عربية اونو موديل 2001 للبيع

**h_nouur** · 25-07-2009 06:26 PM

هارفع الصور دلوقتى

**kiroo** · 25-07-2009 06:46 PM

ياعم هى القصة فى السحب ؟!! و بعدين مالو سحب الانوس دة حكاية
انت قولى او اسأل اى حد قولو تركب اية اونو ولا لانوس ؟ اكيييييييييييييييد حيقول لانوس.... لية؟؟
عشان طبعا الباور و الرشاشات و نظام الانجكشن الى مشاكلو اقل من الكرباتير و اى حاجة فبها بتوصلها بالكمبيوتر و تعرف اية المشكلة دة غير النعومة اللى احسن من الاونو غير ان قطع غيارها بسعر الاونو و الحاجات الرخيصة دى زى 128 و كدة غير شنتطها اوسع من الاونو غير شكلها كل دة على فرق 3-4 تلاف جنية ؟؟!!!!!

**h_nouur** · 25-07-2009 06:52 PM

بس يا باشا الشبابى يقولك الاونو احسن من الانوس انا ابويا وعمى معاهم لانوس بقيت يا ابنى عربيات المسنين الهاتش باك عربية شبابى غير الانوس مرمية فى كل حتة وبقيت شغالة تاكسى غير ان الاونو موفرة فى البنزين عن الانوس بكتير انا بعمل 320 كيلو فى الصفيحة و كمان فيها كمبيوتر عندى غير كدة وكدة الانجكشن لو حصل فية حاجة محدش بيصلحة بيترمى وتجبلك واحد تانى ب 4000 جنية غير كدة بردو قطع غيار الاونو ارخص بكتير من الانوسس وعلى العموم كلها اذواق يا باشا وشكرا ليك يا معلم ولازم نتناقش فى موضوع فى عربيات شبابى وعربيان مش شبابى انا عن نفسى محبش شكل الانوس دية نهائى وكلة اذواق يا معلم يعنى بتقارن بين الابيزا و البيجو 405 ازاى دية حاجة ودية حاجة

**kiroo** · 25-07-2009 07:06 PM

ماشى ياريس انت مقتنع بفكرة و مش عايز تغيرها عموما اختلاف الرأى لا يفسد للود قضية

**hkyfgvyiyu** · 25-07-2009 08:12 PM

طبعا اللانوس مفي شوجه مقارنه اصلا اونو ديه كنت بقارنها مع الماروتى والميرا قبل مجيب عربيه وكمان فضلت الميرا على ان كانت معروضه عليا اونو اواخر تسعينات حاله ممتازه ب 22 وفضلت الميرا

**hkyfgvyiyu** · 25-07-2009 08:13 PM

دا كفايه شكل اللانوس لو مش هنتكلم فى اى حاجا تانيه

**ahmedhilmy** · 25-07-2009 10:34 PM

عفوا للحوار الدائر انا بس حبيت اسجل رأيي مش علشان انا راكب لانوس هقول الكلام ده لكن للامانة اللانوس عربية شبابية من الدرجة الاولي شكلها فخم عن الاونو 1500 سي سي تكييف تلاجة سحب ممتاز ثبات عالي اوسع من الاونو بمراحل سعر اعادة بيع معقول جدا لانها عربية مطلوبة جدا لو حبيت تبعها هتلاقي 1000 واحد يا خدها منك بدون خسارة كبيرة قطع غيار متوفرة و بسعر معقول كمان العربية باور و اخيرا يكفي انها مش فيات مع كامل احترامي لصاحب الموضوع ربنا يوفقك في البيع بس مفيش مقارنة بين اللانوس و الاونو خالص

**h_nouur** · 25-07-2009 11:59 PM

يا جدعان الانوس فئة و الاونو فئة دية عربية هاتشباك يعنى قارنها بالابيزا الى فى نفس فئتها 1000cc لكن الانوس لامؤخذة اى حد دلوقتى معاة قرشين يروح يجيب لنوس بقيت عربية شعبية بجد يعنى تلاقى اى حد معاة 5000 جنية يدفعهم مقدم فيها فانتشرت وبقيت عربية شعبية مع اى حد لكن الاونو مش كتير تلاقيها و خلى حد يسند على كابوت العربية الانوس و يسند على كابوت الاونو او 128 الانوس دية باسكوت تلاقى مكان الساندة علم فى الصاج صاج اية الفيبر بتاع الانوس لكن دية قوم اقف فوق الكابوت فى الاونو واتنطط علية اتحداك انة يجرالو حاجة
فى السحب الاونو كويسة جدا لانها 1000 cc تربو و معروف عماتان ان فيات اشهر شركات المواتير الموجودة فى اوربا
يعنى ماتور الفيات الاشهر بعد اليابانى و الالمانى مش ماتور كورى
و على العموم العربية مش هابعها و ه
و كل مااقابل لانوس على الطريق هاشد معاها وارفع الصور علشان تشوف الكورى والاوربى
تكنولوجيا الاوربى اوربى بردو مش كورى الكورى مش يفرق كتير على الصينى مع احترامى للانوس دية مش عربية نهائى انا شوفتها وواحد بيشد السقف بتاعها وبيطبقة بايدة ويرمية مقارنة اية والنبى ولانوس اية اساسا

**DR.M** · 26-07-2009 11:42 AM

ههههههههههههههههههههههههه هههه
كل مادخل قسم البيع لازم يكون فيه مشاحنات
او خناقات كعادتنا

اللي لاحظته ان سعرك مناسب (لك كل الحريه في التفاوض القليل) في الأونو و السيات(سعر مناسب)بس ( حسن السوق ولا حسن البضاعه ) واليومين دول ركود

اصبر
مع الأمنيات بالتوفيق

**zaghlol** · 26-07-2009 12:37 PM

وعلى كدة بقى السعر دة طالبة عشان فيها اية من الاوبشن دية

4WD:-Four Wheel Drive

ABC :-Active Body Control

ABS :-Anti-Blocker-System

ACEA :-Association des Constructeurs Europeens de l"Automobile

AERODYNAMIC :- Front Projected Area

AIR BAG

ASR :-Antriebsschlupfregelung Or Acceleration Slip Regulation

ATF :-Automatic Transmission Fluid

AWD:-All Wheel Drive

BAS:-Brems-Assistant-System

CAN:-Controller Area Network

CDI:-Common-Rail-Diesel-Direct-Injection

CO:-Carbon Oxid

Data-Bus

DI:-Direct Injection

DOHC :-Double Overhead Camshaft

ESP :-Electronic Stability Program

EDC :-Electronic Diesel Control

EHB :-Electro-Hidraulic-Break

EON :-Enhanced Other Network

Floating Car Area :-FSI :-

FSI:-Fuel Stratified Injection

GPS :-Global Position System Or Graphical Point Control

HUD:-Head-up-Display

MPI:-Multi-pointInjection

NO:-Naytrogen Oxsid

OBD:-On Board Diagnose

PES:-Poly Ellipsoid System

TC Or TCS Or ETC :-Traction Control Or Traction Control System Or Electr. Traction Control

الموضوع: عربية اونو موديل 2001 للبيع

LinkBack

أدوات الموضوع

عرض

-

-

-

-

المواضيع المتشابهه

للبيع فيات اونو موديل 2000

فيات اونو 2001 للبيع

اونو موديل 94 للبيع

للبيع عربية فيات اونو موديل 93 ايطالي

اونو ايطالي موديل 90 للبيع

الكلمات الدلالية لهذا الموضوع

المفضلات

المفضلات

ضوابط المشاركة