عقلك وحسباتك (العلم) ولا رأى الميكانيكى (الخبرة) ؟؟؟؟

كل الناس الصغير قبل الكبير عارف ان النوبيرا فيها مميزات زياده عن اللانوس
(دا مش معناه انها اسوأ من النوبيرا ولكن فى شوية مميزات زياده فى النوبيرا )
المميزات دى زى:
- اوسع
- أفخم
- اقوى
- بتاعت سفر اكتر
- فول اوبشن
وحاجات تانيه كتير

طيب لما كلنا مقتنعين وفاهمين كدا كويس ليه بقى لما تيجى تشترى تلاقى حاجه غريبه جدا جدا انا شخصيا باعتبر الموضوع دا من النوادر
- السعر مايفرقش 2000 جنيه مثلا
- كل الخبرا "اللى مش معاهم نوبيرا" ينصحوك باللانوس
- تروح للميكانيكى بتاعك يقلك لالالالالالالالالا ابعد عن النوبيرا وكأنها بعبع وخليك فى اللانوس

طيب انت دلوقتى بتقعد تحسبها بدماغك والمنطق والعلم تلاقى النوبيرا افضل
تسمع كلام الناس والسوق والميكانيكى تلاقى اللانوس

قلى انت هتسمع كلام مين
عقلك وحسباتك (العلم) ولا رأى الميكانيكى (الخبرة) ؟؟؟؟
(العلم أم الخبره)

بس الفول اوبشن فى الاتنين لانوس ونوبيرا وكلامك صح مش عرفين نعمل ايه منتظرين الرد

بص معايا لانوس ونوبيرا

فرق كبير جدا بينهم
فى الصالون والموتور والحجم والثبات والباور وخامات التابلوه والكماليات (دلوقتى اللانوس بقت كاملة )
كله لصالح النوبيرا

وفعلا كلامك صح النوبيرا مظلومة فى السوق

اللى وقع سعر النوبيرا كدا هى مشاكل الفتيس الاتوماتك والناس كلها خدت فكرة وحشة عنها بسببه
ولو بصيت فى السوق هتلاقى النوبيرا الاتوماتك سعرها اقل من المانوال ومحدش بيرضى يشتريها

لكن اركب العربية وجربها وشوف وهتلاقيها تستاهل تمنها واكتر كمان

احنا عندنا في مصر حاجات كتير لا تخضع لاي مقاييس متعارف عليها عالميا ومن ضمنها الموضوع ده ومش عارف احنا ريحين علي فين ربنا يسترها

راكبها وعارفها والله وبحبها جدا ونفسى اشتريها وبعتبرها احسن عربيه فى فئه العربيات حتى 90.000 جنيه

بس انا لما عملت الموضوع لانى الحوار دا تعبنى جدا ان بجد مش فاهم ليه الناس بتعمل كدا
اللانوس جميله جدا بس...
بس ايه المنطق فى ان النوبيرا تفرق 2000 جنيه بس عن اللانوس
ياريت لو حد بيفهم يقولنا ايه الهبل دا
لو الاتوماتيك السبب نشتريها مانيوال
لو المشكله فى العفشه هما مفصين اسبانى بـ 300 جنيه وقضيت على كدا

يالا ما علينا جت على دى ما هو مافيش حاجه ليها منطق فى البلد دى ولا في حاجه يحكمها قانون

السوق عرض و طلب يا رجالة و لولا كدة كانت ال 128 و البيجو ال 504 بقت بربع جنية

اللانوس مطلوبة عن النوبيرا بالتالى فى المستعمل تلاقى اللانوس قريبة من النوبيرا على الرغم من ان النوبيرا فئة اعلى... مش معنى ان الفرق قريب ان العربيتين زى بعض... النوبيرا قد اللانوس مرة و نص فى كل حاجة تقريبا بس عشان السوق مايل ناحية اللانوس فا سعر اللانوس شادد

كمان قصص الفتيس الاوتوماتك مفطسة النوبيرا الاوتوماتك خالص على الرغم من ان فيه اعضاء كتير هنا بيقولوا ان الفتيس شغال زى الفل من 18 سنة فاتت...

مصر سوق غير اى حتة... الناس بتعمل تمن لحاجات متساويش و تفطس حاجات تسوى دهب فا تمن العربية فى سوق المستعمل مش مقياس لجودتها خاااالص

MMamdouh

سيدي الفاضل ...
أنا وقت ماكنت بأشتري لو كان معايا فلوس زيادة كنت أشتريت النوبيرا (الاوتوماتيك) لأن كل الكلام اللي بيتقال ده كلام فارغ مالوش معني

طبعا امشي ورا كلام العقل و المنطق و سيبك من تخاريف الميكانيكية و كلام السوق

بص يا مان انا دايما كنت فاكر انه الفرق بين النوبيرا واللانوس حاجه واحده انه النوبيرا اوسع وكنت بفكر انه ده ميزه وعيب علشان موضوع الركنه والعربية كبيره وكده لان انا كان معايا 128 كنت بركنها فى اي مكان

وقلت لو الفرق بينهم 2000 جنيه انا اولي بيهم وكده طالما مفيش الا الفرق ده

لكن لما ركبت النوبيرا وجربتها اتأكدت ان الفرق يستحق وانه النوبيرا حاجه واللانوس حاجه

طيب بما ان المنتدى دا من اكبر منتدى للعربيات فى مصر ... يعنى لازم يكون لينا دور فى تعديل شوية مفاهيم من دول ... المهم انا مش عارف ازاى نعمل كدا
فياريت اى حد عنده اقتراح يدخل ويقوله

المطلوب صعب لان مجتمع نايل موتورز اصغر بكتير جدا من السوق

MMamdouh

طبعا الاستاذ ممدوح لخص كل الكلام اللي كنت هقوله ...
وانا لما بعت عربيتي القديمه كنت ناوي اشتري لانوس ولما نزلت السوق فوجئت بان العربيتين تقريبا نفس السعر ..قولت لنفسي طب ازاي ...الاتنين دايو والاتنين قطع غيارهم رخيصه ..وفوجئت بان الاوتوماتيك بنفس سعر المانيوال في النوبيرا ...واستخرت ربنا واشتريت النوبيرا الاوتو ...لاني دائما باخذ بكلام المنطق والعلم ..مش كلام التجار والصنايعيه ..

اينعم عددا قليل بس كميه من الناس اللى بتفهم او بتحاول تفهم او بتعلم انها تحاول تفهم

ممكن يبقوا نواه لمشروع قومى كبير (طبعا مش النوبيرا)
عمر ما كان عرييه هتمثل مشروع قومى ولكن فكرة ان الشباب الفاهم الواعى يقدر يتحرك ويوصل صوته المبنى على العلم والمنطق لانه يعلى فوق الجهل والهبل والجرى ورا كلام الناس بدون تفكير

مين يعرف لو النهارده قدرنا نحسن موقف النوبيرا واللى زيها .... يمكن بكره نقدر نخلى الناس اللى عاوزه تثتثمر فلوسها تعمل حاجه غير محلات الاكل .... ويمكن بعده نبطل نبيع الشقق مثلا فى زايد اغلى من اكتوبر مثلا لمجرد ان الناس بتقلد بعض وتشترى هناك

تخيل لو عندك نواه لمجتمع بيفكر بالمنظر دا البلد دى شكلها ممكن يبقى ازاى

احنا بنعمل هنا زى برين ستورمينج .... كله يشطح بتفكيره ... كله يحلم يمكن نقدر نعمل حاجه

واسف للاطاله بس الموضوع مستفز جدا

بالنسبة للميكانيكية..انا الميكانيكي بتاعي معاه دايو ليجانزا..لو فاكرينها ..طبعا العربية ديه ملهاش سوق لكن الميكانيكي عارف انها عربية فخمة وكبيرة وهو جايبها كمان اوتوماتيك...شفت ازاي بقى بتفرق من شخص لاخر ومن ميكانيكي لاخر...هو طبعا الواحد لما بيجي يشتري عربية فهو امام خياريين ممكن يكونوا متعارضين احيانا..
-سعر السيارة اللي هتشتريها بيه.
-سعر اعادة البيع.

هناك تناسب عكسي بين سعر السيارة وسعر اعادة البيع..مثلا المرسيدس او الب ام او الاودي غالية جدا لكن عند البيع متجيبش سعر..اللانوس سعرها رخيص وعند البيع تجيب اكثر من القيمة الحالية لها بعد ما تحسب انك استهلكت السيارة لمدة 7 سنين مثلا...يعنى عشان اقرب الصورة..لو انت شاري اللانوس ب 70 الف وبتعملها اهلاك لمدة 10 سنين اي ان القيمة الدفترية للسيارة ستصبح صفر بعد 10 سنوات وبعدين جيت بعتها بعد هذه المده وجابتلك 45 الف فكل هذا المبلغ هو مكسب ليك يعني انت حققت اقصى اشباع ومتعة من السيارة وفي الاخر اخذت فلوس كمان...

طيب ليه دا مش بيحصل مع النوبيرا ؟؟؟؟؟؟؟؟؟؟؟
مع انهم اخوات جداااااااااااااااا

هو طبعا كله بيرجع لنظرية العرض والطلب...والمفروض ان العرض يتماشى مع الطلب لكن احيانا بيكون الطلب غير متناسب مع العرض(طلب غير مرن).

يعني في العقارات مثلا..المعروض كثير جدا جدا ولو حد راح 6 اكتوبر او الشيخ زايد هيلاقي عمارات بالمئات فاضية ومفيهاش حد ..وده ليه لان اسعارها غالية جدا رغم انها كثيرة جدا لان اصحابها مش عايزين ينزلو عن حد معين في سعر العقار..او بيحاولو يصقعوها عشان تجيب اكثر..لكن النظريات الاقتصادية بتقول ان لازم السوق يظبط نفسه بنفسه ويرجع تاني الطلب يتناسب مع العرض في لحظة من اللحظات...يعني هيجي يوم على اصحاب العقارات ديه هيبيعوا بسعراقل من اللي كانوا عايزيين لان حالهم هيوقف وعليهم التزامات لازم يسددوها ..وبكده ترجع حالة التوازن في السوق مره اخرى..

كذلك بالنسبة للانوس والنوبيرا ..اللانوس الطلب عليها اكثرمن المعروض لذلك سعرها قرب من النوبيرا كثيرا مش النوبيرا اللي سعرها نزل وده لاسباب نفسية وافكار قديمة عند المستهلكين وصغر حجمها وسهولة المناورة بيها وكمان عشان هي اول عربية دايو ظهرت بمصر(على فكرة ناس كثير وخصوصا السيدات مبيحبوش العربيات الكبيرة زي النوبيرا)...

لكن لو دققت شوية في الشوارع هتلاقي ان النوبيرا 1 اصبحت كتير جدا وكذلك النوبيرا 2 بتاعتنا اصبحت تشوفها اكتر من اللانوس ..الافكار بتتغير..والا مكناش شفنا عربيات صيني ماشية في الشوارع..

انا من رايي..ان اللي عايز يشتري عربية لازم يحط في اعتباره ان الفلوس ديه زيادة عن احتياجاته ومينظرش الى سعر اعادة البيع بعد كده....عشان في ناس وانا منهم حلم جياتي ان اجيب عربية مرسيدس او بي ام وعمري ما هفكر في اعادة البيع ابدا...المهم ان المتعة اللي هستفيد بيها طول فترة امتلاكي للسيارة وديه طبعا مفروض تقاس بالفلوس ..

كلام 100 100 وزى اللفل
ونيجى هن للحلم بتاعى انا الشباب الفاهم اللى فىالبلد دى هو اللى يقصر دورة السوق على قد ما يقدر ويخليه يرجع يظبط نفسه اسرع

هتقللى ازاى هقلك لحد دلوقتى مش عارف ونفسى اى حد يدخل يحط فكره ولو صغيره ممكن تكون فكره صغيره تغير مجتمع فى يوم من الايام
وربنا يقدم اللى فيه الخير

بالإضافه ان الصوره اللى انت حاططها دى هى اخت عربيتى البرميم اللى لبستها بس بتاعتى كانت مانيوال
المهم ماتعرفش حد عنده حته برميم كويسه بس مانيوال مش عشان الهجص بتاع ان النوبيرا الاتو وحشه لكن عشان انا بحب المنيوال

اقتباس:

---

المشاركة الأصلية كتبت بواسطة morieno

كلام 100 100 وزى اللفل

بالإضافه ان الصوره اللى انت حاططها دى هى اخت عربيتى البرميم اللى لبستها بس بتاعتى كانت مانيوال
المهم ماتعرفش حد عنده حته برميم كويسه بس مانيوال مش عشان الهجص بتاع ان النوبيرا الاتو وحشه لكن عشان انا بحب المنيوال

---

انت لبستها ازاي..العربيات ديه بتيجي من بورسعيد وبتبقى عربيات حلوة جدا..هي عملت مشاكل معاك ..لو دورت في كونتكت كار هتلاقي ناس بتبيع

أنا إسمحولى مع العلم يعنى العربية الواسعة و الاثبت و المريحة فى السفر هى الافضل طبعا

يعنى فى رأيى فى الدايو الاسبيرو أحسن منهم الاتنين ( مع ان ملهاش سعر فى وسطهم ) لكن اسأل أى واحد راكبها ميرضاش يبدلها ل بنوبيرا ولا لانوس وطبعا الليجانزا و للعلم قطع الغيار متوفرة و مش غالية زى ما بنسمع ( كلام مش صحيح)

لكن الناس دايما بتروح وراء السعر الغالى بغض النظر عن أى حاجة ( نظرية الغالى تمنه فيه )


عربيات لها حظوظ

اقتباس:

---

المشاركة الأصلية كتبت بواسطة mahmoudbadr

أنا إسمحولى مع العلم يعنى العربية الواسعة و الاثبت و المريحة فى السفر هى الافضل طبعا

يعنى فى رأيى فى الدايو الاسبيرو أحسن منهم الاتنين ( مع ان ملهاش سعر فى وسطهم ) لكن اسأل أى واحد راكبها ميرضاش يبدلها ل بنوبيرا ولا لانوس وطبعا الليجانزا و للعلم قطع الغيار متوفرة و مش غالية زى ما بنسمع ( كلام مش صحيح)

لكن الناس دايما بتروح وراء السعر الغالى بغض النظر عن أى حاجة ( نظرية الغالى تمنه فيه )


عربيات لها حظوظ

---

ومع ذلك احنا ممكن نقول فى حالة الاسيبروا ان موديلاها قديم ودا مأثر وإن كان التأثير مش للدرجادى

بس على رايك عربيات لها حظوظ

:Bravo::Bravo::Bravo::Bravo:

اقتباس:

---

المشاركة الأصلية كتبت بواسطة KoDaK_Gti

بص معايا لانوس ونوبيرا

فرق كبير جدا بينهم
فى الصالون والموتور والحجم والثبات والباور وخامات التابلوه والكماليات (دلوقتى اللانوس بقت كاملة )
كله لصالح النوبيرا

وفعلا كلامك صح النوبيرا مظلومة فى السوق

اللى وقع سعر النوبيرا كدا هى مشاكل الفتيس الاتوماتك والناس كلها خدت فكرة وحشة عنها بسببه
ولو بصيت فى السوق هتلاقى النوبيرا الاتوماتك سعرها اقل من المانوال ومحدش بيرضى يشتريها

لكن اركب العربية وجربها وشوف وهتلاقيها تستاهل تمنها واكتر كمان

---

استطلاع مميز بصراحة ...... و انا مع ممدوح و باقي اراء الاعضاء اللي بتقول ان السوق عرض و طلب

تجربتي في قياده النوبيرا عام 2007 :

1- طبعا كنت اعرف اللانوس كويس لان اخويا جابها زيرو 2006 وباعها لظروف بعد حوالي 9 شهور استخدام .

2- كانت بالنسبه لي عربيه خفيفه و تعبانه ( ده رأيي ساعتها ) ... و قولتله ايه العربيه الورق اللعبه اللي انت جايبها دي . ( علي الرغم اني جبتها 2011 ) .... و بالمناسبه اخترتها لوالدي و خليته اشتراها زيرو عام 2008 .....و قولتله يلااااا بسرعه نلحقها من عند سمير رياااااااااااان ....قاللي خير يابني همه حيمنعوها :-)))....قولتله لاااااا بس شركه شيفروليه حتنتجها و بيقولوا حتبقي وحشه اوووووووي و خلاص بتخلص من عند التجار ..........شوفتوا بقه ثقتنا في علامه دايوو؟؟؟؟..... و ده راجع انها موجوده في السوق المصري من 1999 او 1997 بنجاج .....و خفنا من الشيفروليه من قبل ما ينزل . ( هوه ده المستهلك المصري عاوز حاجه تثبت نفسها الاول و بعدين يثق فيها ) و ده راجع في وجهه نظري لاننا شعب مطحون و السواد الاعظم من الشعب طالع عينه في القرش اللي بيدفعه ف مش مستعد يتدبس .

3- ايامها كان معايا عربيه اسرتي بيجو 305 و كان والدي شاريها من الزيرو و مكنتش انا مخليها محتاجه حاجة و كانت روعه في سواقتها . بس قطع غيارها انتهت خلاص و العربيه بقت expired.

4- سنه 2007 صديق ليا جاب نوبيرا و سافرنا بيها بالليل الساعه 1 صباحا للعريش ..... و ملاحظاتي اللي فاكرهاا لغايه وقتنا هذا :
العربيه ناعمه جدا - دوشه الطريق غير محسوسه - واسعه - ثابته - حاسس بالأمان و انت راكبها - فخمه - موتورها جبار .
و طبعا كانت عيني علي كل حاجه فيها و احنا عالطريق و لأني حساس شويه لاحظت ان مؤشر البنزين بينزل بصوره ملحوظه .... اعتقد استهلاكها للبنزين عالي .

5- صباح اليوم اللي وصلنا العريش فيه ... خدت العربيه و جربتها في شوارع العريش الفاضيه لا قيت اني راكب طياره بجد ...عربيه انطلاقها سريع و قوي جدا .( مقارنه بسواقتي لعربيه اخويا اللانوس ) ....لكن اعتقد النوبيرا غير قادره علي عمل مناورات تقريبا عشان عريضه . بس عربيه رهيبه بجد .

6- اخر 2010 قررت اشتري زيرو .... و اختياري و قع علي ايه؟؟؟؟؟؟؟؟؟...... علي اللانوس طبعا ....و ليه طبعا ؟؟؟....... عشان نظريه السوق عرض و طلب .......قطع غيار رخيصه نسبيا .... سهوله الصيانه .... ارتفاعع سعر اعاده البيع .

علي الرغم من اني و قت ما اشتريت الشيفروليه لانوس ....كان عندي معلومه ان فيه كذا عربيه نوبيرا زيرو متخزنه عند ابو الفتوح .... و كانت ب 72000 جنيه ..... و كان ادامي كيا سيراتو الشكل القديم متخزنه عند سمير ريان و كانت ب 72000 جنيه بردو .

طب السؤال ؟؟؟؟..........ليه انا كمستهلك جبت شيفروليه لانوس و جبتها ب 70000 جنيه ؟؟؟؟؟؟

انا نفسي مش عارف :shyy:

بس هوه ده المستهلك المصري ( بيخاف ) .....و هوه ده السوق .

بس بندم طبعا لان النوبيرا افضل .....كفايه ان ممدوح راكب لانوس و بيحبها جدا و عامل تعديلات قويه في الفرامل و رغم كده رأيه ان النوبيرا قد اللانوس مره و نص .

[QUOTE=mero100;3874219491]استطلاع مميز بصراحة ...... و انا مع ممدوح و باقي اراء الاعضاء اللي بتقول ان السوق عرض و طلب

تجربتي في قياده النوبيرا عام 2007 :

1- طبعا كنت اعرف اللانوس كويس لان اخويا جابها زيرو 2006 وباعها لظروف بعد حوالي 9 شهور استخدام .

2- كانت بالنسبه لي عربيه خفيفه و تعبانه ( ده رأيي ساعتها ) ... و قولتله ايه العربيه الورق اللعبه اللي انت جايبها دي . ( علي الرغم اني جبتها 2011 ) .... و بالمناسبه اخترتها لوالدي و خليته اشتراها زيرو عام 2008 .....و قولتله يلااااا بسرعه نلحقها من عند سمير رياااااااااااان ....قاللي خير يابني همه حيمنعوها :-)))....قولتله لاااااا بس شركه شيفروليه حتنتجها و بيقولوا حتبقي وحشه اوووووووي و خلاص بتخلص من عند التجار ..........شوفتوا بقه ثقتنا في علامه دايوو؟؟؟؟..... و ده راجع انها موجوده في السوق المصري من 1999 او 1997 بنجاج .....و خفنا من الشيفروليه من قبل ما ينزل . ( هوه ده المستهلك المصري عاوز حاجه تثبت نفسها الاول و بعدين يثق فيها ) و ده راجع في وجهه نظري لاننا شعب مطحون و السواد الاعظم من الشعب طالع عينه في القرش اللي بيدفعه ف مش مستعد يتدبس .

3- ايامها كان معايا عربيه اسرتي بيجو 305 و كان والدي شاريها من الزيرو و مكنتش انا مخليها محتاجه حاجة و كانت روعه في سواقتها . بس قطع غيارها انتهت خلاص و العربيه بقت expired.

4- سنه 2007 صديق ليا جاب نوبيرا و سافرنا بيها بالليل الساعه 1 صباحا للعريش ..... و ملاحظاتي اللي فاكرهاا لغايه وقتنا هذا :
العربيه ناعمه جدا - دوشه الطريق غير محسوسه - واسعه - ثابته - حاسس بالأمان و انت راكبها - فخمه - موتورها جبار .
و طبعا كانت عيني علي كل حاجه فيها و احنا عالطريق و لأني حساس شويه لاحظت ان مؤشر البنزين بينزل بصوره ملحوظه .... اعتقد استهلاكها للبنزين عالي .

5- صباح اليوم اللي وصلنا العريش فيه ... خدت العربيه و جربتها في شوارع العريش الفاضيه لا قيت اني راكب طياره بجد ...عربيه انطلاقها سريع و قوي جدا .( مقارنه بسواقتي لعربيه اخويا اللانوس ) ....لكن اعتقد النوبيرا غير قادره علي عمل مناورات تقريبا عشان عريضه . بس عربيه رهيبه بجد .

6- اخر 2010 قررت اشتري زيرو .... و اختياري و قع علي ايه؟؟؟؟؟؟؟؟؟...... علي اللانوس طبعا ....و ليه طبعا ؟؟؟....... عشان نظريه السوق عرض و طلب .......قطع غيار رخيصه نسبيا .... سهوله الصيانه .... ارتفاعع سعر اعاده البيع .

علي الرغم من اني و قت ما اشتريت الشيفروليه لانوس ....كان عندي معلومه ان فيه كذا عربيه نوبيرا زيرو متخزنه عند ابو الفتوح .... و كانت ب 72000 جنيه ..... و كان ادامي كيا سيراتو الشكل القديم متخزنه عند سمير ريان و كانت ب 72000 جنيه بردو .

طب السؤال ؟؟؟؟..........ليه انا كمستهلك جبت شيفروليه لانوس و جبتها ب 70000 جنيه ؟؟؟؟؟؟

انا نفسي مش عارف :shyy:

بس هوه ده المستهلك المصري ( بيخاف ) .....و هوه ده السوق .

بس بندم طبعا لان النوبيرا افضل .....كفايه ان ممدوح راكب لانوس و بيحبها جدا و عامل تعديلات قويه في الفرامل و رغم كده رأيه ان النوبيرا قد اللانوس مره و نص .[/QUO

حلوه الحدوته بس النهايه (ملتوته ) النهايه غريبه