة من التوكيل(قال يعنى مفيش عربيات غير السيريون اللى بتمشى فى الشارع)، انا لقيت ناس بتتكلم على النت على اصوات التخبيط، يعنى المشكلة مش فى مصر بس،

The rattles and creaks in our Sirion test car were surprising considering that it was a near-new car.

The creaking/knocking steering/suspension on rough roads or when 3-point turning etc. At any price this is bad.

و المصادر:

Daihatsu Sirion vs Suzuki Swift (2005-) Car Reviews, News & Advice - CarPoint Australia

2008 Daihatsu Sirion SE Comments (r111976), Page 2

انا كنت متخيل فى الاول ان المشكلة ظهرت فى عربية و لا اتنين لكن واضح ان المشكلة عامة و كل الاعضاء، حتى المشككين فى المشكلة، راحوا و غيروا العلبة.

يا رب التوكيل يصلح المشكلة عشان حاجة صعبة اوى الواحد يشترى عربية زيرو و يفضل بايت بيها فى التوكيل

أنا اسف يا جماعة على المقاطعة لكن عندى سؤال بسيط: هو موضوع علبة الدريكسيون و التخبيط ده بيظهر فى التريوس؟؟

اقتباس:

---

المشاركة الأصلية كتبت بواسطة zordon

أنا اسف يا جماعة على المقاطعة لكن عندى سؤال بسيط: هو موضوع علبة الدريكسيون و التخبيط ده بيظهر فى التريوس؟؟

---

لا يا دكتور رامز الكلام على سيريون

انت شوفت حاجه من التريوس؟

اقتباس:

---

المشاركة الأصلية كتبت بواسطة أبو عبدالله

ده بيعمل اكتر من كده
لا والله يا استاذ توفيق مش الحر
ولكن فعلا انا مضغوط الأيام دي وربنا ييسرها عليا وعلى جميع المسلمين ان شاء الله

بس انا بشك ان موضوع معاذ بيني وبينك له علاقة بخبطة العربيه من قبل او التركيب بتاع العلبة
اما موضوع العلبة نفسها فاظن ان مفيش مشكلة ان شاء الله فيها

اما موضوع فرق الموديلين فمش عارف بصراحه
بس انت ايه رايك في التعديل اصل في ناس يظهر مش مصدقه
وبرضه بالمره تقولنا رايك ايه في التكييف بما ان عربيتك سوداء ايضا ؟؟؟؟

---

أعز الناس . أبو عبدالله ..

نصيحة لوجة الله تعالى لمن لم يقم بتغيير علبة الدريكسيون أن يسارع بتغيرها لأنها على الوضع الحالى

سوف تتفكك وهذا رأى مدير مركز الرزق بالأسكندرية الذى عمل تعديل عربيتى..

والحمد لله العربية بعد التعديل عشرة على عشرة أختفى الصوت والقلق تماما بس نصيحة أثناء عمل التعديل

لابد من المتابعة الدقيقة على العامل ومراقبتة جيدا ( جل من لا يسهو ) . أما بخصوص التكييف أنا عن نفسى

وبالرغم من أن عربيتى سوداء اللون التكيف مرضى جدا لى لأنى أفتح الزجاج الخلفى مدة5 دقائق وبعد ذلك

التكيف ثلاجة خاصة بعد اجراء تغير الرشاشات وطلمبة وفلتر البنزين والتانك أصبح استهلاك البنزين قليل جدا

والتكيف لاحظت أنة أصبح أعلى والحمد لله وربنا يسهل الأمور للجميع..:ask:

تحيــــــــــــــــــــات ى

اقتباس:

---

المشاركة الأصلية كتبت بواسطة qmax

لا يا دكتور رامز الكلام على سيريون

انت شوفت حاجه من التريوس؟

---

لا لسه مشوفتش حاجة من الكلام ده
أنا بطمئن بس عشان لو حصل معايا أصوات زي إلي بتتكلموا عنها أعرف انها من علبة الدركسيون
بس فعلاً حاجة صعبة أوي إن الواحد يغير علبتين دركسيون في أقل من ٤ شهور في عربية أقل ما يقال عنها انها ياباني زيرو
الموضوع ده لازم ميعديش بسهولة كدة

اقتباس:

---

المشاركة الأصلية كتبت بواسطة zordon

لا لسه مشوفتش حاجة من الكلام ده
أنا بطمئن بس عشان لو حصل معايا أصوات زي إلي بتتكلموا عنها أعرف انها من علبة الدركسيون
بس فعلاً حاجة صعبة أوي إن الواحد يغير علبتين دركسيون في أقل من ٤ شهور في عربية أقل ما يقال عنها انها ياباني زيرو
الموضوع ده لازم ميعديش بسهولة كدة

---

الله يباركلك فيها ويكفيك شرها

الموضوع ده بس في سيريون 2008 وهي عربيه جميله جدا

طيب العلبه اللى بيغيرها التوكيل غير العلبه اللى راكبه فى العربيه ولا ايه؟
طيب و الموديلات الجديده نازله بنفس العلبه؟
الوكيل بيدى ضمان جديد على العلبه الجديده اد ايه؟
وكمان موضوع مريب ان ديه تبقى مشكله عامه و التوكيل مايوجهش نداء اللى كل ملاك السيريون لتغيير علبه الدريكسيون بالجديده
يعنى ممكن يكون حد مش واخد باله او استعماله خفيف و العربيه تتأثر بعد ما الضمان يخلص
انا حاسس ان الحكايه مش واضحه بالنسبالى - التكييف مش مطلوب من عربيه السي سي بتاعها قليل و صغيره ان التكييف يكون تلاجه فى عز الحر و العربيه واقفه فلو العربيه ماشيه معقول و التكييف مرضى فى الحر يبقى كويس بس حكايه قلق الاعضاء من علبه الدريكسيون و تغييرها مرتين دون تحسن فده شئ مريب
و كمان حكايه الواحد يقف على ايد الصنايعى فى التوكيل و هو بيركب ده شئ غريب جدا يعنى الواحد يقف يقوله ايه؟ اربطها كويس لأ ماتعملش كده امال ده توكيل ايه بالظبط؟؟؟

على العموم احنا عندنا ناس فى الجامعه معاهم العربيه هبقى اسألهم برضه احبارهم ايه
و شكرا لكم جميعا

اقتباس:

---

المشاركة الأصلية كتبت بواسطة ahmed hassan

بصراحه فعلا موضوع علبه الدريكسيون دي زياده شويه. بس من ناحيه تانيه حضرتك بردو مكبر الموضوع.. 3/4 العربيات بتخرج من التوكيل فيها حدفه. موضوع جوان غطا التاكيهت اللي فيه عيب و بيتغير حاجه عاديه جدا زيها زي ديسكات الامبريزا اللي كانت بتتغير في الضمان.. و موبينه الميجان اللي كانت بتضرب و تتغير لو العربيه في الضمان.. و كل الحاجات دي مكانتش بتتغير الا لو صاحب العربيه اشتكى و ده مش معناه ان التوكيل حرامي و لا ان العربيات وحشه.

---

يا استاذ احمد انا مش معاك نهائى فى انى مكبر الموضوع اولا ان فى علبة دركسيون فى عربية زيرو ويحصل فيها مشكلة ممكن ولكن ان ده يكون لوط مضروب دى مشكلة تانية وكمان تتغير العلبة بعلبة تانية وتحصل فيها نفس المشكلة وتبوظ تانى دى مشكلة تالتة وبعدين فى تعريق وتفسيرك انه غطاء تاكيهات ادى المشكلة الرابعة ونرجع نلاقى حدفة فى العربية ادى المشكلة الخامسة ثم صوت عالى للتكييف ادى مشكلة سادسة وكمان التكييف لا يبرد بصورة مرضية ادى مشكلة سابعة وبعدين حضرتك تقول انى مكبر الموضوع !!!!!!!!!!!!!!!!

كمان هوا ايه حكاية ان ثلاثة ارباع السيارات بتخرج من التوكيل بتحدف ده فى عرف مين؟؟ احنا بنتكلم على عربية يابانى مش عربية كورى تقفيل مصرى او عربية صينى!

اه كان ممكن اكون مكبر الموضوع لو كانت المشاكل دى متقسمة على 3 او اربع عربيات انما كل ده فى عربية واحدة؟؟؟؟؟ وايه اللى انا كبرته ده انا كاتب اللى صاحب العربية كاتبه لا زودت كلمة ولا نقصت كلمة؟ اه يكون فى كويل فى الميجان او ديسك فى امبريزا او فتيس فى تويوتا ماشى مشكلة او مشكلتين مش سبع مشاكل. كمان فى فرق ان ديسك بايظ او كويل احتمال يضرب وبين لوط نازل في مشكلة فى علبة الدركسيون بايظة كمان الكويل لما يضرب العربية يا هتلت يا هاتقف انما علبة دركسيون فيها مشكلة معناه ان حياة اللى راكبين العربية فى خطر فكان من الامانة ان التوكيل يسحب العربيات دى ويغير علب الدركسيون على حساب الشركة الام. ارجو انى اكون وضحت وجهة نظرى

اقتباس:

---

المشاركة الأصلية كتبت بواسطة mahmoud saloum

يا استاذ احمد انا مش معاك نهائى فى انى مكبر الموضوع اولا ان فى علبة دركسيون فى عربية زيرو ويحصل فيها مشكلة ممكن ولكن ان ده يكون لوط مضروب دى مشكلة تانية وكمان تتغير العلبة بعلبة تانية وتحصل فيها نفس المشكلة وتبوظ تانى دى مشكلة تالتة وبعدين فى تعريق وتفسيرك انه غطاء تاكيهات ادى المشكلة الرابعة ونرجع نلاقى حدفة فى العربية ادى المشكلة الخامسة ثم صوت عالى للتكييف ادى مشكلة سادسة وكمان التكييف لا يبرد بصورة مرضية ادى مشكلة سابعة وبعدين حضرتك تقول انى مكبر الموضوع !!!!!!!!!!!!!!!!

[gdwl]كمان هوا ايه حكاية ان ثلاثة ارباع السيارات بتخرج من التوكيل بتحدف ده فى عرف مين؟؟ احنا بنتكلم على عربية يابانى مش عربية كورى تقفيل مصرى او عربية صينى[/gdwl]!

اه كان ممكن اكون مكبر الموضوع لو كانت المشاكل دى متقسمة على 3 او اربع عربيات انما كل ده فى عربية واحدة؟؟؟؟؟ وايه اللى انا كبرته ده انا كاتب اللى صاحب العربية كاتبه لا زودت كلمة ولا نقصت كلمة؟ اه يكون فى كويل فى الميجان او ديسك فى امبريزا او فتيس فى تويوتا ماشى مشكلة او مشكلتين مش سبع مشاكل. كمان فى فرق ان ديسك بايظ او كويل احتمال يضرب وبين لوط نازل في مشكلة فى علبة الدركسيون بايظة كمان الكويل لما يضرب العربية يا هتلت يا هاتقف انما علبة دركسيون فيها مشكلة معناه ان حياة اللى راكبين العربية فى خطر فكان من الامانة ان التوكيل يسحب العربيات دى ويغير علب الدركسيون على حساب الشركة الام. ارجو انى اكون وضحت وجهة نظرى

---

اظن المقصود هنا الخروج من التوكيل بعد صيانة العربيه وليس بعد خروجها وهي زيرو والله اعلم

ازيك يا معاذ معلش يا باشا على ما صابك ربنا يكون في عونك ومشكلتك تتحل على خير
انا برضو زي ما نات عارف من الناس الي عملت التعديل والحمد لله رب العالمين معنديش مشاكل اوي الصوت ماختفاش نهائي ولاكن موجود اقل بكتير من الاول بس مازال موجود ومبيزدش

أنا إبتديت أقلق من السيريون بعد المشاكل دى يا جماعة

فى حاجة نسيت اضيفها اعتقد تهم الناس اللى غيرت العلبة

مهندس مصطفى الشريف, المسئول عن الضمان بلغنى ان اى شخص غير العلبة و بيشتكى ان الصوت لسه موجود, ساعتها يبلغنى, و هتصل بيه نحدد ميعاد تزوره فيها علشان يكشف عليها, لأن المفروض العلبة المتغيرة ميطلعش منها صوت

بس الكلام ده ابتداء من النص التانى من شهر اغسطس