مقارنة بين الاوبترا والنوبيرا.......

**dahmedsamir** · 27-07-2009 01:38 AM

السلام عليكم ...... عاوز حل منطقى للمشكلة اللى انا فيها دى!!!!!!!!!!!!!
دلوقتى انا معايا مبلغ 60 الف وبعد بحث وحوارات استقريت على نوع عربية اشتريها وهى اوبترا 2006 مانيوال وامامى واحدة جيدة بس لسه ماخلصتش فيها.......... المهم , انا اللى يهمنى فى العربية هى المصاريف اللى بعد كدة من قطع غيار وبنزين وانا سمعت ان الاوبترا الحاجات دى فيها غالية ..
فاذا كان ده صحيح ممكن اجيب نوبيرا 2006 لو قطع الغيار رخيصة خاصة اننى كنت بافاضل بينها وبين الاوبترا بس انا ميال جدا للاوبترا لكن ده ميمنعش انى ممكن استغنى عنها لو هتعور فى قطع الغيار...........................
طولت عليكو بس الموضوع مهم وانا امامى العربيتين وهاخلص فى واحدة الاسبوع ده فاكسبوا فيه ثواب وياريت يكون رد مقنع ...نسيت اقول لكم ان مراتى هتسوقها معايا والنوبيرا مش حريمى خاااااااااااااااالص........!!!! !!!!!!!!!!!!! وشكرا....

**Nader007** · 27-07-2009 02:02 AM

ايوه يا جماعة دا موضوع مهم جداً عشان كتير من الناس بيقولوا قطع غيار الاوبترا غالية !!! فاليعرف اى اسعار يارات ينورنا و جزاه الله كل خير

**Hosam_Optrawy** · 27-07-2009 02:51 AM

مع انى لسه ماليش تجارب كتير مع قطع الغيار

لانى لسه عربيتى تعتبر جديده

الا ان ليا كذا صديق معاهم اوبترا

وبيقولولى قطع الغيار متوفره ورخيصه جدا

موضوع انها غاليه دى اشاعات

قطع الغيار تعتبر من أرخص قطع الغيار اللى فى السوق مقارنة بباقى العربيات

رأيى توكل على الله فى الاوبترا أحسن من النوبيرا

**M.almaghraby** · 27-07-2009 04:43 AM

مفيش شك ان الاوبترا احسن من النوبيرا

بس لازم تجيبها مستعمل نضيف عشان متقرفكش

وربنا معاك

**m_s_h_a** · 27-07-2009 07:22 AM

يا باشا المعلومه المهمه ان فى بعض قطع الغيار بتاعت الاوبترا والنوبيرا بيركبوا على بعض قطع الغيار رخيصه وموجوده الاوبترا افضل بكتير انسى النوبيرا خالص شكلا واعادة بيع الاوبترا طبعاااااا

**raed badr El Kelany** · 27-07-2009 01:45 PM

بص يا باشا انا كان معايا اوبتر قبل النيو سيراتو السيارة قطع غيارها كلها متوفرة فى التوكيل وخارج التوكيل الاسعار معقولة نسبيا وهناك بعض الاسعار بها فارق كبير بين التوكيل والخارج لكــــــــــــــــــن التعليق الوحيد فى الاوبترا 2006 هى
1 - المساعدين تحتاج الى تغيير اذا كانت هى الاصلية اللى نزلت بها العربية لانها بتجيب زيت
2- علبة الدركسيون بتعمل صوت لو السيارة فى الضمان ولم تتعدى تقريبا ال 40000كم لان العفشة غالبا يتم اخراجها من الضمان بعد ال 25000كم لكن الوكيل عارف انه هناك عيب صناعة غى علبة الركسون والمساعدين فى 2006 وذلك تم تلافيه فى الموديلات اللاحقة

,وبناء عليه حاول تكون السيارة 2007 علشان تستمتع بها دون مشاكل لانها سيارة جميلة جدا وعملية للغاية والمانيوال منها موفر جدا فى البنزين .

**raed badr El Kelany** · 27-07-2009 01:45 PM

بص يا باشا انا كان معايا اوبتر قبل النيو سيراتو السيارة قطع غيارها كلها متوفرة فى التوكيل وخارج التوكيل الاسعار معقولة نسبيا وهناك بعض الاسعار بها فارق كبير بين التوكيل والخارج لكــــــــــــــــــن التعليق الوحيد فى الاوبترا 2006 هى
1 - المساعدين تحتاج الى تغيير اذا كانت هى الاصلية اللى نزلت بها العربية لانها بتجيب زيت
2- علبة الدركسيون بتعمل صوت لو السيارة فى الضمان ولم تتعدى تقريبا ال 40000كم لان العفشة غالبا يتم اخراجها من الضمان بعد ال 25000كم لكن الوكيل عارف انه هناك عيب صناعة غى علبة الركسون والمساعدين فى 2006 وذلك تم تلافيه فى الموديلات اللاحقة

,وبناء عليه حاول تكون السيارة 2007 علشان تستمتع بها دون مشاكل لانها سيارة جميلة جدا وعملية للغاية والمانيوال منها موفر جدا فى البنزين .

**dahmedsamir** · 28-07-2009 08:02 PM

شكرا على الردود لكن انا متأكد ان الاوبترا احسن من النوبيرا لكن موضوع ان قطع غيار الاوبترا رخيصة دى عملية نسبية حسب ظروف كل واحد ... ياريت ارقاام اسعار ان امكن .

**egyptianmafia** · 28-07-2009 08:48 PM

There is a thread about the prices of the Optra parts

الموضوع: مقارنة بين الاوبترا والنوبيرا.......

LinkBack

أدوات الموضوع

عرض

-

-

المواضيع المتشابهه

مقارنة مهمة قوى بين الكيا شوما والنوبيرا و الفيرنا

مقارنة بين اللانوس والنوبيرا

مقارنة بين الاوبترا والنوبيرا !!!!!!!!!!!!!!!!

مقارنة بين الأفيو والفيرنا 1600 والنوبيرا والبريليانس Frv

مقارنة بين اللانوس والنوبيرا Ii وهوندا 92

الكلمات الدلالية لهذا الموضوع

المفضلات

المفضلات

ضوابط المشاركة