ساعدوني دهان الفابريكة بتروح مني

**yahiahelaly** · 27-07-2009 05:51 AM

بسم الله الرحمن الرحيم
فى اول كلامي ارجو من كل فرد على المنتدى قبلتة المشكلة ديه يقولي واجها ازاي
انا معايا عربية اكسنت 2002 ما شاء الله فابريكة برة وجوة لسة شاريها من 6 شهور تقريبا العربية الحمد لله مريحاني وحالتها العامة فوق الممتازة ماشاء الله لكن يعيبها شئ بدء يظهر عليها بقع الجرب فى السقف والموضوع لسة في الوله انا ابديت اغطيها بشكل منتظم وفي امكان الانتظار بدور على الظل وان شاء الله هالمعها الاسبوع دة السؤال بقى
1- هل التلميع فعلا هيقضى على المشكلة دية او حتى يدا ريها شوية
2-اية الي الواحد يعمله عشان المشكلة متزدش
اسف للاطالة بس بجد الموضوع مضايقني جداااااااا وارجوا الاهتمام

**Eslam.Elrefaey** · 27-07-2009 06:13 AM

آسف مش هعرف أفيدك

**Mohammmed** · 27-07-2009 08:04 AM

التلميع هيصلح الموضوع شوية
بس هتبقى ظاهرة برده عن باقى لون العربية شوية
والحل الظل

**yahiahelaly** · 28-07-2009 05:45 PM

شكرا ليكوا بجد ومستني بقيت خبرات الاعضاء فى الموضوع ده

**waleed_home** · 28-07-2009 09:59 PM

بص هقوللك على حاجة ممكن تساعد فى الحفاظ على الدهان شوية بس طبعا الجذء ال اتغير لونه مش هيرجع تانى ذى الأول :

- اول حاجة انك لازم تغطى العربية
- اثناء الغسيل ما تستخدمش اى منظفات واكتفى بالمياه العادية
- استخدم الشمع كل كام شهر علشان يعمل طبقة عازلة للدهان

**Ahmed Samy** · 28-07-2009 10:12 PM

اي حاجة هاتعملها ممكن تقلل من زيادة الجرب بس مش هاتصلحه و مش هاتوقف التطور جامد
الا لو في جراج

نصيحة ...

لو العربية معاك رش السقف ومش هايعيب قوي الا لو بتبيع لتاجر

لأن اللي بيشبط في عيب رش السقف بيبقى خايف ان العربية اتقلبت مثلا

فلو القوايم و باقي العربية فابريكة ..يبقى رش السقف للنظافة طبيعي وممكن تصورها كمان

اصل مش من المنطقي ابدا ان تركب عربية مجربه علشان احتمال سعرها يزيد الف جنيه

و عموما ...حتى لو جيت تبيعها كده

اللي هايخجها هايتلككلك و يقولك سقفها جربان و انا هارشه و هاينزل الألف برضه

نصيحتي ليك

رشه عند واحد كويس

**yahiahelaly** · 28-07-2009 11:48 PM

المشاركة الأصلية كتبت بواسطة Ahmed Samy

اي حاجة هاتعملها ممكن تقلل من زيادة الجرب بس مش هاتصلحه و مش هاتوقف التطور جامد
الا لو في جراج

نصيحة ...

لو العربية معاك رش السقف ومش هايعيب قوي الا لو بتبيع لتاجر

لأن اللي بيشبط في عيب رش السقف بيبقى خايف ان العربية اتقلبت مثلا

فلو القوايم و باقي العربية فابريكة ..يبقى رش السقف للنظافة طبيعي وممكن تصورها كمان

اصل مش من المنطقي ابدا ان تركب عربية مجربه علشان احتمال سعرها يزيد الف جنيه

و عموما ...حتى لو جيت تبيعها كده

اللي هايخجها هايتلككلك و يقولك سقفها جربان و انا هارشه و هاينزل الألف برضه

نصيحتي ليك

رشه عند واحد كويس

اولا شكرا ليك على اهتمامك بلنسبة لموضوع الرش دة كلامك فية شئ من المنطق

وشئ من وجع قلبي

فانا هعمل بنصيحة الاعضاء وهلمعها واحط شمع لان الموضوع دة لسة فى اولة يعني حجات بسيطة وبعدين لقدر الله لو مجبش نتيجه هعمل كدة بس ليا سؤالين
1-الشمع دة منين وبكام
2- سؤال غريب معلش انا كان جايليي بيع فيها ب40000 اول كلام من غير اي فصال العربية 2002 1500 عداد 55000 السؤال بقى هية فيها تجاريح فلو رشيتها كلها السعر هيقل اد اية ومتقولش الف بيتهيئلي حكم الفابريكة من غير اكتر مش اقل من 5000
علما بائني شاريها من 5 شهور ب41000
وغيرتلها مساعدين ورا وكبالن يعني مش محتاجة ادنى حاجة

**Ahmed Samy** · 29-07-2009 12:29 AM

انا رديت على رسالة حضرتك

**the-hero** · 29-07-2009 02:57 AM

الرش الخارجى بيحافظ على العربية ومبيقلش من سعرها كل ده كلام مصري فاضى

**yahiahelaly** · 29-07-2009 03:31 AM

المشاركة الأصلية كتبت بواسطة the-hero

الرش الخارجى بيحافظ على العربية ومبيقلش من سعرها كل ده كلام مصري فاضى

ايوة يا فندم انا وانتة عارفين بس احنا في مصر محسسني انك بتقول دة كلام سعودي اضي
اقصد اقول ومن غير هزار انة كلام مصري وبيتقال في مصر وبيتنفذ في مصر وفي حكم لا يقل عن 5000 فرق الفابريكة عن مثيلتها المرشوشة