الموضوع: إيه أجمل لون للـ byd f3

المشاركة الأصلية كتبت بواسطة elmanahry

عزيزى sv065 لون عربيتك ايه ولماذا لم تذكر الفضى

عربيتي لونها نبيتي

والحقيقة أنا كان نفسي بشدة في اللون الفضي لكن للإسف الوكيل أفاد بأنه لم ينزل منها في هذه السيارة (طبعا كلامه مش مظبوط وواضح إن دي حركات دعاية حسب المتوفر عندهم وقتها) وإن اللون المتوفر هو الشامبين بإعتباره بديل للفضي لكن الصراحة مش بافضله لأنه مش واضح إذا كان فضي ولا ذهبي ..... بس شفت منها بعد كده الفضي منور زي الفل لكن النصيب بقي الحمد لله..

أخبار ألوان سيارات السادة الأعضاء إيه؟؟

المشاركة الأصلية كتبت بواسطة yasserhome

اللون الفضى الميتالك

صراحة الفضي من أجمل الألوان وأنا شخصيا كان نفسي فيه جدا ولكن ببأسف لم يكن متوفر وقت ما إشتريت

واللون الفيراني جميل جدا جدا برضه عليها ولكن أنا كنت نازل من لانسر فيراني وعاوز أغير

ربنا يبارك لك في سيارتك ما شاء الله عليها

المشاركة الأصلية كتبت بواسطة marouf_neema

السيد yasserhome المحترم :
تحياتي الحارة ... ومبروكة عليك عربيتك ... أما بالنسبة للألوان فهي مسألة ذوق حتمية ...
أنا من سورية ... وكنت شايف اللون النبيتي ( الخمري) في صالة العرض .. وطلبت من الوكيل الألوان الأخرى ... وشفتها .. بس فعلا" أنا شخصيا" جلبت البيضاء ... لأن اللون ده بيعطيها جمالية خاصة (بيعطيها حجم أكبر من الخارج+يعكس الحرارة كليا"+بيلقى غبرة)بعكس باقي الألوان اللي بتحسّ إنها بتقلل من حجم السيارة ..+ إلخ.....
بعدين لدينا بالحي حوالي خمس ألوان ... بس شفت الناس تنظر لسيارتي نظرة خاصة (أنا دايما" ملمّعها) وبيحاولو يعرفوا موديلها كام ومن بعيد بيفكّروها كورولا .
الأبيض ..برأيي الخاص هو سيّد الألوان
فما رأي السادة الأعضاء ... مع كامل الإحترام ...:ta_clap[1]:

مما لا شك فيه الأبيض له رونق خاص لا يشاركه أي لون آخر وعلي الجميلة byd حكاية

ربنا يبارك لك فيها

المشاركة الأصلية كتبت بواسطة ozama22

اللون النبيتي احسن في السيارة المستوردة اما في المجمعة في مصر اللون الفيراني

صراحة يا جماعة أنا شفت مجموعة ألوان في الإنتاج المصري أكثر من رائعة وتحفة وتحيرك فعلا لدرجة تخلييك ممكن ما تشتريش السيارة من شدة خوفك إنك تجد لون منها أحلي من اللي إخترته