رابطة ملاك فورد، موضوع متجدد، اسعار قطع غيار،و مصنعيات

**Ahmed73** · 16-09-2009 12:57 AM

اسكورت 98 1300 انا جبت الحاجات دى من بدروسيان بالتوفيقة طقم طنابير أمامى 250 جنيه دراعين ميزان 270 جنيه طقم بيض مقص 190 جنيه طقم جلب مقصات أصلى 320 جنيه - (قاللى انه فيه انجليزى 220 جنيه وتركى بحوالى 180 جنيه مش فاكر) 2 ماستر عجل خلفى 160 جنيه طقم تيل فرامل أمامى اسبانى 125 جنيه طقم تيل خلفى صينى 100 جنيه (بدروسيان أكد على جودتهم) 2 مساعد أمامى فرنساوى 750 جنيه 2 مساعد خلفى أسبانى 700 جنيه فلتر هواء مصرى 30 جنيه 2 خرطوم فرامل أمامى تركى 270 جنيه 2 خرطوم فرامل خلفى تركى 150 جنيه وعمل خصم 5% على الفاتورة العفشجى خد مصنعية 70 جنيه - الميكانيكى خد مصنعية 50 جنيه واشتريت من عند ابراهيم سليمان فى التوفيقية مفتاح نور ألمانى 550 جنيه فانوس أمامى 170 جنيه 2 كوبلن تايوانى 350 جنيه -(إبراهيم أكد على جودتهم العالية) واشتريت من الفيوم كتاوت ألمانى للنور 23 جنيه وسلوك ومستلزمات التركيب 18 جنيه الكهربائى خد 25 جنيه لتغيير مفتاح النور والكتاوت الكبالن لسه ما ركبتهاش لى سؤال مكان فلتر البنزين فين ولو غيرت البوجيهات هيكون ليه تأثير أحسن على السيارة - البوجيهات بقالها على الأقل 10 آلاف كيلو

**aYaBooY** · 16-09-2009 11:17 AM

فلتر البنزين هاتلاقيه اسفل العربية غالبا بجوار العجلة الخلفية شمال
و حضرتك لو غيرت البوجيهات هاتفرق في السحب بس مش فرق رهيب بس لو انت بتجبلها بوجيهات اصلي موتور كرافت ممكن تعد معاك لحد 40 الف و تمشي كويس بس برده لو فيه نتشة في العربية مع السحب شيك على سلوك البوجيهات

**Ahmed73** · 18-09-2009 05:39 PM

انا متشكر جدا على الرد وان شاء الله هابص على فلتر البنزين وبالنسبة للبوجيهات العربية ما فيش فيها تنتيش وهاجرب اغيرهم وهاقول على النتيجة ان شاء الله

**mmr147mmr** · 14-10-2009 01:41 AM

معلش ياجماعه الخير انا من المنصوره ومعروض عليا عربيه فورد فيستا مو 2000 و1300cc وكنت عاوز اعرف قطع الغيار متوفره في مصر بس ؟ الاسعار اللي مكتوبه في الموضوع بالمقارنه بالماركات الاخرى غاليه ولا معقوله ؟مع اعطاء امثله مقارنه بعض قطع الغيار بين الفورد والماركات الاخرى وشكراااااااااااااا

**alexcdx** · 14-10-2009 02:02 AM

فى حد يعرف ميكانيكى فى القاهره عنده أسكانر؟

**sanfour1983** · 15-10-2009 01:45 PM

السلام عليكم جميعاً
موضوع هايل و يستحق التشجيع.
السيارة : أسكورت 98 1300 سي سي
القطع: 2 مساعدين امامي (600) فرنساوي 06/09 عادل شحاته التوفيقيه
اكصدام خلفي (700) 06/09 عادل شحاته بردوا
سرموستات حرارة أصلي 108/98 (60) عادل شحاته
اما بالنسبه لباقي قطع الغيار العدية (سرفيس) تقريبا نفس الاسعار

**aYaBooY** · 19-10-2009 05:48 PM

كل واحد عاوز حاجة ممكن تتجاب استيراد من الحرفيين يا ريت يكتبلي على الخاص علشان عاوزين نروح يوم جماعة نجيب اكتر من حاجة علشان نعرف نفاصل بحق و شكرا الموضوع ممتد لمدة 10 ايام و انا هاتولي الاتصال و التنسيق بين الناس

**reamoz** · 24-10-2009 08:48 PM

العربية دي معايا من 2006
اول ماجبتها غيرت الأتي

طقم جلب مقصات يمين وشمال ماركة فورد 240 جنية من عن واحد في فيصل اسمه نور الأمير (اكتشف بعد كدة ان كل حاجة عنده اغلى من اي حتة تانية)
قاعدة فيتيس أمامي وخلفي (الأتنين زي بعض) الواحدة 60 جنية
جوز مساعدين أمامي إستيراد العفشجى هو اللى اشتراهم 250 جنية
طقم بوجيهات NGK تلاتة شمعة 75 جنية (اشتغلو أكتر من 50 الف كيلو وغيرتهم بس كانو لسة ماباظوش فا شلتهم للطوارئ)
بطارية نسر فارتا 70 أمبير 230 جنية
فلتر هواء 25 جنية
فلتر زيت 25 جنية (بعد كدة عرفت ان فلتر الزيت بتاع الزلمكة بيركب عليها هو أطول شوية بس نفس مقاس القلاوز بقيت اجيبة من ساعتها)
ظبط الكربراتير ب 50 جنية (عند الإبراهيمية اللي في شبرا)
شوية شغل عند الكهربائي تغير لمات محروقة وتظبيط انوار وكدة بتاع 50 جنية
بعد شوية عملت حادثة حلاوة العربية
جوز فوانيس أمامي 120 جنية الواحد (من عند إبراهيم سليمان اللى في التوفيقية)
فانوس إشارة 40 جنية (من عند إبراهيم سليمان اللى في التوفيقية) بعد كدة لقيتة في الحرفيين ب25 بس
إكصدام أمامي 240 أو 260 مش فاكر (من الحرفيين الخليل)

بعد اقل من تمن شهور من الشغل الأولاني
طقم جلب مقصات ماكة فيبي 160 جنية (من الخليل الحرفيين) مش عارف الأولانين كانو وحشين مع انهم اصلي وغاليين جدا ولا عيب تركيب؟
جوز بيض مقصات الماني ماركة PIX الواحدة ب 70 (الخليل بردة) اللي كانو راكبين كانو بتوع الفبريكة لأنهم كانو متبرشمين في المقص.
جوز مساعدين خلفي بالسوست والبطاحات إستيراد 300 جنية (من الوكالة عند نبيل بطاح)
قاعدة موتور إستيراد 240 أو 250 مش فاكر (من عند الصفا الحرفيين)

بعد سنتين وشوية البطارية النسر باظت
جبت واحدة جافة صناعة ماليزي اسمها جي فورس باين ب 420 جنية

بعد فترة غيرت البوجيهات شامبيون 2 شمعة (من عند واحد صاحبي مرضيش ياخد تمنهم)

بعد شوية جبت جوز طنابير جداد Brembo ب 250 جنية من الحرفيين

من اسبوع كدة اشتريت جوز مساعدين أمامي بالسوست إستيراد بس موتور كرافت اصلي وحالتهم كويسة جدا العفشجي كان معجب بيهم قوى (هو يصراحة واحد معرفة في الوكالة هو اللى ظبطهملي ومعرفش جابهم من مين؟) السعر هو المفاجئة 300 جنية بس بس هو الصفا كان عندة حاجة زي كدة سألتة قاللي 500 قبل الفصال!
لو إفتكرت حاجة تاني هقول علطوووول.

**aYaBooY** · 24-10-2009 09:11 PM

استاذ reamoz نورت قسم فورد
ليا بس شوية نصائح اتمني تعتبرها من اخ مش اكتر اولها بطارية 70 امبير كبيرة قوي على عربيتك انا معايا الـ 1300 بركبلها 44 امبير جافة بتكون عمرها اطول و افضل من الكبيرة
ثانيا موضوع المساعدين لو جبت الموتور كرافت الاصلي جداد انتا الي هاتكون كسبان و هاتلاقي عمرهم الافتراضي عالي جدا و اعتقد سعرهم هايكون في حدود 700 للجوز و برده سيبك من الخليل و احمد و عمر فيه يافا في شارع دمشق حاجتة افضل و امين جدا و سعره يعتبر افضلهم
سؤال بقي كانت عاملة ايه معاك في استهلاك البنزين مع البوجيهات ال 3 شمعة ؟

**reamoz** · 25-10-2009 11:48 AM

المشاركة الأصلية كتبت بواسطة aYaBooY

استاذ reamoz نورت قسم فورد
ليا بس شوية نصائح اتمني تعتبرها من اخ مش اكتر اولها بطارية 70 امبير كبيرة قوي على عربيتك انا معايا الـ 1300 بركبلها 44 امبير جافة بتكون عمرها اطول و افضل من الكبيرة
ثانيا موضوع المساعدين لو جبت الموتور كرافت الاصلي جداد انتا الي هاتكون كسبان و هاتلاقي عمرهم الافتراضي عالي جدا و اعتقد سعرهم هايكون في حدود 700 للجوز و برده سيبك من الخليل و احمد و عمر فيه يافا في شارع دمشق حاجتة افضل و امين جدا و سعره يعتبر افضلهم
سؤال بقي كانت عاملة ايه معاك في استهلاك البنزين مع البوجيهات ال 3 شمعة ؟

ياباشا الله يكرمك، القسم منور دايما بيكو :)

هو بالنسبة للمساعدين انا سألت لقيت ال Blistin الألماني ب 750 جنية وسمعت أن الموتور كرافت ب 1200 جنية الجوز فطبعاً اتخضيت وإبراهيم سليمان اللي في التوفيقية عند مساعدين معفنة كدة بيقول عليها فرنساوي تقفيل تونسي ب 550 جنية بس شكل الصناعة بتاعتهم زبالة،.

بالنسبة لإستهلاك البنزين مع البوجيهات ال 3 شمعة أو ال 2 شمعة متغيرش تقريباً
هي طول عمرها بتعمل من 220 ل 260 كيلو في الصفيحة داخل المدينة حسب الزحمة وكدة
وبتعدي ال 300 في السفر اعلى رقم عملتة كان 350 كيلو في الصفيحة كنت مسافر مطروح بعد العيد

وعموما موضوع الكذا شمعة دة مش زي ماالناس فاهمة انة بياكل بنزين وكدة
هي كدة كدة شمعة واحدة بس اللى بتشغل وشرارة واحدة بس هي اللي بتطلع من البوجيه
هو كل الموضوع ببساطة أن الجزء اللي بطلع الشرارة في البوجيه هو الجزء اللى في النص (electrocode) والشرارة بتروح لأقرب شمعة لأنها عبرة عن شحنة كهرباء بتدور على أرضي فأقرب أرضي فيهم بترحلة وطبعا مع كل شرارة الأرضي دة بيتاكل شوية فالمسافة بينة وبين الإلكترو كود بتبعد فابيكون في شمعة تانية بقت أقرب فالشرارة بتروح لها بدل الأولانيه وهكذا،
لكن البوجية الشمعة الواحدة مفيش عندة بديل بتفضل الشرارة تروح لنفس الشمعة مهما إتاكلت لحد وكل ماتتاكل اكتر المسافة بتبعد وبالتالى قوة الشرارة بتضعف لحد ما نغير البوجيهات
علشان كدة البوجيهات اللى اكتر من شمعة واحدة بتدي اداء افضل لفترة اطول لأن كل ماشمعة تتاكل شوية وتبعد بتنقل الشرارة على شمعة تانية وبالتالي كمان عمرها أطول من البوجيهات الشمعة الواحدة
يعني ال 3 شمعة المفروض انة يعيش قد الواحد شمعة 3 مرات.

الموضوع: رابطة ملاك فورد، موضوع متجدد، اسعار قطع غيار،و مصنعيات

LinkBack

أدوات الموضوع

عرض

-

-

-

-

-

المواضيع المتشابهه

اسعار قطع غيار سيارات سوزوكي (متجدد باذن الله) تم التحديث بتاريخ 15-3-2013

موضوع رابطة ملاك الماتركس اختفى لية

اسعار قطع غيار فورد فوكس ( توكيل )

رابطة ملاك فورد

الكلمات الدلالية لهذا الموضوع

المفضلات

المفضلات

ضوابط المشاركة