سير الدينامو فى اللانوس

**mohsen** · 26-07-2009 10:25 AM

لو سمحتوا
هل فى معيار لشد سير الدينامو فى اللانوس يعنى مثلا تكون صامولة الربط فى نص الفتحة بتاعة الرجلاش
وايه الاسباب الى تخلى سير دينامو ماركة جتس لسى راكب وبنجرب العربية ام اتفرتك واتنسل وسلكناه بالعافية

ولكم جزيل الشكر

**Samir Elshahawy** · 26-07-2009 10:33 AM

طبعا فيه معيار لا يكون مشدود أوي (علشان ممكن يؤثر علي بلية الدينامو نفسه) ده غير أنه ممكن يتقطع و لو مرخي و غير مشدود ممكن يفوت و الديناموو مايشتغلش بكفائته و ممكن برضه يفلت من مكانه و في بعض السيارات يحدث تداخل بين السير الفالت مع أحد السيور الاخري أو سير الكاتينة و يسبب مشكلة كبيرة لا قدر الله

اللي أعرفه أن فيه جهاز أو وسيلة لقياش قوة شد السيور و بيتم رجلشة الصامولة بناء علي ذلك , لكن معظم الصنايعية شغالين بالخبرة و برضه لما تركب سير جديد بيبان من الصوت أو الشكل العام لما تدور العربية

هذا علي حد علمي و الله اعلم

**mohsen** · 26-07-2009 10:50 AM

يبقى غالبا هو اتقطع لانه كان مشدود اكتر من اللازم
وكلام حضرتك حصل انه ضرب فى سير التكييف الجديد ايضا وخلاه يطلع من على طمبورة الكباس واتفرتك هو كمان و سلكناه بالعافية برضو

لكن ربنا ستر لانى اول ما سمعت صوت صرخة خت يمينى وركنت
بس ياترى فى اختبار سريع نعرف من خلاله ان بلى الدينامو سليم ولا فى مشكلة وعايز يتغير

**Samir Elshahawy** · 26-07-2009 11:46 AM

المشاركة الأصلية كتبت بواسطة mohsen

يبقى غالبا هو اتقطع لانه كان مشدود اكتر من اللازم
وكلام حضرتك حصل انه ضرب فى سير التكييف الجديد ايضا وخلاه يطلع من على طمبورة الكباس واتفرتك هو كمان و سلكناه بالعافية برضو

لكن ربنا ستر لانى اول ما سمعت صوت صرخة خت يمينى وركنت
بس ياترى فى اختبار سريع نعرف من خلاله ان بلى الدينامو سليم ولا فى مشكلة وعايز يتغير

ممكن من الصوت لو فيه صفارة أو صوت خشونة أو أحتكاك
و الافضل و أنت بتركب السير الجديد تخلي الميكانيكي أو كهربائي يكشف عليه و يتاكد أنه سليم