اخوانى الاعزاء ارجو ابداء رأيكم فى ايهما افضل مابين هايما فاميلى كاملة اتوماتيك وفتحة سقف ب 82900جم ولا واجا كاملة اتوماتيك ب 89900جم
عرض للطباعة
اخوانى الاعزاء ارجو ابداء رأيكم فى ايهما افضل مابين هايما فاميلى كاملة اتوماتيك وفتحة سقف ب 82900جم ولا واجا كاملة اتوماتيك ب 89900جم
اكيد الواجا تكسب باكتساح في كل حاجة وعلى كل المستويات
ولو عندك اي استفسارات انا تحت امرك
طبعاً انت عارف ان موتور الهايما مازدا يبانى ده غير ان فيها جميع الكماليات اللى انت عايزها ده غير فتحة سقف غير انهاا اقل ب 7000جم فى السعر....
وفى ناس هنا فى المنتدى بيشكروا فيها كتير بس طبعاً ده ميقللش من الواجا بس فى الهايما فى مزايا اكثر بقليل مع فرق سعر اقل ...ولا ايه رأيك ؟
ماليزي أامن من الصيني
حافظ على حياتك وحياة اسرتك وعلى فلوسك او ابعد عن الصيني..
ايه هي الكماليات اللي موجودة في الهايما مش موجوده في الواجا,,؟؟
ممكن المقارنة تكون بين صيني وصيني
اما كدا المقارنة مش في صالح الهيما خالص حتى لو الفرق 10000
المهم الفرق دا نسبته اد ايه من السعر الاجمالي..
اعتقد في الحالة دي ان الفرق نسبته 10% يعني حاجة بسيطة تخلي الواجا تتقدم بقوة..
اكيد الواجا لانها
ثابتة جدا
تصميم ثورى
توافر كل قطع الغيار
بيعها اسهل من الهايما
واسعة ومريحة
اختبار الامان نجوم عالية
موتور جبار ومحترم فى البنزين
صاج اقوى
والكماليات قليلة بس الاداء الرياضى هايعوض دة
سماعت العربية صوتها ممتاز
شنطة واسعة تكفى فى حالة السفر
وكيل محترم ومعروف
ومشكلة عيوب التقفيل دى بتحل بسهولة اما مشاكل الهايما معقدة واغلبها مشاكل ميكانيكية وكانت مع والدة واحد صاحبى ومتدايقة منها بطريقة رهيبة
والاختيار لك
واجا أحسن
واجا افضل بكتيييير
الواجا بدون تفكير
مثبت سرعة لا.
الجنوط اسبور مقاس 15 (195×60)
عاوز راي
خش قعد جوة الواجا وسب نفسك خالص ... وعيش مع التابلوه والكونسول اللي حتلاقيه باصصلك والكاسيت اللي حيحرب بيك اول ما تفتحة وكمان حاجات تانية كتير مش عاوز ابوظلك المفاجائات اللي حتلاقيها..
ولو عندك اي سؤال.. انا في الخدمة 24/7
الواجا احسن من غير كلام
الهيما كفاية انها صينى
شوف حضرتك
الصيني لسا ادامو وقت طويل عقبال اما تقول على منتجاته عربيه بجد
الماليزي أخد وقتو وانتشر اهو وتقدر تقرأ في منتدى البروتون عن الواجا والجين تو والبيرسونا
انما الصيني مأخدش وقت طويل وكاعتماديه ادامو فتره كبيره عقبال ما ياخد ثقه من العملاء
انا بفضل خليك في المضمون
الواجا
وهي عربيه واحده مش معقول هتخاطر ولا ايه رأيك ؟!!!
انا عارف ان الماليزى منتشر اكتر من الصينى .....بس فى ناس هنا فى المنتدى بيشكروا فى الهايما بالذات عن بقية الصينى خصوصاً ان موتورها وعفشتها يابانى وعلى رأسهم الاستاذ جمال عميد المنتدى.....
الهايما من افضل السيارات الصيني فعلا
بس حضرتك بتقارن بالواجا
افضل الواجا ...
لان توكيلها افضل وله خبره عن توكيل الهايما (دا انا حتى ماعرفش توكيل الهايما ايه؟؟)
منتشره اكتر وبالتالى قطع غيار , مكيانيكيه , سعر اعاده البيع ... فى صالح الواجا
واظن انهم متقاربيين من حيث الكماليات والسعر
اركب الاتنين ... وربنا يوفقك للخير ان شاء الله
تحيــــــــــــــاتــــى
الهايما هي المازدا 323 فاميلي موديلات 97 و98 بنفس الموتور و العفشة و الله اعلم
لا لو صحيح تبقا عربية كويسة جدا
اعتقد امامنا مش اقل من 3 سنوات علشان نقول حكم حقيقي على اي عربية صيني
وعشان كده انا بانصح بالواجا
وصلي استخارة وربنا يوفقك لكل خير
بروتون واجـــا " بـــــــــكــــــــــل تأكيـــــــد " .........
شوف الهايما فاميلى مع واحد صاحبى وجاييبها بقالة 6 شهور ودية مميزاتها وعيوبها
المميزات :
1:صوت محرك هادى
2:شكل جميل
3:اوبشن كتير
عيوبها كتير للاسف
1:عفشة ناشفة جدا جدا جدا
2:سحب مش قد كدة وجرينا بيها وبتديك احساس انها بتجرى اوى وهى فى الحقيقة عادية جدا
3:ضيقة جدا جدا وكمان مساحة السقف قريبة اوى مع كراسى ناشفة
4:صوت غيارات الفتيس عالى وبعيدة مش قريبة
5:عزم قليل وواضح جدا صوت الماتور بيعلى جامد بعد بس 3000 لفة ,واخر القرص على الماتور 5000 لفة فى الغيارات
6:تسارع بطىء
7:خامات بلاستيك فى بلاستيك السيارة غير مرضية نهائى لى ولا صحابى حرام فيها المبلغ دة اخرها 65000 الف جنية
البروتون كويسة ومتجربة ,بس مانتشرتش خالص ,وتوكيلها مش مهتم بيها اصلا ,ولا اعلانات او دعاية ,حتى الناس مايعرفوش اوبشنها ولا ان شكلها حصل علية تعديلات فى 2009 ,لكن لو عايزها اللى زيها فى السعر الجين 2 كويسة واحسن من الواجا 2
انا ماعيبتش فى الواجا فى حاجة والعربيتين من شركة واحدة ومشتركين فى حاجات كتير بس الثبات للجين 2 اكتر ,شبابية اكتر ,دة من رائى لكن ماقولتلكش ان الواجا وحشة بس فية عيب ان توكيلها مش عاملها اعلانات زى الجين 2 مش عارف لية مع ان الاتنين نفس السعر ودة اللى مخلية الناس مقلقة منها ,عدم انتشارها وماتقوليش منتشرة زى الجين 2 انا نادرا لما بشوف واجا وخصوصا موديل 2009
أنا أرشح الواجا طبعا .... بس أنا مجربتهاش ...
أنا معترض على التصميم الثورى ... فين التصميم الثورى ده؟؟ بصراحة العربية شكلها قديم و عادى جدا ...
إختبار الأمان 3 نجوم فقط
YouTube - Proton Waja/Impian Euro NCAP Crash Test
أنا بس حبيت أعلق على النقط دى ..
Gen2 is one of the most stable 1600 cars in egypt
شباب اللي يقول حاجة يكون متأكد منها ومجربها
هل في حد وقف عربيتين ( واجا - جين2 ) جمب بعض وجرب ثبات كل واحدة منهم واكتشف ان واحدة احسن من التانية ولا الكلام مجرد تخميين
انا مش بدافع عن الواجا ولا بعيب في الجين2 بس مبحبش حد يحكم بناء على كلام الناس او تخيلاته
انا مش متفق معاك في نقطة الثبات دي ولة عاوز تقنعني يبقى التجربة هي الفيصل الوحيد..
متجربة ,ومجرب كل انواع البروتون حتى الويرا ,وانا عارف بقولك اية سوق الجين 2 هتلاقيها اثبت منها ,جرب وانت تعرف
يا بشمهندس رافي الفرق مش كبير بس تكونولوجيا الhandling بتاعت الجين و البرسونا من تصميم لوتس
عشان كدا معروف عنها الثبات دا مش اكتر
الواجا أحسن
انا متشكر ليكو ياجماعة على آرائكم ده بس انا مش عايز الموضوع يتحور للمقارنة مابين جين 2 والواجا.............. نرجو التوضيح فقط!
الاتنين كويسين سواء واجا او جين 2 ومش عايزين نخرج من الموضوع
طبعا من غير تفكير هات الواجا احسنلك واضمنلك
Persona automatic