حد جرب نظام ماكنتوش؟

**Terrible_DaRsH** · 26-07-2009 05:22 PM

المشاركة الأصلية كتبت بواسطة PRO-DRIVE

للسبب دا انت شايف ان ويندوز هو احسن او اسهل نظام :) عشان انت متعود عليه :)
لكن التعود مش معناه الافضل او الاوحش :)

اهلا بانصار اللينوكس .

لولا ان انا بكتب عربي بالعافية كنت اتناقشت فى موضوع الويندوز ده للصبح .

بس متنساش ان برامج زى الفوتوشوب فاتحة بيوت كتيرة وميكروسوفت اوفيس الذى لا غنى عنه فى اى شركة ..

**NaderNabil** · 26-07-2009 05:24 PM

رغم اني ماتعملتش مع أي نظام غير الويندوز بجميع إصداراته بدايةً من ال 3.1 حتي الفيستا

لكن أقدر أقول و بكل ثقة....الويندوز فاشل فاشل فاشل فاشل...

و مش عايز أحول لنظام تاني علشان خلاص مبقاش في وقت أعمل حاجة زي دي...و معنديش خلق أبتدي فيها من أول و جديد

**PRO-DRIVE** · 26-07-2009 05:27 PM

المشاركة الأصلية كتبت بواسطة Terrible_DaRsH

اهلا بانصار اللينوكس .

لولا ان انا بكتب عربي بالعافية كنت اتناقشت فى موضوع الويندوز ده للصبح .

بس متنساش ان برامج زى الفوتوشوب فاتحة بيوت كتيرة وميكروسوفت اوفيس الذى لا غنى عنه فى اى شركة ..

اهلا بيك يا باشا :) انا مش ضد مايكروسوفت :) بس هي مبتعملش حاجه هي الافضل يعني كل برامجهم موجود ليها بديل
علي فكره فوتوشوب اساسا اصله ماكنتوش مش ويندوز

**Terrible_DaRsH** · 26-07-2009 05:32 PM

المشاركة الأصلية كتبت بواسطة nadernabil

رغم اني ماتعملتش مع أي نظام غير الويندوز بجميع إصداراته بدايةً من ال 3.1 حتي الفيستا

لكن أقدر أقول و بكل ثقة....الويندوز فاشل فاشل فاشل فاشل...

طب ازاى بتقول فاشل و انت مجربتشش غيره .!

**Terrible_DaRsH** · 26-07-2009 05:36 PM

المشاركة الأصلية كتبت بواسطة pro-drive

اهلا بيك يا باشا :) انا مش ضد مايكروسوفت :) بس هي مبتعملش حاجه هي الافضل يعني كل برامجهم موجود ليها بديل
علي فكره فوتوشوب اساسا اصله ماكنتوش مش ويندوز

مش بتكلم عن برنامج بعينه و لكن ليه الواحد يتعب نفسه و يتعلم نظام من اول و جديد و يدوخعلى برامجه و يحسس نفسه بانه من كوكب اخر

مادام الويندوز شغال و بيوفى الغرض يبقي الباقى بصراحة ميستحقش تضييع الوقت فى عملية التغيير

**NaderNabil** · 26-07-2009 05:36 PM

المشاركة الأصلية كتبت بواسطة terrible_darsh

طب ازاى بتقول فاشل و انت مجربتشش غيره .!

كفاية اني كل 6 شهور لازم أعمل فورمات و أنزل ويندوز جديد...

رغم إن إستعمالي محترم جداً و علطول بنظف الجهاز و بمسح أي حاجة ملهاش لازمة...

ده غير بقي كمية التهنيج و الإيرورز اللي بتظهر عمال علي بطال...

انا مش مجربتش غيره...انا قصدت اني ماعشتش مع حاجة غيره فترة طويلة...لكن قعدت شوية علي الماك و حسيت بالفرق طبعاً

**tabeb** · 26-07-2009 05:42 PM

الموضوع ببساطة انت محتاج ايه وهل النظام اللي بتستخدمه بيحقق لك كل المطلوب وفي وقت اد ايه؟

الويندوز طبعا كلنا اتعلمنا الكمبيوتر عليه مفيش شك بس ده ما يمنعش ان لازم يبقي فيه منافسة .
الويندوز بجانب سهولته فيه عيوب زي الفيروسات وعدم ثبات النظام نفسه وساعات البطء خصوصا في برامج زي الفوتوشوب.
بس ده ما يمنعش ان ليه ميزة نسبية علي كل منافسيه اللي هي البرامج المتوافقة معاه

بس مفيش شك ان المستخدم ليه الدور الاهم في الموضوع ده
يعني لو استخدام الماكنتوش علي سبيل المثال بقي اكتر انتشارا ده هيستلزم شركات البرمجة انها تعمل برامج متوافقة مع الماكتوش لان هدفهم الاكبر الربح المادي
ببساطة يعني اللي تغلب به العب به

**Terrible_DaRsH** · 26-07-2009 05:46 PM

المشاركة الأصلية كتبت بواسطة nadernabil

كفاية اني كل 6 شهور لازم أعمل فورمات و أنزل ويندوز جديد...

رغم إن إستعمالي محترم جداً و علطول بنظف الجهاز و بمسح أي حاجة ملهاش لازمة...

ده غير بقي كمية التهنيج و الإيرورز اللي بتظهر عمال علي بطال...

انا مش مجربتش غيره...انا قصدت اني ماعشتش مع حاجة غيره فترة طويلة...لكن قعدت شوية علي الماك و حسيت بالفرق طبعاً

هو التجديد مطلوب طبعا فى اى شيء , و الشركات دى و الانظمة الجديدة لازم تتفوق على الويندوز بعض الشيء وده راجع لانهم بيشوفوا عيوب الويندوز ايه و يتلاشوها

و لكن ويندوز 7 بصراحة يغنينى عن المغامرة تماما ..

**PRO-DRIVE** · 26-07-2009 05:47 PM

المشاركة الأصلية كتبت بواسطة Terrible_DaRsH

مش بتكلم عن برنامج بعينه و لكن ليه الواحد يتعب نفسه و يتعلم نظام من اول و جديد و يدوخعلى برامجه و يحسس نفسه بانه من كوكب اخر

مادام الويندوز شغال و بيوفى الغرض يبقي الباقى بصراحة ميستحقش تضييع الوقت فى عملية التغيير

شوف دايما الناس بتخاف من المجهول مع انه مش بيكون صعب ابداا او مستحيل :) هي مجرد مسأله تعود :)

يعني مثلا تخيل لو شركه فيات قالت مش 128 ماشيه و بتقضي الغرض ؟ ليه نقعد نطور بقي و نجدد

علي فكره لو جربت ماكنتوش او لينوكس و قعدت معاهم فتره حتحس بجد انك كنت في العصر الحجري

و لكن ويندوز 7 بصراحة يغنينى عن المغامرة تماما ..

مش قالو حيقفلوه ساعتين عليكم الشهر دا ؟؟ هو جزاء الناس اللي بتطلعلهم كل البجز انهم يقفلوه عليهم ساعتين كل يوم

**Terrible_DaRsH** · 26-07-2009 05:55 PM

المشاركة الأصلية كتبت بواسطة PRO-DRIVE

شوف دايما الناس بتخاف من المجهول مع انه مش بيكون صعب ابداا او مستحيل :) هي مجرد مسأله تعود :)

يعني مثلا تخيل لو شركه فيات قالت مش 128 ماشيه و بتقضي الغرض ؟ ليه نقعد نطور بقي و نجدد

علي فكره لو جربت ماكنتوش او لينوكس و قعدت معاهم فتره حتحس بجد انك كنت في العصر الحجري

مش قالو حيقفلوه ساعتين عليكم الشهر دا ؟؟ هو جزاء الناس اللي بتطلعلهم كل البجز انهم يقفلوه عليهم ساعتين كل يوم

يا باشا والله ويندوز 7 تحفة بجد

وانا لو جربت اى ويندوز تانى هيبقي للتجربة فقط

بس بم انك مستخدم لينوكس تعالى بقي قولى ايه اللى يفرقه عن ويندوز 7 و ايه اللى ممكن يشدى فيه اوى كده

الموضوع: حد جرب نظام ماكنتوش؟

LinkBack

أدوات الموضوع

عرض

-

-

-

-

-

المواضيع المتشابهه

ايه نظام صنى 98

عاوز اعرف نظام الدبلومة فى كلية الحقوق نظام الدراسة واسهل فرع اية

بس ان ماكنتوش تحلفوا ...

للبيع 0198688887 جديد وعلى نظام الخط ويوجد 010 مميز نظام الكارت

يا ريت لو حد عنده فكره عن الابل ماكنتوش

الكلمات الدلالية لهذا الموضوع

المفضلات

المفضلات

ضوابط المشاركة