الموضوع: اليابانيون يخترعون قماش للاختفاء

يا باشا مش ده القماش الل بيخفى اللى لالبسه
ده فكرة عمله عباره عن كاميره بتصور الل بيحصل وراك ومتصله ببرجيكتور بيبث اللى بتلتقطه الكاميره من خلفك ويظهر على القماش اللى انت لبسه يعنى تقريبا نفس فكره البروجيكتور بس الصوره بتظهر على القماش كأنه اسكرين

وده فكرته مش عمليه اطلاقا لو هتستخدمها للتخفى مش للاظهار
مش معقول علشان تعمل نفسك هدن ؤدام حد تمشي ومعاك فريق عمل اللى شايل البورجيكتور واللى شايل الكاميرا واللى شايله الكمبيوتر وكمان نسبة الاختفاء لا تتعدى 85% بالاضافة ان وجهك هيكون ظاهر لو مغتطهوش بقطعة القماش

اللى كنت قريت عنه فعلا ان العلماء الامريكان - ربنا يحرقهم - بيحاولو يصنعم عبايه زى عباية هاري بوتر بحيث انك تلفها حول جسمك ميبنش بدون استخدام اى معدات او آلات
هحاول اشرح فكرة عملها : كلنا عارفين ان الحاجه الل بنشوفها مش بتكون هيا مصدر الضوء لكن احنا بنشوفه لأن الضوء وقع عليها وانعكس منها لينا
لو احنا بقى قدرنا نطوع شعاع الضوء الل ساقط ده ومخلنهوش ينعكس مجرد انه ينساب او يلتف من حوليها ويكمل طريقه تانى عن طريق كسر زاوية ميله بدرجه معينه
علشان نتخيلها مع بعض نضرب مثال : تخيل معايا ان فيه مجرى مائى - نهر مثلا - وفيه فى نصه زلطه او صخره صغيرة الميه هيحصلها ايه ؟؟ هتتشق الميه عند بداية الزلطه وتجرى من جانبيها وترجع تلتأم تانى عند نهاية الصخرة
هوا ده بالظبط اللى بيحاولو يطبقوه مع شعاع الضوء بكسر زاوية سريانه بميل معين عند بداية العبائه وسيره من جانبيها وأعادتة اندماجه بنهايتها
الطريقه ده نجحت فعلا على الحجات الرفيعه زي القلم مثلا لكن للأسف معرفش ان كانو توصلو لتقنيه انهم يخفو حاجه بعرض جسم الانسان ولا لأ لأن التقنيه دى محاطه بهاله من الغموض والسريه كما لو كانت سر اسرار الكون

آسف للاطاله وارجو ان اكون قد وفقت فى عرض فكرة عمل الطريقتين