فى البدايه احب ان اشكرك على اختيارك الموفق فعلا رحله رائعه و لن تنسى جمالها ابدا
انا لسه راجع من هناك من حوالى اسبوع عن جد لن تتخيل مدى الروعه و الجمال فى هذه المدن
ان كنت محتار زى حضرتك كده فى البدايه لكن بعد سؤال الكثيرين ممن سبق لهم القيام بهذه المغامره و جمع المعلومات من اكثر من جهه و جدت ان انسب اختيار هو النايل كروز و قد وقع اختيارى على انسب و اعرق شركه لهذه الكروزات ( Soneasta Cruises )
و مكتب الحجز الخاص بهم موجود فى فندق سونستا القاهره و عنوانه 4 ش الطيران مدينه نصر
الباخره خمس نجوم سويتات فعلا فوق الممتازة - الوجبات بالكامل بنظام البوفيه المفتوح راقى جدا - امكانيه تنظيم الجولات السياحيه و توفير مرافق خبره بالاماكن السياحيه و التاريخ المصرى القديم بأسعار مناسبه من خلال مكتب الاستقبال بالباخره
الرحله من الاقصر الى اسوان و بالعكس تقريبا 4 ايام 3 ليالى كل ليله تقضيها الباخره بمكان مختلف ادفو - كوم امبو - و هكذا
مكان رسو البواخر قريب جدا من المعابد و الاديره لن تتكلف مصاريف للأنتقالات ( كنا بنروح لها مشى )
الشركه عندهم اربع مستويات للأقامه مقسمه على خمسه بواخر نيليه :
1- الباخره الذهبيه و دى ثمان كبائن فقط تصلح اكثر لأشهر العسل
2 - الباخرة ( ستار جوديس )
3 - الباخره ( نايل جوديس )
4 - الباخره ( صن جوديس )
5 - الباخره ( مون جوديس )
معظمهم 50 سويت
و خلى بالك الرحله دى علشان مميزه اكيد مكلفه
يارب اكون قدرت افيدك و انا تحت امرك فى اى استفسار
المفضلات