الموضوع: هايما فاميلى ولا واجــا.....؟؟؟

اولا يا جماعه احب اقولكم ان الهايما فاميلى هى هى المازدا 323 موديل 2003 - 2004 اللى هو اصلا منزلش مصر بس حضراتكم ممكن تعملو سيرش على النت وتتاكدو من الكلام دة ونفس الماتور ونفس العفشه ونفس التابلوة ونفس الابواب بس طبعا العدادات اشيك كتير علشان خلفيتها بيضاء والتابلوة فى المازدا لونه اسود بس و فى الهايما لونه بنى وبيج وطبعا مختلف الشكل من برة يعنى الفوانيس شكل تانى خاااالص بس شكل احلى بكتيير جدا انما غير كدة كلها نفس المازدا فى كل حاجه

بالنسبة للمميزات كتييير جدا
اولا العربيه واسعه جدا جدا انا مش عارف الاستاذ اللى بيقول ضيقه دة بيقول كدة على اى اساس ؟؟؟ والله دى كل اللى ركب فيها معايا كان واخد باله جدا من النقطه دى
ثانيا العربيه ثابته جدا جدا جدا على الطريق
ثالثا الكماليات الكتيير جدا اللى كله كان بيقول هتبوظ علطول لانها صينى بس انتو مش عاوزين تقتنعو انها كل حاجه فيها يابنى وتقفيلها صينى انا لما بروح اغير اى حاجه فى التوكيل بتتغير فقطع غيار مازدا يعنى انا غيرت فلتر الزيت وبصيت على لقيته مكتوب علية مازدا made in japan

العفشه مش ناشفه ولا حاجه انا شايفها عادية جدا يعنى انا شايفها انعم من عفشه اللانوس الى كنت بحس انها سايبه بعضها كدة
العربيه سريعه جدا ومش عارف هو اية اللى تسارعها بطى !!!!؟
انا جاى بيها من مطروح لاسكندريه وكنت ماشى 190 وفيها اكتر من كدة والله


العيوب بقا
العربيه واطيه بصراحه ولو ركبت معاك 3 ورا و 2 قدام يعنى 5 فى العربيه ومن غير شنط العربيه هتحك منك فى اى مطب هتعدى علية غير طبعا لو اخدته بالعرض
العربيه صوتها مش هادى ولا حاجه العربيه صوتها عالى بس مش العالى اللى هو يضايق بس برضه مش هاديه
العيب اللى انا شايفه فيها انها مع توكيل ميستهلهاش بصراحه علشان التوكيل دة ظالمها

ملحوظه
العربيه معايا بقالها سنتين ونص انا شاريها فى شهر 2 سنه 2008 والحمد لله مفيبش اى مشاكل من اللى الواحد بيسمع عنها دى